BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەنى ٴارقاشان قولدايدى – سامال ەسلياموۆا

استانا، baq.kz ٴتىلشىسى. 1 قاراشا كۇنى #nurotantalks الاڭىندا بەلگىلى اكتريسا، ٴ71-شى حالىقارالىق كانن كينوفەستيۆالىنىڭ «ۇزدىك ايەل ٴرولى» اتالىمى بويىنشا جەڭىمپازى سامال ەسلياموۆا ٴسوز سويلەدى.

بۇل ٴىس-شارا قاتىسۋشىلارى «جاھانداعى زاماناۋي قازاقستاندىق مادەنيەت: بيىك بەلەستەر» تاقىرىبىندا ويلارىمەن ٴبولىستى.

«جۋرناليست بولعىم كەلدى. بۇل بالا كەزدەن ارمانىم ەدى. تەست تاپسىراتىن كەزدە بلانكىنى قاتە تولتىرىپ قويىپپىن. باسقاسىن سۇراعان كەزدە بلانك بىرەۋ عانا بەرىلەتىنىن ايتتى. از ۇپاي جيناپ، تەگىن بولىمگە تۇسە المادىم. قازاق تەاترىندا «اكتەرلىق شەبەرلىك» ەسپەريمەنتالدى توبى اشىلدى. اكەم «سەنىڭ قولىڭنان كەلەدى» دەپ كەڭەس بەردى. باردىم»، - دەپ ٴسوزىن باستادى اكتريسا.

ول وسىنداي جەتىستىكتەرگە جەتۋ ٴۇشىن الدىمەن نە قاجەت ەكەنىن ايتتى.

«ەڭبەك كەرەك. ودان بولەك ونەر جولىندا ساتتىلىك، دەنساۋلىق، ٴبىلىم، ٴتىل، تالانت كەرەك. كۇندەلىكتى ەڭبەك. ول ونەر شابىت كەلسە جاقسى، ٴبىراق ونىڭ ارتىندا وتە-وتە كوپ ەڭبەك جاتىر. كۇندەلىكتى جاتتىعاسىڭ. بۇگىن سۋىق، بوران بولا تۇرا دالاعا شىعىپ تۇسىرىلىمگە قاتىسۋىڭ كەرەك. ارتقا جول جوق، تەك العا»، - دەپ ايتتى ەسلياموۆا #nurotantalks الاڭىندا.

ول ٴارقاشان قولداپ، كومەگىن ايامايتىن قازاقستانعا دەگەن العىسىن جەتكىزدى.

«قازاقستان قانداي كومەك بەردى دەپ سۇرايدى. قازاقستان – مەنىڭ ەلىم، ول ماعان مەكتەپتە، كوللەدجە تەگىن ٴبىلىم بەردى. الماتىعا بارار بولسام مۇمكىن سوندا وقۋعا تۇسەر مە ەدىم. ٴمۇعالىمىم، ارىپتەستەرىم «ماسكەۋگە بارىپ كور» دەپ ايتتى. ماسكەۋگە بارعانىمدا بەلورۋسسيا مەن قازاقستاننان كەلگەن ستۋدەنتتەر تەگىن وقي الادى ەكەن. قازاقستاننىڭ ارقاسىندا تەگىن وقىدىم. سودان كەيىن جۇمىس ىستەدىم. قازاقستان مەن رەسەي دوستىعىنىڭ ارقاسىندا ٴوز كاسىبىممەن جۇمىس ىستەي الدىم. وسىنداي جەتىستىككە جەتتىم، راحمەت. ول مەنىڭ عانا ەمەس، قازاقستاننىڭ، رەسەيدىڭ جانە ەڭبەكتىڭ ارقاسىندا. قازاقستان ۇيدەن كەتىپ بارا جاتقانداعى «بارىپ وقيسىڭ با، وقىساڭ، مىنە جولىڭا اقشا، مىنە ديپلوم» دەپ ايتاتىن اكەم سياقتى. قازاقستان ٴارقاشان مەنى قولداپ تۇرادى»، - دەپ ٴسوزىن تۇيىندەدى ول.

ٴىس-شاراعا سامال ەسلياموۆادان بولەك قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى، «قازاقستاننىڭ 100 جاڭا ەسىمى» جوباسىنىڭ جەڭىمپازى ارمان جۇدەبايەۆ، نيۋ-يورك كينواكادەمياسىنىڭ (mfa) تۇلەگى، حالىقارالىق جانە رەسپۋبليكالىق كينوفەستيۆالدەردىڭ لاۋرەاتى، رەجيسسەر، سسەناريست، اكتەر، دوكۋمەنتاليست دياس ٴازىمجان، «tse art destination» ارت-الاڭى مەن «artios» كرەاتيۆتى اگەنتتىگىنىڭ نەگىزىن قالاۋشى، ونەرتانۋشى، «نۇر الەم» قازاقستان ۇلتتىق پاۆيلونىنداعى قازىرگى زامانعى ونەر جيىنتىعى مەن «astana art show» حالىقارالىق كورمەسىنىڭ كۋراتورى دينا بايتاسوۆا قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي