BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

قازاقستاندىق بالەت ۆالەنسيانى باعىندىردى

استانا، baq.kz. يسپانيانىڭ ەڭ ٴىرى قالالارىنىڭ ٴبىرى ۆالەنسيادا «استانا وپەرا» تەاترى بالەت ترۋپپاسىنىڭ ورىنداۋىنداعى «اققۋ كولى» بالەتىنە بيلەت تابۋ مۇمكىن ەمەس.

يسپان جۇرتشىلىعى استانالىق تەاتردىڭ ونەر كورسەتۋى اينالاسىندا ايرىقشا قىزىعۋشىلىقتارىن تانىتىپ، ٴبىر دۇرلىكتى. ارتىستەردىڭ بۇل جەردە ٴوز ونەرلەرىن العاش رەت ۇسىنۋلارىنا قاراماستان، ولاردى كوشەلەردە تانىپ، «استانا وپەرا» دەگەن اتاۋدى قۋانىشپەن قابىلداپ جاتتى، سەبەبى يسپانيالىقتار قازاقستاندىق تەاتردىڭ ونلاين-كورسەتىلىمدەرى مەن ەلوردالىق ترۋپپا تۋرالى ٴجيى جازاتىن الەمدىك مادەنيەت جاڭالىقتارىن قالت جىبەرمەيدى.

يسپانياعا گريمەرلەر، كوستيۋمەرلەر مەن ساحنا ماشينيستەرىن قوسا، 100 ادامنان استام ارتىستەر قۇرامى كەلدى. ۆالەنسياعا ترۋپپا اتى الەمگە ايگىلى وپەرا ٴانشىسى پلاسيدو دومينگونىڭ شاقىرتۋىمەن باردى. پ.چايكوۆسكييدىڭ بالەتىنە ارنالعان ٴسان-سالتاناتى جاراسقان دەكوراسيالار سوفيا پاتشايىمنىڭ ونەر سارايى ساحناسىنىڭ (ۆالەنسيا) اجارىن ايشىقتاي ٴتۇستى. تەاتر جاڭا، ول 2005 جىلى اشىلدى. 1400 ورىندىق زال الەمدىك بالەت كلاسسيكاسى جاۋھارىن كورۋگە اسىققان كورەرمەندەرگە اپ-ساتتە لىق تولدى.

«اققۋ كولى» العاش رەت شامامەن ٴبىر جارىم عاسىر بۇرىن قويىلعان بولاتىن. ودان بەرى دۋالانعان ارۋ-اققۋ ودەتتا مەن زيگفريدتىڭ ماحاببات حيكاياسى، ەڭ الدىمەن، كەرەمەت مۋزىكاسىمەن، سونداي-اق كوپشىلىك ويىن-ساۋىقتىعى ٴارى جەكە پارتيالاردىڭ شەبەرلىكپەن ورىندالۋىمەن تەاترقۇمار قاۋىم نازارىن وزىنە اۋدارىپ كەلەدى. ز ۇلىم سيقىردىڭ كۇشىمەن قۇسقا اينالعان ارۋ تۋرالى سيۋجەت فولكلورلىق ەرتەگى الەمىندە كەڭ تاراعان. چايكوۆسكيي بالەتىندە زيگفريد حانزادا ودەتتانىڭ قۇتقارۋشىسى، الايدا ونىڭ بايقاۋسىز جاساعان وپاسىزدىعى قاسىرەتتى كۇناعا اينالادى.

29 جەلتوقساندا سپەكتاكلدەگى باستى پارتيالاردى ورىنداعاندار: قازاقستاننىڭ ەڭبەك سىڭىرگەن قايراتكەرى ايگەرىم بەكەتايەۆا (ودەتتا-وديلليا)، حالىقارالىق بايقاۋلاردىڭ لاۋرەاتى ولجاس تارلانوۆ (زيگفريد حانزادا)، سەرىك ناقىسپەكوۆ (شۋت) جانە جانىبەك يمانقۇلوۆ (روتبارت).

كورەرمەندەر ەلوردالىق بيشىلەرگە ورىندارىنان تىك تۇرىپ قوشەمەت ٴبىلدىرىپ، سوليستەر ساحنادان شىعىپ كەتكەنگە دەيىن «جارايسىڭدار!» دەگەن ىستىق ىقىلاستارىن جەتكىزىپ جاتتى.

- سپەكتاكل باستالعان ساتتەن باستاپ سوڭىنا دەيىن ارتىستەر اسقان شەبەرلىك پەن تاماشا دارىنىن كورسەتتى، ال دەكوراسيالار مەن رەكۆيزيتتەردىڭ ٴاربىر بولشەگى ٴوزىنىڭ اسەمدىگىمەن تاڭداندىردى، - دەپ اتاپ ٴوتتى وفەليا پەرەس ەسىمدى كورەرمەن.

سوفيا پاتشايىمنىڭ ونەر سارايىندا 29 جەلتوقسان مەن 2019 جىلدىڭ 5 قاڭتارى ارالىعىنداعى «اققۋ كولى» بالەتىنىڭ گاسترولدىك كورسەتىلىمى «رۋحاني جاڭعىرۋ» باعدارلاماسىنىڭ اياسىندا قر مادەنيەت جانە سپورت مينيسترلىگىنىڭ قولداۋىمەن ٴوتىپ جاتىر. بۇدان كەيىن وسى بالەت ونەرىنىڭ جاۋھار تۋىندىسى 11-13 قاڭتار ارالىعىندا يتاليادا كورسەتىلەدى.

بالەت ترۋپپاسىنىڭ كوركەمدىك جەتەكشىسى – رەسەيدىڭ حالىق ٴارتىسى التىناي اسىلمۇراتوۆا. ديريجەرلەر – قازاقستاننىڭ ەڭبەك سىڭىرگەن قايراتكەرى ابزال مۇحيتدينوۆ جانە ارمان ورازعاليەۆ.

كۇن شۋاقتى يسپانيا چايكوۆسكيي بالەتىن سۇيسىنە تاماشالاپ جاتقاندا، مەرەكەلىك جاڭا جىلدىق استانادا وپەرا سوليستەرىنىڭ كونسەرتى انشلاگپەن وتۋدە. 29 جەلتوقسان كۇنى كەشكىسىن ەلوردالىق كورەرمەن ٴۇش كۇن قاتارىنان بەرىلەتىن «استانا وپەرا» قۇتتىقتايدى» كونسەرتىنىڭ العاشقىسىن تاماشالادى. ديريجەرلىك پۋلت باسىنا شىققان باعدارلامانىڭ اۆتورى ٴارى باستاماشىسى – قازاقستاننىڭ ەڭبەك سىڭىرگەن قايراتكەرى، ماەسترو الان بورىبايەۆ تاماشا ونەر كورسەتتى.

جەتەكشى سوليستەر كورەرمەن الدىندا جاڭا قىرىنان كورىندى. مەدەت چوتابايەۆ، جاننات باقتاي، تالعات مۇسابايەۆ، جانات شىبىقبايەۆ، بيبىگۇل جانۇزاق جانە ت.ب. وپەرا ونەرى جۇلدىزدارىنىڭ ورىنداۋىندا العاش رەت ساحنادا وپەرەتتالاردىڭ اريالارى مەن ساحنالىق كورىنىستەرى شىرقالدى. كورەرمەن نازارىنا ي.شتراۋستىڭ «لەتۋچايا مىش»، «زا چتو، و، بوجە موي…» وپەرەتتالارىنان تەرسەت، ف.لەگاردىڭ «ۆەسەلايا ۆدوۆا» وپەرەتتاسىنان سەپتەت، ۆ.ا.موسارتتىڭ «ۆولشەبنايا فلەيتا» وپەراسىنان پاپاگەنو مەن پاپاگەنانىڭ دۋەتى جانە ت.ب. تۋىندىلار ۇسىنىلدى.

كونسەرت اياقتالعان سوڭ تىڭدارماندار كەرەمەت كوڭىل-كۇي مەن تاماشا جاڭا جىلدىق تارتۋ ٴۇشىن «استانا وپەرا» شىعارماشىلىق ۇجىمىنا العىستارىن ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي