BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەشە بەكبولاتتىڭ كونسەرتىندە بولدىم

كەشە بەكبولاتتىڭ (تىلەۋحان-رەد.) كونسەرتىندە بولدىم. كوپتەن بەرى مۇنداي تابيعي، اللا بەردى داۋىسپەن بەرىلگەن ٴان-جىر كەشىن كورىپ،تىڭداپ تاماشالاماعان ەدىم. ٴسۇيسىنىپ، ٴسۇيىنىپ قايتتىم. مىنە، بۇل رۋحاني قاناتتانۋ دا، ٴلاززاتتانۋ.
ٴبىرىنشى ۇناعانى; بەكبولاتتىڭ ساحنادا ٴوزىن ەركىن، قىسىلماي-قىمتىرىلماي ۇستاپ، كورەرمەنىمەن اشىق-جارقىن سىرلاسۋى، سىر اشۋى. ياعني، بۇل ونەر ادامى كورەرمەن - تىڭدارمانىنا، كورەرمەن - تىڭدارمانى ونەر ادامىنا سەنىپ، ولاردىڭ اراسىندا سەنىم مەن سىيلاستىق بولىپ، ٴبىر ٴبىرىن قۇرمەتتەيدى دەگەن ٴسوز. مىنە،ەكى جاقتى باقىت وسى.
ەكىنشى ۇناعانى; جانعا جاعىمدى، بويعا ٴسىڭىمدىسى، سەزىمگە اسەر ەتەتىنى، ٴانشىنىڭ ونەر تاريحىنىڭ بەس عاسىرىن (ٴتىپتى، ودان دا ٴارى) قامتىپ، سول كەزدەگى اقىن-جىراۋلاردىڭ ولەڭ -جىرلارىن بۇگىنمەن ۇندەستىرىپ، ۇلت تاعدىرىمەن ۇيلەستىرىپ، ەل-جۇرتقا تاۋەلسىزدىكتىڭ قادىر-قاسيەتىن تۇسىنۋگە، ونى كوزدىڭ قاراشىعىنداي ساقتاۋعا ۇندەۋى. قازاق قوعامىنا رۋح بەرىپ، ونى رۋحتاندىرۋى. مىنە، بۇل، ونەردى "يدەيا، يدەولوگيا ەمەس، ول بار بولعانى ونەر" دەپ قارايتىندارعا ساباق بولاتىن جاعداي.
ٴۇشىنشى ۇناعانى; بەكبولات، ٴداستۇرلى ٴان-جىرلاردىڭ سان-الۋان قىر-سىرىن، سازىن، اۋەز-ارىن بويىنا ٴتۋابىتتى - تابيعي ٴسىڭىرىپ، ولاردى ايماقتىق-اۋماقتىق ٴجىر-ان ايتۋ جانە ولاردىڭ ورىندالۋ مانەرىن، ٴمانىن ساقتاپ، ونەر تىلىمەن ايتقاندا، تۇتاس ٴبىر ۇلتتقا ٴتان قادىر-قاسيەتتە پوپۋرري جانرى ارقىلى ورىنداۋى. بۇل بارلىق ٴان مەكتەپتەرىنىڭ ٴبىر ٴانشىنىڭ بويىنان تابىلىپ، ۇلت تۇتاستىعىن كورسەتەتىن فەنومەنگە اينالۋى.
ٴتورتىنشى ۇناعانى; كونسەرتتىك باعدارلامانىڭ تۇتاستىعى، ونىڭ لوگيكالىق بايلانىسىنىڭ كونسەرتتىڭ باسىنان باستاپ، سوڭىنا دەيىن ۇزىلمەي، جۇيەلى جالعاستىق پەن بايلانىستا بولۋى. كونسەرتتىڭ ساحنالىق بەزەندىرىلۋى دە سوعان جاتادى.
بەسىنشى ۇناعانى; ٴانشىنىڭ ونەرىمەن بىرگە، ازاماتتىق-ادامي تۇلعاسىنىڭ ۇلتتىق تۇرعىدان قالىپتاسىپ، سول جولعا ونەرى مەن ٴومىرىن باعىشتاعانى.
التىنشى ۇناعانى; ٴانشىنىڭ كونسەرتتىك باعدارلامانى قالاي جوعارى نوتادا باستاسا، ونىڭ شارىقتاۋ شەگىن دە، سول نوتادان ٴبىر تۇسىرمەي، قايتا جوعارىلاتا اياقتاي بىلۋىندە. بۇل ٴانشى شەبەرلىگىنىڭ شارىقتاۋ شىڭى دا، تالانت تابيعاتىنىڭ مونوليتتىگى (مىزعىماستىعى، قالىپتاسقانى).
ٴيا، دوستارىم، بۇل كونسەرت ەسىمدە وسىلاي قالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي