BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەت باسشىسى قاراعاندىدا جاڭا مەشىتتە بولدى

قاراعاندى. 21 قاراشا. قازاقپارات /ولگا  پەترەنكو/ - قر پرەزيدەنتى نۇرسۇلتان نازاربايەۆ بۇگىن قاراعاندى وبلىسىنا جۇمىس ساپارى بارىسىندا قازاقستان تاۋەلسىزدىگىنىڭ 20 جىلدىعىنا وراي سالىنعان قاراعاندىداعى جاڭا مەشىتتە بولدى.

قاراعاندىنىڭ وڭتۇستىك-شىعىس جاعىندا سالىنعان جاڭا مەشىت 4000 ادامعا ارنالعان. قالاداعى بۇرىنعى باس مەشىت ٴدىندار جاماعاتقا تارلىق ەتكەننەن كەيىن جاڭا قۇلشىلىق ٴۇيىن سالۋ قاجەتتىگى تۋىندادى. ونىڭ قۇرىلىسىنا 1،7 ملرد. تەڭگە جۇمسالدى. جوبانىڭ قۇرىلىسىنا وبلىس كاسىپورىندارى مەن ۇيىمدارى دەمەۋشىلىك كورسەتتى.  

مەشىت ٴۇش قاباتتان تۇرادى. ونىڭ ٴبىرىنشى قاباتىندا نەكە قييۋ زالى، قوسىمشا بولمەلەرىمەن اسحانا، ايەلدەر مەن ەرلەر جۋىناتىن بولمەلەر، كيىم ىلگىش، تەحنيكالىق بولمەلەر بار. ەكىنشى قاباتتا 3200 ادامعا ارنالعان ەرلەردىڭ ٴمىناجات ەتۋ زالى، سوندا-اق يمامنىڭ، ونىڭ كومەكشىسىنىڭ جانە ازانشىنىڭ بولمەلەرى بار. جوعارعى قاباتتا 800 ادامعا ارنالعان ايەلدەردىڭ ٴمىناجات ەتەتىن زالى ورنالاسقان.

مەشىت ٴداستۇرلى قازاق اشەكەيلەرى جانە كلاسسيكالىق ٴسان ەلەمەنتتەرى قولدانىلىپ جاسالعان. عيماراتتىڭ ساۋلەتىن بيىكتىگى 49 مەترلىك ٴتورت مۇناراسى، بيىكتىگى 12 مەترلىك باس كۇمبەسى جانە 8 شاعىن كۇمبەزدەر تولىقتىرادى.   

ونىڭ ٴىشىن ارلەۋگە 70 قازاقستاندىق شەبەر قاتىستى. بارلىق كوركەم كەراميكا مەن قاشالعان گيپستىق جۇمىستاردى جەرگىلىكتى شەبەرلەر اتقارىپ شىقتى. ونىڭ ۇلگىسىنە ارابيانىڭ تاڭداۋلى تاڭداۋلى مەشىتتەرى الىندى، سونداي-اق كۋالا-لۋمپۋر قالاسىنداعى (مالايزيا) مەشىتتىڭ بەزەندىرىلۋى زەردەلەندى.

سونىمەن قاتار مەشىت قۇرىلىسىندا ەنەرگيا ساقتايتىن تەحنولوگيالار پايدالانىلعان. 

http://www.inform.kz/kaz/article/2420619


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي