BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قاللەكي» تەاترى ححvi جاڭا ماۋسىمىن «اباي» تراگەدياسىمەن اشادى

ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى 5 قازان كۇنى ححvi جاڭا ماۋسىمنىڭ شىمىلدىعىن م.اۋەزوۆتىڭ «اباي» تراگەدياسىمەن اشادى، دەپ حابارلايدى baq.kz.

تۋىندىنىڭ قويۋشى رەجيسسەرى – قازاقستاننىڭ ەڭبەك سىڭىرگەن قايراتكەرى الىمبەك ورازبەكوۆ. قاليبەك قۋانىشبايەۆ شىعارماشىلىعىنداعى شوقتىعى بيىك ٴرول ٴدال وسى اباي ٴرولى ەكەنى داۋسىز. سوندىقتان بولار، قويىلىمدى ساحنالاۋ اتالعان ونەر ۇجىمىنا ۇلكەن جاۋاپكەرشىلىك جۇكتەيدى. سپەكتاكلدە قوس ابايدىڭ بەينەسىن كورە الاسىزدار. اعا اباي بەينەسىن – قر حالىق ٴارتىسى تىلەكتەس مەيراموۆ سومداسا، جاس ابايدى – قر ەڭبەك سىڭىرگەن قايراتكەرى نۇركەن وتەۋىلوۆ وينايدى.

تەاتر ۇجىمى 25 ماۋىسىم كۇنى ماسكەۋدە وتكەن xiii حالىقارالىق «زولوتوي ۆيتياز» تەاتر فورۋمىنا «تىراۋلاپ ۇشقان تىرنالار» ليريكالىق دراماسىمەن قاتىسىپ، گران-پري يەگەرى اتاندى. سونداي-اق، قويىلىم بارىسىندا ٴوز ونەرلەرىن ورتاعا سالعان قازاقستاننىڭ حالىق ٴارتىسى تىلەكتەس مەيراموۆ – پولكوۆنيك لۋكيانوۆ، اكتەر ٴابىلمانسۇر سەرىكوۆ – پەرنەبەك بورانبايەۆ، اكتريسا اقمارال تانابايەۆا – ينگا رولدەرى ٴۇشىن «زولوتوي ٴۆيتيازدىڭ» التىن ديپلومانتتارى اتانعان ەدى.

سول سياقتى اقتوبە قالاسىندا وتكەن قازاقستان رەسپۋبليكاسى مادەنيەت جانە سپورت مينيسترلىگى ۇيىمداستىرعان قر تاۋەلسىزدىگىنىڭ 25 جىلدىعىنا ارنالعان قازاقستان دراما تەاترلارىنىڭ xxiv رەسپۋبليكالىق فەستيۆالىنەن قاللەكي تەاترىنىڭ «شيە» كومەدياسى «ۇزدىك سپەكتاكل» نوميناسيا يەگەرى اتاندى.

قاراشا ايىندا تەاتر ۇجىمى تاۋەلسىزدىكتىڭ 25 جىلدىعىنا جانە قاللەكي تەاترىنىڭ 25 جىلدىعىنا ارنالعان رەسپۋبليكالىق تەاترلار فەستيۆالىن وتكىزۋدى جوسپارلاپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي