BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەرلان ٴبىلالدىڭ ٴىسى سوتقا ٴتۇستى

فوتو: and.kz

مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى ەرلان بىلالگە قاتىستى كوررۋپسيالىق قىلمىس بويىنشا ٴىس سوتقا ٴتۇستى، دەپ حابارلايدى baq.kz اقپارات اگەنتتىگى.

«الماتىنىڭ المالى اۋداندىق سوتىنا «قىلمىسقا دايىندالۋ جانە وقتالۋ» جانە «پارا الۋ» بابى بويىنشا ايىپتالعان ەرلان بىلالگە قاتىستى قىلمىستىق ٴىس ٴتۇستى»، - دەدى الماتى قالالىق سوتىنىڭ ٴباسپاسوز قىزمەتى.

بۇعان دەيىن سوت 9 قاڭتاردا پارا الۋعا وقتالدى دەگەن كۇدىكتىگە قاتىستى كەپىل قويۋ تۇرىندە بۇلتارتپاۋ شاراسى بەلگىلەنگەنىن حابارلاعان. ەرلان ٴبىلال قاڭتاردىڭ باسىندا 1،5 ميلليون تەڭگە كولەمىندە پارا الدى دەگەن كۇدىكپەن ۇستالعان. مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگى «كىناسىن تولىق مويىنداعانىنا بايلانىستى تەاتر ديرەكتورى تۇتقىندالعان جوق. سوتالدى تەرگەۋ جۇرگىزىلىپ جاتىر» دەپ حابارلاعان.

تەرگەۋ دەرەگىنشە، ەرلان ٴبىلال «سەزام» قوعامدىق قايىرىمدىلىق قورىنىڭ جەتەكشىسىنەن جاڭا جىلدىق تەاتر قويىلىمدارىن بىرگە وتكىزۋ تۋرالى كەلىسىمگە قول قويۋ ٴۇشىن پارا الدى دەگەن كۇدىككە ىلىنگەن. ٴىستىڭ ٴمان-جايى انىقتالعانعا دەيىن ەرلان ٴبىلال تەاتر ديرەكتورى قىزمەتىنەن شەتتەتىلگەن.

ايتا كەتەيىك، 5 قاڭتار كۇنى الماتىدا مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى ەرلان ٴبىلال پارا الىپ جاتقان جەرىندە ۇستالدى. الايدا ونىڭ ارىپتەستەرى اكتەردىڭ مۇنداي قادامعا بارعانىنا سەنبەيدى. بۇدان كەيىن ەرلان ٴبىلال 1،2 ملن تەڭگە كەپىل قويىپ، ۋاقىتشا بوساپ شىققان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي