BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەرتەڭ استانادا قازاق وپەرا جۇلدىزدارىنىڭ قاتىسۋىمەن كونسەرت وتەدى

ەرتەڭ ەلورداداعى «قازاقستان» ورتالىق كونسەرت زالىندا «قازاق وپەراسىنىڭ اڭىزدارى» اتتى العاشقى كونسەرت-پرەزەنتاسياسى وتەدى. قر مادەنيەت جانە سپورت مينيسترلىگى مەن «ميراس» قوعامدىق ۇلتتىق مادەني قورى» قوعامدىق قورى بىرلەسىپ وتكىزەتىن مادەني شارادا جۇرتشىلىق وپەرا جۇلدىزدارىمەن كەزدەسەدى جانە ولاردىڭ قۇندى مۇراسى جيناقتالعان انتولوگيامەن تانىسادى، دەپ حابارلايدى baq.kz.

وپەرا انشىلەرىنىڭ شىعارماشىلىعىن تۇگەندەپ، جاس ۇرپاققا كلاسسيكالىق مۋزىكانى ناسيحاتتاۋ ماقساتىندا ۇيىمداستىرىلعان جوبا بويىنشا وپەرا تاريحىندا ويىپ ورىن الاتىن تۇلعالار تۋرالى ارحيۆتەردەن الىنعان قۇندى دەرەكتەر، فوتوسۋرەتتەر مەن ولاردىڭ داۋىسى جازىلعان ۆيدەوماتەريالدار ساندىق تەحنولوگياعا كوشىرىلىپ، cd، dvd ديسكتەرگە جيناقتالعان. ياعني، ٴبىر عانا انتولوگيالىق جيناقتا جەتى بىردەي قازاقستاندىق وپەرا ونەرىنىڭ شەبەرى، كسرو حالىق ارتيستەرىنىڭ ومىر-دەرەگى، شىعارماشىلىعى قامتىلعان. انتولوگيا وپەرا انشىلەرىنىڭ اندەرى جازىلعان 7 اۋديوديسكتەن جانە ولاردىڭ كونسەرتتىك، وزگە دە ۆيدەولارى بار 7 dvd-ديسك پەن بۋكلەتتەن تۇرادى.

«مۇنداي جوبا ەلىمىزدە ٴبىرىنشى رەت جاسالىپ وتىر. بۇعان دەيىن وپەرا انشىلەرىنىڭ بارلىعىنىڭ بىردەي شىعارماشىلىعى مەن سۋرەتتەرى، اندەرى ٴبىر انتولوگياعا جيناقتالعان ەمەس. «ٴولى رازى بولماي، ٴتىرى بايىمايدى» دەگەن بار. سول سەبەپتى وسى كەم-كەتىكتىڭ ورنىن تولتىرعىمىز كەلدى»، - دەيدى كسرو حالىق ٴارتيسى، سوسياليستىك ەڭبەك ەرى بيبىگۇل تولەگەنوۆا.

انتولوگيا تۇساۋكەسەرىمەن بىرگە كورنەكتى انشىلەردىڭ قاتىسۋىمەن كونسەرت وتەدى. كونسەرتكە كەڭەس وداعىنىڭ حالىق ٴارتىسى، سوسياليستىك ەڭبەك ەرى بيبىگۇل تولەگەنوۆا، قازاقستاننىڭ ەڭبەك سىڭىرگەن قايراتكەرلەرى ٴالفيا كاريموۆا، تالعات مۇسابايەۆ، تامارا اسار، اندرەي ترەگۋبەنكو، جۇپار عابدۋللينا، حالىقارالىق كونكۋرستاردىڭ لاۋرەاتى رۋستام سۇلەيمانوۆ قاتىسادى. سونداي-اق، استانا قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ سيمفونيالىق وركەسترى ونەر كورسەتەدى.

«جوبا قازاقستاندىق مادەنيەتتى جاھاندىق الەمگە تانىتۋ ٴۇشىن ۇلكەن ماڭىزعا يە. ونداعان مەملەكەتتەن كەلگەن ەكسپو-2017 حالىقارالىق مامانداندىرىلعان كورمە قوناقتارى ٴۇشىن قازاق وپەراسىنىڭ اڭىزدارى تاۋەلسىز قازاقستاننىڭ باي مادەنيەتىن تانىتىپ، قازاق حالقىنىڭ جوعارعى ورىنداۋشىلىق شەبەرلىگىن الەمدىك قاۋىمداستىققا كورسەتەدى» - دەپ اتاپ ٴوتتى قر مادەنيەت جانە سپورت مينيسترلىگىنىڭ ۆيسە-مينيسترى اقتوتى رايىمقۇلوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي