BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراقات «ٴىنىسى بارلاردىڭ ەتەگى قالاي تۇرىلگەنىن» ايتىپ بەردى

جاقىندا تانىمال ٴانشى قاراقات ٴابىلدينا التىنبەك قورازبايەۆتىڭ «ەلگە سالەم» ٴانىن ساحنادا ورىنداپ، سوزدەرىن شاتاستىرىپ العانى تۋرالى اقپارات تاراپ كەتكەن بولاتىن. baq.kz ٴتىلشىسى وسىعان قاتىستى ٴانشىنىڭ پىكىرىن سۇراپ ٴبىلدى. قاراقات ٴابىلدينا «بۇنىڭ استارىندا دۇرىس ەمەس پيعىل جاتىر، بىرەۋگە بۇل كەرەك بولدى» دەيدى.

«بۇل – 10 جىل بۇرىنعى ۆيدەوجازبا. سودان كەيىن مۇلدەم ورىندالماي كەتكەن، مەنىڭ رەپەرتۋارىمدا تاسادا قالعان ٴان. بىلايشا ايتقاندا، مەن باسىنان بۇل ٴاندى ۇلكەن كاسىبي ساحنادا ورىندايمىن دەپ كوزدەمەگەم. مەن ونى اعايىن-تۋما اراسىندا، قوناقتاردا ايتقىم كەلدى. كاسىبي ساحنادا ورىندالاتىن اندەر، ۇلكەن ورتادا ورىندالاتىن اندەر بولادى. رەپەرتۋار ٴارتۇرلى بولادى عوي. مىناۋ ەندى توي-تومالاق، كىشىگىرىم ورتادا ورىندالاتىن ٴان دەسە بولادى. بۇل ٴاندى اعايىن-تۋمام، ەلدىڭ اراسىندا ورىنداسام دەگەن نيەتپەن وسىدان 10 جىل بۇرىن التىنبەك قورازبايەۆ اعامەن حابارلاسىپ، رۇقساتىن الدىم. ول كىسى «ارينە» دەپ رۇقسات بەردى. «ٴسوزى ٴابدىراحمان اسىلبەكوۆتىكى» دەپ، اۆتوردىڭ تەلەفونىن جىبەردى. مەن ارانجيروۆكاسى ٴبارى دايىن بوپ، ستۋديادا جازاتىن كەزدە ٴابدىراحمان اعاعا تەلەفونمەن حابارلاسىپ، «اعا مىنە باسى وسىلاي باستالادى، سوزدەرى وسىلاي-وسىلاي، دۇرىس قوي؟» دەپ پىسىقتاپ الدىم. ول كىسى «ٴيا، دۇرىس» دەدى. ٴاننىڭ ٴاربىر جولىنا توقتاپ، ماعىناسىنا ٴمان بەرمەدىك. ٴماتىندى ٴبىر شولىپ وتتىك. ٴاننىڭ وسى نۇسقاسىن ٴبىر ۆيدەوجازبادان تاۋىپ، قاعازعا ٴتۇسىرىپ العان بولاتىنمىن. نەگىزى، ەكى جاقتان دا اسىعىستىق بولعان دا شىعار. تەز ارادا ورىنداۋ كەرەك بولدى. ويتكەنى، ٴبىر توي بولدى، سونداي ٴبىر تويعا حالىقپەن امانداساتىنداي، جەلدىرتىپ تۇراتىن تەرمە ىسپەتتەس ٴان ورىنداعىم كەلدى. بۇل ٴان ٴوز ٴتولقۇجاتىما ارنالعان اندەر قاتارىندا ەمەس»، - دەپ ٴتۇسىندىردى ٴمان-جايدى ٴانشى.

ورايى كەلگەندە، وسىنداي دۇنيەنى قازبالاپ، جۇرتتى ابىگەرگە سالعان اعايىنعا دا رەنىشىن ٴبىلدىردى.

«قانشاما جىل وتكەننەن كەيىن سول تەرمەنىڭ ٴدال سول جولىنا توقتاپ، سونى وسىنشالىقتى جاريالاپ نە بولدى؟ ەگەر سول ٴاندى كۇنى بۇگىنگە دەيىن ۇيالماي قايتا-قايتا ايتىپ جۇرسەم، ول شىنىمەن ۇيات بولار ەدى. ايتىلماي كەتكەن ٴاندى قايتا قوپارىپ، سول سوزگە كيلىگۋ قانشالىقتى دۇرىس دەپ ويلايسىز؟ ارينە، بۇنىڭ استارىندا دۇرىس ەمەس پيعىل جاتىر، بىرەۋگە بۇل كەرەك بولدى»، - دەگەن ٴانشى وعان «قاتتى قايعىرمايتىنىن» دا، ول ٴۇشىن «اقتالمايتىنىن» دا جەتكىزدى.

«مەن، جالپى، قازاقتىڭ سوزىنە ٴمان-ماعىنا بەرەتىن ٴۇش ٴانشى بولسا، سونىڭ ٴبىرى – مەنمىن. كەرەك بولسا، رەپەرتۋارىمداعى بارلىق اندەردى تەكسەرىپ، (قاتەسىن – اگەنتتىك) تاعى تاۋىپ بەرسىن. بالكىم، مەنى سوزگە ٴمان بەرمەيتىن، ٴسوزدىڭ قۇدىرەتىن، قاسيەتىن تۇسىنبەيتىن عىپ كورسەتكىسى كەلگەندەر اقتارسىن بۇكىل رەپەرتارۋىمدى. قازىرگى اندەرىمدى قاراسىن»، - دەپ رەنىشىن دە ٴبىلدىردى.

«اندەرىنىڭ ٴبىر ٴسوزىن قاتە ايتۋ، تۇسىنىكسىز ايتۋ قازىرگى قاراقاتقا ۇلكەن سىن بولار ەدى»، - دەدى ەسترادا جۇلدىزى.

ٴسوز سوڭىندا انشىلەردىڭ ساۋاتىن تەكسەرۋشى اعايىنعا: «انشىلەردىڭ ساۋاتىن تەكسەرۋدى قولعا العان بولساڭىزدار، مەن قۇپتايمىن. جانە ونى مەنەن باستاعان بولساڭىزدار، وعان دا ماقۇل دەيىن. ٴبىراق ول ٴۇشىن 10 جىلدىڭ كولەمىندە ۇمىتىلىپ كەتكەن رەپەرتۋاردى كوتەرۋدىڭ قاجەتى جوق»، - دەگەن تىلەگىن جەتكىزدى.

ەستەرىڭىزگە سالا كەتەيىك، وسىدان ٴبىراز ۋاقىت بۇرىن تانىمال ٴانشى قاراقات ٴابىلدينا ٴابدىراحمان اسىلبەكوۆتىڭ سوزىنە جازىلعان التىنبەك قورازبايەۆتىڭ «ەلگە سالەم» ٴانىن ساحنادا ورىنداعان بولاتىن. ٴان ورىنداۋ كەزىندە سوزدەرىن شاتاستىرىپ العان. ونى جاقىندا نۇرتاس جۇما بەك ەسىمدى الەۋمەتتىك جەلى قولدانۋشىسى اڭعارىپ، رەنىشىن ٴبىلدىردى.

نەگىزگى ٴابدىراحمان اسىلبەكوۆ اعامىز جازعان دۇرىس نۇسقاسى بىلاي:

ارمىسىڭ، بالعىن iنiلەر،

اعالاپ الدان جۇگiرەر.

iنiسi كiمنiڭ بار بولسا،

ونەرi ورلەپ، iرiلەر. (قاراقاتتىڭ نۇسقاسىندا: ەتەگى ەرتە تۇرىلەر)

ارمىسىڭ، قارىنداستارىم،

اق تاماق قارلىعاشتارىم.

ساعىنىپ كەلدiم سەندەردi،

دارىندى جالىن جاستارىم.

ال «ساۋاتسىزدىقتى جالپىلاعان جاياۋدان كورگەن ٴبىر باسقا. ەل الدىندا جۇرگەن بۇگىنگىنىڭ اسپانداعى جۇلدىزداردان جارىعىن ارتىعىراق كورەتىن جۇلدىز سىماقتارىمىز نە ايتىپ، نە قويعانىن وزدەرى اڭداماي قالاتىن سەكىلدى. تومەندەگى بەينەروليكتەگى التەكەڭنىڭ (التىنبەك قورازبايەۆ) «ەلگە سالەم» ٴانىن شىرقاپ تۇرعان قاراقات سالعان جەردەن ساندىراقتاپ تۇر. ول: «ٴىنىسى كىمنىڭ بار بولسا، ەتەگى ەرتە تۇرىلەر»، دەيدى. نە دەگەن سوراقىلىق (ەتەگى ەرتە تۇرىلگەن، ەتەگى ەرتە كوتەرىلگەن) دەگەن ٴسوزدى قاي جەردە قاي ماعىنادا ايتىلارىن قولدانىلاتىنىن بىلمەگەنى مە سوندا؟» - دەپ نۇرتاس جۇما بەك ەسىمدى الەۋمەتتىك جەلى قولدانۋشىسى پىكىر بىلدىرگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي