BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەرلان قارين "جىبەك جولى جۇلدىزى" بايقاۋىنىڭ شارتىن ٴتۇسىندىردى

ەرلان قارين 30 قىركۇيەكتەن باستاپ qazaqstan ارناسىنان كورسەتىلە باستايتىن «جىبەك جولى جۇلدىزى» حالىقارالىق مەگاجوباسىنا قاتىسۋشىلارعا قويىلاتىن تالاپتارمەن تانىستىردى، دەپ حابارلايدى baq.kz اقپارات اگەنتتىگى.

«ٴبىزدىڭ وتاندىق تەلەۆيدەنيەدە مۇنداي دەڭگەيدەگى جوبا بولماعان. ٴبىز ٴۇشىن بۇل جوبا وتە ماڭىزدى. اتالعان جوبا ارقىلى اۋديتوريانى كەڭەيتىپ قانا قويماي، ەڭ باستى ماقساتىمىز - ٴوز ەلىمىزدىڭ مۋزىكالىق مادەنيەتىن كەڭ تۇرعىدا ناسيحاتتاۋدى كوزدەپ وتىرمىز. باعدارلامانىڭ كونسەپسياسىنا سايكەس، شەتەلدەن كەلگەن قاتىسۋشىلار ٴار كەزەڭ سايىن مىندەتتى تۇردە قازاق اندەرىن ورىنداپ وتىراتىن بولادى. ٴبىرىنشى كەزەڭدە ٴوز ەلدەرىنىڭ تانىمال حيت اۋەندەرىن تانىستىرىلىم رەتىندە ايتار بولسا، ەكىنشىسىندە قازاقستاندىق اندەردى ٴوز تىلدەرىندە ورىندايتىن بولادى. ودان كەيىن تاعى ٴبىر كەزەڭدە تانىمال ٴوز ەلدەرىنىڭ اندەرىن قازاق تىلىنە اۋدارىپ ايتادى. سوندىقتان، جالپى 10-نان اسا ەپيزود بولسا، ونىڭ بەسەۋىندە قازاق كومپوزيتورلارىنىڭ اندەرى ورىندالادى. جوبانىڭ نەگىزگى ماقساتى - وسى ارقىلى قازاق مۋزىكاسىن كەڭ تۇرعىدا ناسيحاتتاپ، شەت ەلدەردە تانىتا بەرۋ. كوكتەم ايىنان بەرى جوسپارلاپ، جاز بويى جۇزەگە اسىرۋ ٴۇشىن جۇمىس اتقاردىق. ارنايى توپ جۇمىس جۇرگىزدى. بۇل جوباعا باسا ماڭىز بەرىپ وتىرمىز»، - دەدى "قزاقستان" رترك» اق-نىڭ باسقارما ٴتوراعاسى ەرلان قارين.

سونىمەن قاتار ول بۇل جوباعا جۇمسالاتىن قارجىنىڭ ۇلتتىق ارنانىڭ قالتاسىنان شىعىپ وتىرعانىن جەتكىزدى. جانە باس جۇلدەگە بەرىلەتىن سىيلىقتىڭ دا قوماقتى ەكەنىن ايتتى. دەگەنمەن جۇلدە قورىنا قاتىستى ناقتى جۇمىستار جۇرگىزىلىپ جاتقانىن جانە قاتىسۋشىلارعا توسىنسىي بولۋى ٴۇشىن سىيلىقتىڭ ازىرگە قۇپيا بولا تۇرۋى كەرەكتىگىن دە ەسكەرتتى.

ەستەرىڭىزدە بولسا، بۇعان دەيىن ۇلى جىبەك جولى بويىندا ورنالاسقان قازاقستان، قىرعىزستان، تاجىكستان، وزبەكستان، تۇركيا، ٴازىربايجان، گرۋزيا، رەسەي فەدەراسياسىنىڭ: تاتارستان، باشقۇرتستان سياقتى ەلدەرىنىڭ جارىق جۇلدىزدارى ٴبىر ساحنادا باق سىنايتىنى تۋرالى حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي