BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ەۋرازيالىق ۋتوپيا: post scriptum». وڭتۇستىك كورەياداعى قازاقستان كورمەسى

فوتو: Александр Угай

استانا، baq.kz. قازاقستان رەسپۋبليكاسىنىڭ ۇلتتىق مۇراجايى sima زاماناۋي ونەر مۇراجايىندا (وڭتۇستىك كورەيا، سۋۆون) «ەۋرازيالىق ۋتوپيا: post scriptum» اتتى كورمەسىن اشتى. كورمە sima مۇراجايىمەن بىرلەسىپ ۇيىمداستىرىلعان.

ەكسپوزيسيادا كەڭەستىك جانە قازىرگى زاماننىڭ 57 سۋرەتشىسىنىڭ 100-دەن استام تۋىندىسى بار. كورمە - فوكۋس قازاقستان حالىقارالىق جوباسى اياسىندا وتكەن شەتەلدىك ٴىس-شارالاردىڭ ٴتورتىنشى ٴارى سوڭعىسى.

فوكۋس قازاقستان رۋحاني جاڭعىرۋ باعدارلاماسى اياسىندا جۇزەگە اسىپ جاتقان «زاماناۋي قازاقستاندىق مادەنيەت - جاھاندىق الەمدە» اتتى ارنايى جوباسىنىڭ ٴبىر بولىگى بولىپ تابىلادى.

جوبا جەتەكشىسى روزا ابەنوۆانىڭ ايتۋىنشا، جوبا حالىقارالىق ارەناداعى قازاقستاننىڭ زاماناۋي بەينەلەۋ ونەرىن اۋقىمدى كورسەتە العان ۇيىمداستىرۋ تاجىريبەسىنىڭ العاشقى جانە تابىستى مىسالى بولا الادى.

4 قالادا (لوندون، بەرلين، دجەرسي سيتي، سۋۆون) 400-گە جۋىق جۇمىس جانە 94 سۋرەتشىنىڭ مۇراعاتتىق قۇجاتتارى كورسەتىلدى. جوبانىڭ سوڭىندا ٴار كورمە بويىنشا كاتالوگتار شىعارىلادى.

«ەۋرازيالىق ۋتوپيا: post scriptum» كورمەسى كەڭەستىك كەزەڭنىڭ جانە قازىرگى زامانعى سۋرەتشىلەردىڭ شىعارماشىلىعىن زەردەلەۋ، كوركەمدىك ٴداستۇردىڭ جالعاسى مەن ٴۇزىلۋىن كورسەتۋ، رەسپۋبليكامىزدىڭ تاۋەلسىزدىگى كەزەڭىندەگى قازىرگى زامانعى ونەردىڭ دۇنيەگە كەلۋىن، جاڭا ديسكۋرستار مەن مەديانىڭ پايدا بولۋىن زەرتتەۋ ارقىلى قازاقستاندىق ونەردىڭ ٴنارراتيۆىن انىقتاۋعا تىرىسادى. ۇلتتىق سۋرەت ونەرى مەكتەبىنىڭ ەرەكشەلىكتەرى، «جەرگىلىكتى مودەرنيزم» فەنومەنى جانە تاۋەلسىزدىك كەزەڭىندەگى ونەر – وسى كورمەنىڭ باستى تاقىرىپتارى. كورمەدە ۇكى اجيەۆتىڭ، ولگا كۋجەلەنكونىڭ، ساليحيتدين ايتبايەۆتىڭ، جاڭاتاي شاردەنوۆتىڭ، ەۆگەنيي سيدوركيننىڭ، الەكسەي ستەپانوۆتىڭ، ميحايل كيمنىڭ، بوريس پاكتىڭ، ٴابدىراشيت سىدىحانوۆتىڭ، رۋستام ٴحالفيننىڭ، سەرگەي ماسلوۆتىڭ، ساكەن نارىنوۆتىڭ، سەرىكباي ٴالجانوۆتىڭ، ەربوسىن مەلدىبەكوۆتىڭ، ەلەنا مەن ۆيكتور ۆوروبەۆتاردىڭ، الەكساندر ۋگايدىڭ، باقىت ٴبۇبىقانوۆتىڭ، الىبەك مەرگەنوۆتىڭ، ساۋلە دۇيسەنبينانىڭ، نۇربول نۇراحمەتتىڭ جانە باسقالارىنىڭ شىعارمالارى ۇسىنىلدى» - دەيدى ۇيىمداستىرۋشىلار.

«ەۋرازيالىق ۋتوپيا: post scriptum» كورمەسىنىڭ جەتەكشىلەرى: سوروكينا يۋليا (قازاقستان)، شين ىن يانگ (وڭتۇستىك كورەيا). يۋليا سوروكينا جەرگىلىكتى مودەرنيزم فەنومەنىن، سۋرەتشىلەردىڭ مودەرنيزم مۇراسىن سەزىنۋى مەن ونىڭ ٴوز تاجىريبەلەرىمەن ۇشتاستىرۋىن اتاپ كورسەتەدى.

«قازاقستان كورەيامەن تاريحي تۇرعىدان تىعىز بايلانىسقان، ٴبىراق، ٴبىز قازاقستاننىڭ ونەرى مەن مادەنيەتى تۋرالى تىم از بىلەمىز. قازاقستان ونەرىنىڭ العاشقى كورمەسىنىڭ ارقاسىندا ٴبىزدىڭ ول تۋرالى كوبىرەك بىلۋىمىزگە مۇمكىندىك تۋدى» - دەيدى شين ىن يانگ.

كورمە 2019 جىلدىڭ 3 ناۋرىزىنا دەيىن جالعاسادى.

فوتولار: الەكساندر ۋگاي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي