BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

حالىقارالىق قازاق تىلىندەگى جايدارماندا قىرعىزدار جەڭىمپاز اتاندى

25 تامىز كۇنى تۇڭعىش رەت ۇيىمداستىرىلعان حالىقارالىق جايدارمان ويىنى ٴوز مارەسىنە جەتىپ، قىرعىزستان قۇراماسى جەڭىمپاز اتاندى. شارانى قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرىمەن ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى مەن قازاقستان كۆن وداعى ۇيىمداستىرعان بولاتىن، دەپ حابارلايدى baq.kz اقپارات اگەنتتىگى.

قىرعىزستان، تاتارستان، باشقۇرتستان ەلدەرىنەن جانە قازاقستاندىق بىرنەشە توپ ونەر كورسەتكەن سايىس جوعارى دەڭگەيدە ٴوتتى. بۇرىن جايدارماننىڭ ىشكى بىرىنشىلىگىنە قاتىسىپ، تاجىريبە جيناعان قىرعىزستاندىقتار ويىنعا تىڭعىلىقتى دايىندىقپەن كەلىپ، باس جۇلدەمەن قوسا 500 000 تەڭگە اقشالاي سىيلىقتى يەمدەندى.

ٴى ورىن - 350 000 تەڭگەنى قازىلار القاسى ٴبىر اۋىزدان «تاتارستان قۇراماسىنا» بەرسە، ٴىى ورىن العان باشقۇرتستاننان كەلگەن كومانداعا 300 000 تەڭگە اقشالاي سىيلىق بۇيىردى. ال ٴىىى ورىن - 150 000 تەڭگە ەكى كومانداعا - تورعاي ٴوڭىرىنىڭ نامىسىن قورعاپ كەلگەن «ارۋ.كز» توبى مەن «وقو قۇراماسىنا» بەرىلدى.

سونداي-اق حالىقارالىق تۇركى اكادەمياسىنىڭ پرەزيدەنتى دارحان ٴقىدىرالى اكادەميا اتىنان جاركەنتتىك ۇيعىر جاستارىنان قۇرالعان «lagman.com» توبى مەن تۇركىستاندىق وزبەكتەر قۇراماسى «ياسسى» توبىنا 250 000 تەڭگە ارنايى اقشالاي سىيلىق ۇسىندى.

ساتيريك كوپەن امىربەك باستاعان قازىلار القاسى قۇرامىندا حالىقارالىق تۇركى اكادەمياسىنىڭ پرەزيدەنتى، «ەگەمەن قازاقستان» رەسپۋبليكالىق گازەتى» اق باسقارما ٴتوراعاسى دارحان ٴقىدىرالى، قر ينۆەستيسيالار جانە دامۋ مينيسترلىگi قوعاممەن بايلانىس ٴبولiمiنiڭ مەڭگەرۋشiسi بەرىك ٴۋالي، «رەسپۋبليكالىق راديولار» جشس ديرەكتورى ٴمادي ماناتبەك، اكتەر نۇركەن وتەۋىلوۆ ويىنعا تورەلىك ەتتى.

ويىن «قازاقستان» ۇلتتىق ارناسىنان كورسەتۋ جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي