BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا تۇڭعىش رەت قازاق ٴتىلدى حالىقارالىق «جايدارمان» ويىنى وتەدى

قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ مەملەكەتتىك تاپسىرماسى نەگىزىندە ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى مەن «قازاقستان كۆن وداعى» رەسپۋبليكالىق جاستار قوعامدىق بىرلەستىگى بىرلەسىپ، ٴتىل فەستيۆالى اياسىندا حالىقارالىق «جايدارمان» ويىنىن وتكىزەدى، دەپ حابارلايدى baq.kz اقپارات اگەنتتىگى.

«جايدارمان» ويىندارى جاستاردىڭ شىعارماشىلىق الاڭى عانا ەمەس، قوعامداعى تۇيتكىلدى ماسەلەلەردى ازىلمەن استارلاي جەتكىزەتىن ونەر دوداسىنا اينالعان جانە قازاقستاندىقتار ٴسۇيىپ كورەتىن تەلەۆيزيالىق جوبا رەتىندە قالىپتاستى.

«جايدارمان» الاڭىنىڭ مەكتەپ جاسىنداعى جەتكىنشەكتەرمەن قاتار ستۋدەنتتەردى، جۇمىسشى جاستاردى قوسا العاندا 200 مىڭعا جۋىق تالانتتىلاردى توپتاستىرعانى كوڭىل قۋانتادى.

«بۇگىندە پرەزيدەنتىمىزدىڭ رۋحاني جاڭعىرۋ جونىندەگى تاعدىرشەشتى ۇندەۋىن جاستارمەن ۇشتاستىرۋ ماقساتى قولعا الىنىپ وتىر. وسى ۇندەۋدەگى – ۇلتتىق سانا، ۇلتتىق بىرەگەيلىكتى ساقتاۋ، ٴبىلىمنىڭ سالتانات قۇرۋى تۋرالى بولىمدەر – ەڭ الدىمەن، قازاق جاستارىنا باعىتتالعان ۇستازدىق اقىل مەن تالاپ دەپ تۇسىنەمىز. سونىمەن قاتار جوبانىڭ expo-2017 كۇندەرى كەزىندە وتكىزىلۋى وڭ رەزونانس تۋدىراتىندىعىنا سەنىمدىمىز» - دەيدى «قازاقستان كۆن وداعى» رەسپۋبليكالىق جاستار قوعامدىق بىرلەستىگىنىڭ ٴتوراعاسى ەسەن ەلەۋكەن.

جوباعا قازاقستان، رەسەي (تاتار، باشقۇرت)، قىرعىزستان ەلدەرىنەن 10 كوماندا قاتىسادى دەپ كۇتىلۋدە. قازاقستاندا العاش رەت ۇيىمداستىرىلعان قازاق تىلىندەگى جوبانى «قازاقستان» ۇلتتىق ارناسى ەفيرىنەن كورسەتىلەدى.

ٴتىل فەستيۆالى اياسىندا وتەتىن حالىقارالىق «جايدارمان» ويىنى استانا قالاسىنداعى "استانا" كونسەرت زالىندا 2017 جىلعى 25 تامىز كۇنى كەشكى ساعات 18:30-دا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي