BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردادا "شىرايلى شىمكەنت" فوتوكورمەسى ٴوتتى

فوتو: Ержан Жаубай

شىمكەنت قالاسىنىڭ كۇنىن مەرەكەلەۋ اياسىندا 24-25-قىركۇيەك كۇندەرى استانا قالاسىنداعى «كەرۋەن» سوو-دا «شىرايلى شىمكەنت» فوتوبايقاۋىنا قاتىسۋشىلاردىڭ ەڭ ٴۇزدىڭ دەپ تانىلعان سۋرەتتەرىنەن كورمە ۇيىمداستىرىلدى، دەپ حابارلايدى baq.kz ٴتىلشىسى.

ەكى كۇنگە سوزىلعان كورمەنى تاماشالاۋشىلار كوپ. ەلوردالىقتاردىڭ بارلىعى بىردەي شىمكەنتكە بارىپ، ونى كوزدەرىمەن كورمەگەنى بەلگىلى. ال كاسىبي بىلىكتىلىكپەن تۇسىرىلشەن شىم قالانىڭ شىنايى كەلبەتىن كورگەن قالا تۇرعىندارى تاڭدانىستارىن جاسىرا المادى.

"فوتوكورمەنىڭ ٴوتىپ جاتقانىن بىلمەپپىن. سەرۋەندەپ ٴجۇرىپ كورىپ قالدىم. كەرۋەن وسو 3 قاباتىندا تۇر ەكەن. تانىسى بار تانىس ەمەسى بار بىرنەشە فوتوگرافتاردىڭ جۇمىستارى قويىلىپتى. كوبى جاستار سەكىلدى. ۇناعانى ماقسات شاعىربايەۆتىڭ فوتولارى بولدى. پوزيتيۆ بار جۇمىستارىندا" - دەيدى استانا قالاسىنىڭ تۇرعىنى دانيار الان.

وننان استام فوتوگرافتىڭ ەڭبەگى قويىلعان شاعىن عانا كورمەدە وڭتۇستىكتىڭ كورىكتى جەرلەرى، قالا تىرشىلىگى، ادامدار بەينەلەنگەن. تۇرار قازانعاپوۆ، ايگەرىم ٴتولباسى، ماقسات شاعىربايەۆ ت.ب. قاتارلى فوتوگرافتاردىڭ كاسىبي شەبەرلىگى ەرىكسىز نازار اۋدارتادى.

سونىمەن قاتار، كورمەدە كورەرمەن نازارىنا ماسكەۋلىك فوتوگراف دميتريي چيستوپرۋدوۆتىڭ شىمكەنت تۋرالى جۇمىستار توپتاماسى ۇسىنىلدى. بارلىعى وتە جاقسى ۇيىمداستىرعان كورمەنىڭ ٴبىر اتتەگەن-ايى تانىستىرىلىمى، شىمكەنت تۋرالى 13 قىزىقتى اقپارات وزگە تىلدە جازىلعان ەكەن. قازاق ەلىنىڭ ەڭ مايەكتى وڭىرىنەن، قازاقى قايماعى ساقتالعان وبلىستان كەلگەن كورمەنىڭ نەگە رەسمي تىلدە جازىلعانىن ٴبىز تۇسىنە المادىق. ۇيىمداستىرۋشىلار بۇل ولقىلىقتى الداعى ۋاقىتتا ەسكەرەر دەپ ويلايمىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي