BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

حاسەن ورالتايدىڭ قازىناسى

فوتو: Азамат Әлиев

قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا قر ۇلتتىق اكادەميالىق كىتاپحاناسىنىڭ ماماندارى مۇراعاتتىق ماتەريالدار بويىنشا حاسەن ورالتايدىڭ سويلەگەن سوزدەرى نەگىزىندە قۇراستىرىلعان بەس ديسكتىڭ تۇساۋكەسەرى جاسالدى، دەپ حابارلايدى baq.kz ٴتىلشىسى.

"حاسەن ورالتاي – كورنەكتى قوعام قايراتكەرى، بەلگىلى جۋرناليست-پۋبليسيست ٴارى تاريحشى. حاسەن ورالتايدىڭ جەكە مۇراعاتىنداعى كىتاپار، ٴبىرقاتار قۇجاتتار مەملەكەتتىك «مادەني مۇرا» باعدارلاماسى اياسىندا جەتكىزىلگەن ماقالالارى، باعدارلامالارىنىڭ جازبالارى قازاقستان رەسپۋبليكاسى ۇلتتىق اكادەميالىق كىتاپحاناسىنىڭ قورىنا تاپسىردى. قر ۇلتتىق اكادەميالىق كىتاپحاناسىنىڭ ماماندارى مۇراعاتتىق ماتەريالدار بويىنشا حاسەن ورالتايدىڭ سويلەگەن سوزدەرى نەگىزىندە بەس ديسك شىعاردى" - دەيدى كىتاپحانا قىزمەتكەرلەرى.

بەس بىردەي ديسكىنىڭ ٴارقايسىسىنىڭ ٴوزى مىندەتى، ٴوز اتاۋى بار.

1 – «قازاقستان تاۋەلسىزدىگىنە 10 جىل»،

2 – «ماناش قوزىبايەۆ قازاق مەملەكەتتىلىگى جايلى»،

3 – «شىعىس تۇركىستان ازاتتىعى ٴۇشىن كۇرەس»،

4 – «جەلتوقسان وقيعاسىنا 5 جىل»،

5 – «الاش زيالىلارى».

حاسەن ورالتايدىڭ جازبالارى قازاق حالقىنىڭ تاريحىن، ادەبيەتىن زەردەلەۋگە قوسىلعان ولشەۋسىز ۇلەس بولىپ وتىر.

بۇل بەس ديسكدەن بولەك حاسەن ورالتاي قازاق حالقىنىڭ تاريحىنا قاتىستى بىرنەشە كىتاپتار جازدى:

«قازاق تۇرىكتەرى» (يزمير،1961)،

« ۇلى تۇرىكشى ماعجان جۇماباي ۇلى (يزمير، 1965)،

«شىعىس تۇركىستان تاريحىنداعى باستى ماسەلەلەر» (ستامبۋل، 1975)

«كوممۋنيزممەن شايقاس» (يزمير، 1965)، ت.ب..

1968 جىلى حاسەن ورالتاي «ازات ەۋروپا»/«ازاتتىق» راديوسىنىڭ قازاق راديوسىنا جۇمىسقا شاقىرىلدى، سول كەزدە راديونىڭ باس كەڭسەسى گەرمانيانىڭ ميۋنحەن قالاسىندا بولاتىن. حاسەن ورالتاي 1988-1995 جىلدار ارالىعىندا «ازاتتىق» راديوسىنىڭ قازاق بولىمىنە باسشىلىق ەتتى. 1995 جىلى باس رەداكسيا پراگاعا كوشتى، سول كەزەڭدە حاسەن ورالتاي زەينەت دەمالىسىنا شىقتى. ٴومىرىنىڭ سوڭعى كۇندەرىنە دەيىن ح. ورالتاي قازاق ەميگراسياسى كوشباسشىلارىنىڭ ٴبىرى رەتىندە بەلسەندى قوعامدىق قىزمەتىن جالعاستىردى. قازاقستاننىڭ تاۋەلسىزدىگى جىلدارىندا ٴجۋرناليستىڭ شىعارماشىلىق قىزمەتى قازاقستان ۇكىمەتىنىڭ نازارىنان تىس قالعان ەمەس. 2007 جىلى حاسەن ورالتاي قازاقستان جۋرناليستيكا اكادەمياسىنىڭ باق سالاسىنداعى جالپىۇلتتىق «التىن سامۇرىق» مارتەبەلى سىيلىعىمەن ماراپاتتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي