BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردادا جاڭا ونەر گالەرەياسى اشىلدى

فوتو: astana.gov.kz

استانادا «قۇلانشى» قازىرگى زامانعى ونەر ورتالىعى مەن فورتە بانكتىڭ قولداۋىمەن fortebank kulanshi artspace جاڭا ونەر گالەرەياسى اشىلدى. وندا الەمنىڭ تۇكپىر-تۇكپىرىنەن بەلگىلى سۋرەتشىلەردىڭ تۋىندىلارى مەن ينستاللياسيالارىنىڭ كورمەسى وتكىزىلىپ تۇرادى، دەپ حابارلايدى baq.kz.

شاراعا قر مادەنيەت جانە سپورت ٴمينيسترى ارىستانبەك مۇحامەدي ۇلى، استانا اكىمىنىڭ ورىنباسارى ەرمەك امانشايەۆ، ەلوردانىڭ شىعارماشىلىق زيالى قاۋىمى مەن بيزنەس قاۋىمداستىعىنىڭ وكىلدەرى قاتىستى.

باستاماشىلار بۇل گالەرەيا ەلوردا ونەرىن جاڭا دەڭگەيگە كوتەرىپ، اعارتۋشىلىق جۇمىستىڭ پارمەندى قۇرالىنا اينالارىنا سەنەدى.

«ەلوردا تۇرعىندارىنىڭ اتىنان «قۇلانشى» قازىرگى زامانعى ونەر گالەرەياسىنا جانە فورتە بانكتىڭ باسشىلىعىنا وسى جوبانى ىسكە اسىرعاندارى ٴۇشىن العىس ايتامىن. بۇل جوبا بيزنەستىڭ الەۋمەتتىك جاۋاپكەرشىلىگىنىڭ ايقىن ۇلگىسى بولىپ تابىلادى. تاۋەلسىزدىكتىڭ 25 جىلى ىشىندە مەملەكەت باسشىسىنىڭ كۇش-جىگەرىنىڭ ارقاسىندا قازاقستان وزىق مەملەكەتتەردىڭ قاتارىنا قوسىلىپ، الەمدىك ارەنادا تانىمال بولدى. وركەنيەتتى الەمدە قازاق جەرىنىڭ بايلىعى مەن قازاق حالقىنىڭ قوناقجايلىلىعى تۋرالى بىلمەيتىن ەل جوق. جانە ٴقازىر ٴوزىمىزدى مادەنيەتى باي، شىعارماشىلىق الەۋەتى زور مەملەكەت رەتىندە تانىتاتىن ۋاقىت كەلدى»، - دەدى استانا اكىمىنىڭ ورىنباسارى ەرمەك امانشايەۆ.

گالەرەيانى ىسكە قوسۋ اياسىندا قازاقستاندىق بەينەلەۋ ونەرىنىڭ «ماڭگىلىك مۇرا» اتتى كورمەسى اشىلدى. ەكسپوزيسياعا قازاقستان، قىرعىزستان جانە وزبەكستان ەلدەرىنىڭ ۇزدىك سۋرەتشىلەرىنىڭ تۋىندىلارى ەنگىزىلدى. اۆتورلاردىڭ ايتۋىنشا، ورتا ازيا ەلدەرى مادەنيەتىنىڭ مۇنداي سينتەزى بۇكىل الەم بويىنشا ونەرسۇيەر قاۋىم ٴۇشىن تاپتىرماس ولجا جانە ەلوردا تۇرعىندارى مەن قوناقتارىنىڭ كوڭىلىنەن شىعارى انىق.

اۆتورلار پاريجدەگى لۋۆر، لوندونداعى بريتاندىق مۇراجاي جانە تەيت گالەرەياسى، ماسكەۋدەگى ترەتياكوۆ گالەرەياسى جانە الەمنىڭ تۇكپىر-تۇكپىرىنەن كەلەتىن ميلليونداعان تۋريستەر ٴسۇيىپ باراتىن باسقا دا مادەني نىساندار سياقتى استاناداعى كارتينا گالەرەياسى دا قازاقستان ونەرى مەن مادەنيەتىنىڭ سيمۆولىنا اينالاتىنىنا سەنىمدى، دەپ جازادى ەلوردا اكىمدىگىنىڭ رەسمي سايتى.

«ماڭگىلىك مۇرا» كورمەسى 2016 جىلدىڭ 1 جەلتوقسانىنا دەيىن جالعاسادى. جۇمىس ۋاقىتى – كۇن سايىن ساعات 10:00 - 20:00 ارالىعى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي