BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىقتار ماسكەۋدە جوعارى ونەر كورسەتتى

26 قاراشا مەن 29 قاراشا ارالىعىندا ماسكەۋ قالاسىندا حالىقارالىق ٴبىرىنشى پارادەلفيي فەستيۆالى وتكىزىلدى. ول فەستيۆالدە قازاقستاندىق ٴبىرىنشى پارادەلفيي ويىندارىنىڭ دارىندى جۇلدەگەرلەرى “sensetive” (پەتروپاۆلوۆسك ق.) ۇجىمى مەن يشارا تىلىندە ٴان ورىنداۋشى قىزدارىمىز ەلميرا بالتىكوۆا (الماتى ق.)، اينۋر ساينوۆا (پەتروپاۆلوۆسكا ق.) قاتىستى.

مۇمكىندىگى شەكتەۋلى جاندار اراسىنداعى مادەنيەت پەن ونەر سالاسىنداعى شىعارماشىلىق سايىستا رەسەي، قازاقستان، بەلورۋسسيا، فرانسيا، ارگەنتينا، نيدەرلاند، يسپانيا مەن پورتۋگاليا سياقتى شەتەلدىڭ وكىلدەرى وزدەرىنىڭ ونەرلەرىن پاش ەتتى. جارىستىڭ ۇزدىك قاتىسۋشىلارى بەينەلەۋ ونەرى، اۋديوۆيزۋالدىق ونەر، تەاتر ونەرى، مۋزىكا ونەرى، كوركەمسوز، حورەوگرافيا ونەرى، ەرەكشە جانر جانە يشارا تىلىندە ٴان ورىنداۋ سياقتى سەگىز اتالىم بويىنشا ٴوزارا سايىسقا ٴتۇستى. قازاقستاننان بارعان قاتىسۋشىلار حورەوگرافيا مەن يشارا تىلىندە ٴان ورىنداۋ اتالىمدارى بويىنشا لايىقتى ونەرلەرىن كورسەتتى.

قازاقستانداعى ٴبىرىنشى پارادەلفيي فەستيۆالىنىڭ اياسىندا وتكەن ستەپنوگورسك قالاسىنداعى ٴحىى ۇلتتىق دەلفيي ويىندارىندا (2016 جىلعى 1-5 قاراشا) «sensetive» ۇجىمى مەن اينۋر ساينوۆا «حورەوگرافيا» مەن «يشارا تىلىندەگى ٴاندى ورىنداۋ» اتالىمدارى بويىنشا ٴبىرىنشى ورىن الىپ، فەستيۆالگە جولداما العاندارى بەلگىلى.

شەتەلگە شىعۋ جولاقىسى مەن ورنالاسۋ شىعىندارىن قازاقستاننىڭ ۇلتتىق دەلفيي كوميتەتى مەن «بولاشاق» تۇلەكتەرى اسسوسياسياسىنىڭ كورپوراتيۆتىك قورى وزىنە الدى. ولارمەن بىرگە حالىقارالىق شىعارماشىلىق ارەناعا ەلميرا بالتىكوۆا دا ساتتىلىك جولداماسىن العان بولاتىن. يشارا تىلىندە تاماشا ٴان ورىندايتىن دارىندى ورىنداۋشىعا ستەپنوگورسك قالاسى اكىمدىگى قولداپ، ۇلكەن كومەك كورسەتتى. ستەپنوگورسك قالاسىنىڭ باسشىسى انۋار كۋمپەكەەۆ ٴبىرىنشى پارادەلفيي ويىندارىنا بارۋ گرانتىن ەلميراعا ٴوزى تابىستادى.

رەسپۋبليكالىق جانە حالىقارالىق بايقاۋلاردىڭ بىرنەشە دۇركىن جەڭىمپازى، پەتروپاۆلدىق “sensetive” ۇجىمى الەمنىڭ تۇكپىر-تۇكپىرىنەن كەلگەن كورەرمەندەرگە “تانگو”، “باياۋ فوكستروت”، “سيكۆەي” مەن “چا-چا-چا” بيلەرىنەن تۇراتىن ٴتورت نومەر كورسەتتى. ال يشارا تىلىندەگى اندەردى كەرەمەت ورىندايتىن سۇيكىمدى قىزدارىمىز ەلميرا بالتىكوۆا مەن اينۋر ساينوۆا “حالقىم-اي”، “قازاقستانىم العا”، “i love you like a love song” جانە “لەبەدينايا ۆەرنوست” دەگەن اندەرمەن جارىستى تاماشالاۋعا كەلگەن قوناقتاردىڭ جۇرەكتەرىن جاۋلاپ الدى. ونەرلەرىنە ٴتانتى بولعان كورەرمەندەر ورىنداۋشىلاردى ساحنادان جىبەرمەي ۇزاق قول سوقتى.

«قازاقستاننان كەلگەن دارىندى بالالاردىڭ ساحنادا كورسەتكەندەرى بۇل جوعارى دەڭگەيلى شەبەرلىك. ٴسوزسىز، بۇل قوشەمەتكە لايىق بالالار»، – دەپ اتاپ ٴوتتى حالىقتىق قوعامدىق فرونت شتابىنىڭ ماسكەۋ ٴوڭىرى بويىنشا مادەنيەت سالاسىننىڭ جەتەكشى ساراپشىسى، اكتەر، قوعام قايراتكەرى ۆلاديمير بريلەۆ.

فەستيۆال قاتىسۋشىلارىنىڭ بارلىعىنا سالتاناتتى تۇردە سەرتيفيكاتتار تابىستالعان ويىنداردىڭ جابىلۋ سالتاناتىنىڭ گالا-كونسەرتى ماسكەۋدەگى «كوسموس» ٴقوناقۇيىنىڭ كونسەرت زالىندا وتكىزىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي