BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقستان – ەۋرازيا جۇرەگى» اتتى حالىقارالىق تەاتر فەستيۆالى باستالدى

فوتو: inform.kz

بۇگىن تالدىقورعاندا ەل تاۋەلسىزدىگىنىڭ 25 جىلدىعىنا وراي قر مادەنيەت جانە سپورت مينيسترلىگىنىڭ قولداۋىمەن «قازاقستان – ەۋرازيا جۇرەگى» اتتى vi ورتا ازيا مەملەكەتتەرى تەاترلارىنىڭ حالىقارالىق فەستيۆالى باستالدى، دەپ حابارلايدى baq.kz.

فەستيۆالعا 7 تەاتر، اتاپ ايتقاندا، تاتارستاننىڭ ت.ا. مينۋللين اتىنداعى نيجنەكامسك تاتار مەملەكەتتىك دراما تەاترى، قىرعىزستاننىڭ ت.ٴابدىمومىنوۆ اتىنداعى ۇلتتىق اكادەميالىق تەاترى، تاجىكستاننىڭ م.ۆوحيدوۆ اتىنداعى تاجىك مەملەكەتتىك جاستار تەاترى، ەلىمىزدەگى بايتەن وماروۆ اتىنداعى تەاتر، ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى، استانالىق جاستار تەاترى مەن ب.ريموۆا اتىنداعى الماتى وبلىستىق دراما تەاترلارى قاتىسادى.

فەستيۆالدىڭ ماقساتى – ورتا ازيا ەلدەرى مەن قازاقستاننىڭ مادەني قارىم-قاتىناسىن ودان ٴارى نىعايتۋ، قازىرگى زاماننىڭ ەستەتيكالىق تالابىنا ساي درامالىق شىعارمالاردىڭ جاڭا فورمالارىن تابۋ، ولاردىڭ دۇنيەگە كەلۋىنە ىقپال ەتۋ.

بۇعان دەيىن وسىنداي فەستيۆالدار الماتى جانە اقتاۋ قالالارىندا وتكەن بولاتىن. بيىل تالدىقورعاندا 24 قازاننان باستالىپ بەس كۇنگە سوزىلاتىن فەستيۆالعا كورنەكتى تەاتر جانە كينو اكتەرى، رەجيسسەر، كسرو مەملەكەتتىك سىيلىعىنىڭ لاۋرەاتى، كسرو جانە قازاقستاننىڭ حالىق ٴارتيسى، پروفەسسور ٴاسانالى ٴاشىموۆ باستاعان قازىلار القاسى تورەلىك ەتەدى. قازىلار القاسىنىڭ قۇرامىندا پروزايك، اۋدارماشى، دراماتۋرگ، تاجىكستان كوركەمونەر اكادەمياسىنىڭ اكادەميگى ابدۋگاففور ابدۋجاببوروۆ، تەاتر سىنشىسى، د.سيرازيەۆ اتىنداعى تەاتر سىيلىعىنىڭ لاۋرەاتى، حالىقارالىق، بۇكىلرەسەيلىك تەاتر فەستيۆالدەرى سىنشىلار القاسىنىڭ مۇشەسى نياز يگلاموۆ، تەاتر سىنشىسى، دراماتۋرگ، قىرعىز رەسپۋبليكاسى تەاتر قايراتكەرلەرى وداعىنىڭ ٴتوراعاسى جانىش كۋلمانبەتوۆ، ازەربايجان مەملەكەتتىك جاس كورەرمەندەر تەاترىنىڭ باس رەجيسسەرى، ٴازىربايجان مەملەكەتتىك مادەنيەت جانە ونەر ۋنيۆەرسيتەتى «دراما تەاترىنىڭ رەجيسسۋراسى» كافەدراسىنىڭ مەڭگەرۋشىسى، دوسەنت باحرام وسمونوۆ بار.

فەستيۆالدىڭ اشىلۋ سالتاناتىن قۇتتىقتاۋ سوزبەن اشقان وبلىس اكىمىنىڭ ورىنباسارى باقتيار ونەربايەۆ قوناقتارعا جانە شاراعا قاتىسۋشىلارعا ساتتىلىك تىلەدى. سونىمەن قاتار، قازاقستان رەسپۋبليكاسى مادەنيەت جانە سپورت مينيسترلىگىنىڭ جاۋاپتى وكىلى گۇلنافيس مىرزاشەۆا مەن تاتارستان وكىلى نياز يگلاموۆ ٴوز لەبىز-تىلەكتەرىن جەتكىزدى.

الماتى وبلىسى اكىمدىگىنىڭ ٴباسپاسوز قىزمەتىنىڭ مالىمەتىنشە، فەستيۆال اياسىندا ت.سلوبودزيانەكتىڭ «ودنوكلاسنيكي. ۋروكي جيزني»، ش.ايتماتوۆتىڭ «انا – جەر انا» جانە «سابانشىنىڭ جولى»، ب.ريموۆانىڭ «قوس مۇڭلىق»، ا.چەحوۆتىڭ «شيە»، ب.ٴسوبيردىڭ ولەڭىنىڭ جەلىسى بويىنشا «نوچ ۆدالەكە وت رودينى»، ۋ.شەكسپيردىڭ «اساۋعا تۇساۋ» سپەكتاكلدەرى قويىلادى. قويىلىمدار كۇندەلىكتى ب. ريموۆا اتىنداعى وبلىستىق دراما تەاترىندا ساعات 12.00-دە جانە كەشكى 18.00-دە وتەدى. كىرۋ تەگىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي