BAQ.kz - Қазақстан жаңалықтары USD 378.9 BAQ.kz - Қазақстан жаңалықтары EUR 422.74 BAQ.kz - Қазақстан жаңалықтары RUB 5.87
استانا:

قازاقستاندىق ٴبيشى رەسەيلىك «تانسى» شوۋىندا نەشىنشى ورىن الدى؟

استانا، baq.kz ٴتىلشىسى. رەسەيلىك «تانسى نا تنت» شوۋىنىڭ التىنشى ماۋسىمى ٴوز مارەسىنە جەتتى. 2014 جىلدان بەرى جارىققا شىققان جوباعا باستاپقىدا رەسەيلىك بيشىلەر عانا قاتىسسا، ۋاقىت وتە كەلە الىس-جاقىن شەتەلدىڭ بيشىلەرى دە قاتىسا باستادى. ونىڭ ىشىندە قازاقستاندىق بيشىلەر دە بار.

قىسقاشا ايتىپ وتسەك: بيىلعى ماۋسىمدا ٴۇش كوماندا بولدى. فينالعا ٴار كوماندادان ەكى قاتىسۋشىدان ٴوتتى.

ٴۇشىنشى ورىندى ەگور درۋجين كومانداسىنىڭ ٴبيشىسى، قازاقستاندىق ساشا لي الدى. ول ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ حورەوگرافيا ماماندىعىن بىتىرگەن. نەگىزگى بي باعىتى – كونتەمپوراري.

ەكىنشى ورىندى دا ەگور درۋجينين كومانداسىنىڭ ٴبيشىسى، يزرايلدىك يۋۆي (يۋۆال لاماي/yuval lamay) الدى. ەشبىر ماۋسىمدا نازىك جاندىلار جەڭىمپاز بولىپ كورمەگەن، ٴدال وسى ماۋسىمدا قىزدار اراسىندا جەڭىمپاز بولۋعا لايىق ٴبىر ادام بولسا، ول – يۋۆي بولاتىن.

ٴبىرىنشى ورىندى تاتيانا دەنيسوۆا كومانداسىنىڭ ٴبيشىسى الەكسەي لەتۋچيي الدى. ٴدال وسى جەڭىمپاز ٴتورتىنشى ماۋسىمنىڭ كاستينگىنەن دە وتە الماعان، ٴتىپتى قۋىلعان دەسە دە بولادى. بۇل جولى ول بار كۇش-جىگەرىن سالىپ، جەڭىمپاز اتاندى جانە 3 000 000 رۋبل يەلەندى.

ەستەرىڭىزدە بولسا، «تانسى نا تنت» باعدارلاماسىنىڭ ٴۇشىنشى ماۋسىم جەڭىمپازى – قازاقستاندىق (شقو، ريددەر قالاسى) دميتريي ششەبەت بولعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي