BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردانىڭ تالانتتى ستۋدەنتتەرى ماراپاتتالدى

فوتو: dknews.kz

استانا، baq.kz. «جاڭا بەلەس» فەستيۆالىنە استانا كوللەدجدەرىنىڭ مىڭعا تارتا ستۋدەنتى قاتىستى. بۇل تۋرالى استانا اكىمدىگىنىڭ رەسمي سايتى حابارلايدى.

فەستيۆال-بايقاۋدىڭ جەڭىمپازدارى «ۆوكال»، «حورەوگرافيالىق ونەر»، «شىعارماشىلىق» (كوركەمسوز وقۋ)، «فوتوبايقاۋ» جانە «زياتكەرلىك ويىندار» سياقتى بەس اتالىم بويىنشا انىقتالدى.

شىعارماشىلىق كونكۋرستىڭ فيناليستەرىن، جەڭىمپازدارى مەن جۇلدەگەرلەرىن «استانا جاستارى» ورتالىعىنىڭ جەتەكشىسى ۇكىباي نۇرپەيىسوۆ ماراپاتتادى.

«ەڭ اقىلدى» اتالىمىندا جوعارى مەديسينالىق كوللەدجىنىڭ ستۋدەنتتەرى الىشەر زاكيروۆ پەن ەلامان ساعاتوۆ ٴبىرىنشى جانە ەكىنشى ورىنعا يە بولدى. مەنەدجمەنت جانە بيزنەس كوللەدجەنىڭ ستۋدەنتى – زينايدا كنايپ ٴۇشىنشى ورىندا.

«فوكۋستا» اتالىمىندا گۋمانيتارلى كوللەدج ستۋدەنتتەرى – ارۋجان ابىلتايەۆا مەن نۇرلات ٴىزماحانوۆتىڭ جۇمىستارى ۇزدىك دەپ تانىلدى. ٴۇشىنشى جۇلدەنى پوليتەحنيكالىق كوللەدجدىڭ ستۋدەنتى ٴادىلبي كاپپاروۆ ۇتىپ الدى.

«مۇنداي بايقاۋعا مەن بۇرىن-سوڭدى قاتىسىپ كورمەپپىن. سۋرەتكە تۇسىرۋمەن كاسىبي دەڭگەيدە اينالىسپايتىندىقتان، كونكۋرستا جەڭىسكە جەتەمىن دەپ ويلاعان جوقپىن. بىزگە شىعارماشىلىق قابىلەتتەرىمىزدى كورسەتۋىمىزگە مۇمكىندىك بەرىلگەنىنە وتە قۋانىشتىمىن. بۇل قاتىسۋشىلاردىڭ بويىندا وزىنە دەگەن سەنىم قاسيەتىن ۇشتاي تۇسەدى. بۇل وتە ماڭىزدى»، - دەدى «فوتوكونكۋرس» نوميناسياسىنىڭ جەڭىمپازى ارۋجان ابيلتايەۆا.

«اۆتورلىق وقۋ» اتالىمىندا ٴبىرىنشى ورىن گۋمانيتارلى كوللەدجدىڭ ستۋدەنتى ەلەمەس ەرسىنگە، ەكىنشى ورىن مەنەدجمەنت جانە بيزنەس كوللەدجىنىڭ ستۋدەنتى ٴابىل سىمباتقا جانە ٴۇشىنشى ورىن جاڭىلجان جولدامۇراتقا بۇيىردى. ال ەاگي كوللەدجىنىڭ ستۋدەنتى ناعاشىبەكوۆ بەكزات كورەرمەندەر كوز ايىمىنا اينالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي