BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان سۋرەتشىلەرى اباي جۇرگەن ولكەنى ارالاپ سۋرەت سالدى

ابايدىڭ «جيدەباي-بورىلى» مەملەكەتتىك تاريحي-مادەني ادەبي-مەموريالدىق قورىق-مۋزەيىندە قازاقستان سۋرەتشىلەرىنىڭ «كيەلى شىڭعىستاۋ» كورمەسى اشىلدى، دەپ حابارلايدى baq.kz اقپارات اگەنتتىگى مۋزەيدىڭ ٴباسپاسوز قىزمەتىنە سىلتەمە جاساپ.

بۇل كورمەدە مۇحتار اۋەزوۆتىڭ 120 جىلدىعىنا وراي ۇيىمداستىرىلعان سيمپوزيۋم بارىسىندا جاسالعان تۋىندىلار ورىن الدى. ٴبىر اپتا بويى قازاقستاننىڭ ٴار وڭىرىنەن كەلگەن سۋرەتشىلەر اباي، شاكارىم، مۇحتار سىندى حالقىنىڭ ۇلى پەرزەنتتەرىنىڭ ىزدەرى قالعان جەرلەرمەن ٴجۇرىپ، اۋاسىن جۇتىپ، كورىكتى دە شەجىرەلى شىڭعىستاۋ وڭىرىندە: ٴبورىلى، كۇشىكباي اسۋى، تۇما كولى، جيدەباي، ٴۇيتاس، كىشى وردا، «اباي-شاكارىم» كەسەنەسى، اباي انالارى – ۇلجان مەن زەرە زيراتى، كەڭگىرباي بي مازارى، شىڭعىستاۋ، ارحات تاۋلارىنىڭ اسەم جەرلەرىندە، تابيعات اياسىندا پلەنەر وتكىزىپ، 110-نان اسا ونەر تۋىندىسىن سالدى.

كورمە كەزىندە ابايدىڭ «جيدەباي-بورىلى» مەملەكەتتىك قورىق-مۋزەيىنىڭ ديرەكتورى ب.جۇنىسبەكوۆ سيمپوزيۋمعا قاتىسقان بارلىق سۋرەتشىلەرگە ريزاشىلىعىن ٴبىلدىردى. مۋزەي باسشىسى استانا قالاسىنىڭ سۋرەتشىلەر وداعىنىڭ ٴتوراعاسى، مادەنيەت قايراتكەرى ت.ەرمەكوۆ، قر سۋرەتشىلەر اكادەمياسىنىڭ تولىق مۇشەسى، قازاقستاننىڭ ەڭبەك سىڭىرگەن ونەر قايراتكەرى، اكادەميك م.بايتەنوۆ، قازاقستان سۋرەتشىلەر وداعىنىڭ مۇشەسى، اكادەميك م.تۋكسايتوۆ، قازاقستان سۋرەتشىلەر وداعىنىڭ مۇشەسى، قر مادەنيەت قايراتكەرى، كەسكىندەمەشى جانە گرافيك، پەداگوگ ت.بايعاليەۆكە «اباي» مەدالىن تابىستادى.

استانا قالاسىنىڭ سۋرەتشىلەر وداعىنىڭ ٴتوراعاسى ت.ەرمەكوۆ اباي مۋزەيىنىڭ ٴبىر توپ قىزمەتكەرلەرىن استانا سۋرەتشىلەر وداعىنىڭ «قۇرمەت» توسبەلگىسىمەن ماراپاتتادى.

سيمپوزيۋمعا قاتىسقان سۋرەتشىلەر ابايدىڭ قارا شاڭىراعىنا 50-دەن استام تۋىندىلارىن تارتۋ ەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي