BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«كۇلتەگىن» ٴمۋلتفيلمىنىڭ قايىرىمدىلىق كورسەتىلىمى ٴوتتى

استانا، baq.kz. استانادا ارنايى تۇزەتۋ مەكتەپتەرىنىڭ وقۋشىلارى مەن از قامتىلعان وتباسىلاردا تاربيەلەنەتىن بالالاردىڭ قاتىسۋىمەن «كۇلتەگىن» ٴمۋلتفيلمىنىڭ قايىرىمدىلىق كورسەتىلىمى ٴوتتى.

اكسيانى «ايالا» قايىرىمدىلىق قورىنىڭ كومەگىمەن «قازاقفيلم» كينوستۋدياسى ۇيىمداستىردى، دەپ جازادى استانا قالاسى اكىمدىگىنىڭ رەسمي سايتى.

كورسەتىلىم باستالعانعا دەيىن تۋىندى اۆتورلارى بالالارعا ەستەلىك سىيلىقتار مەن ٴدامدى تاعامداردى تاراتتى.

«ٴبىزدىڭ سۋرەتتە ەرلىك پەن باتىلدىق، اتا-بابالارىمىزدىڭ اۋىزبىرشىلىگى كورىنىس تاپقان. كۇلتەگىن – ٴبۇتىن ٴبىر ٴداۋىردىڭ تاريحي تۇلعاسى. ٴبىزدىڭ باستى ماقساتىمىز – سول ۋاقىتتىڭ مادەنيەتىن كورسەتۋ، انيماسيا ارقىلى جاس كورەرمەننىڭ تاريحىمىزعا دەگەن قىزىعۋشىلىعىن ارتتىرۋ»، – دەيدى انيماسيالىق رەجيسسەر اداي ٴابىلدينوۆ.

قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا «قازاقفيلم» كينوستۋدياسى دايىنداعان تاريحي انيماسيالىق مۋلتفيلمدە كوپتەگەن كوشپەلى ەتنيكالىق توپتاردى ٴبىر تۋدىڭ استىندا بىرىكتىرىپ، ۇلى كوشپەلى يمپەريانىڭ داستۇرلەرىن جالعاستىرعان تۇركى قاعاناتىنىڭ ايگىلى قولباسشىسى كۇلتەگىننىڭ بالالىق شاعى سۋرەتتەلەدى.

انيماسيالىق فيلم 22 قاراشادا وتاندىق پروكاتقا شىققان بولاتىن. قازاق تىلىندەگى ٴفيلمنىڭ ۇزاقتىعى – 60 مينۋت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي