BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردادا «يراندىق مينياتيۋرا مەن كالليگرامما» اتتى كورمە اشىلدى

فوتو: Абзал Қалиев

بۇگىن ەلورداداعى قر ۇلتتىق مۋزەيىندە قازاقستان رەسپۋبليكاسىنداعى يران يسلام رەسپۋبليكاسى ەلشىلىگىنىڭ «يراندىق مينياتيۋرا مەن كالليگرامما» اتتى كورمەسىنىڭ سالتاناتتى اشىلۋى ٴوتتى، دەپ حابارلايدى baq.kz ٴتىلشىسى.

كورمەنىڭ سالتاناتتى اشىلۋىنا قازاقستان رەسپۋبليكاسىنداعى يران يسلام رەسپۋبليكاسىنىڭ توتەنشە جانە وكىلەتتى ەلشىسى مودجتابا داميرچيلۋ مىرزا جانە قازاقستان رەسپۋبليكاسىنداعى يران يسلام رەسپۋبليكاسى ەلشىلىگىنىڭ كەڭەسشىسى ماسۋد شەيح زەينەددين مىرزا، سونداي-اق كورنەكتى قوعام قايراتكەرلەرى، سۋرەتشىلەر، بەينەلەۋ ونەرىن قاستەرلەۋشىلەر مەنجۋرناليستەر قاتىستى.

كورمە وسى جىلدىڭ 8-18 اقپان ارالىعىندا يرانداعى يسلام رەۆوليۋسياسىنىڭ 38 جىلدىعىن مەرەكەلەۋگە ارنالعان مادەني شارالار اياسىندا ٴوتىپ وتىر.

كورمەگە اتاقتى سۋرەتشى، يران كەسكىندەمەسىنىڭ وقىتۋشىسى، ونەردى دامىتۋ ينستيتۋتىنىڭ قۇرمەتتى مۇشەسى بەحزاد بوزورگيدىڭ مينياتيۋرالارى جانە تەگەران كالليگرافتار قاۋىمداستىعىنىڭ سۋلس كالليگرافيالىق ٴستيلى بويىنشا جوعارى دارەجەسىنىڭ يەگەرى مەحدي موۆاحەديپۋردىڭ كالليگراممالارى قويىلعان.

دارحان مىڭباي، قر ۇلتتىق مۋزەيىنىڭ باس ديرەكتورى:

ٴبىزدىڭ ۇلتتىق مۋزەي اشىلعالى مۇندا قانشاما ونەر يەلەرىنىڭ تۋىندىلارى قويىلىپ، ەڭبەك جەمىستەرى حالىق نازارىنا ۇسىنىلىپ كەلەدى. ال بۇگىنگى شارا – ٴوز الدىنا ٴبىر بولەك ماڭىزى بار ٴىس دەپ ايتۋعا بولادى. پارسى مادەنيەتىنىڭ العاشقى ٴداۋىرى مەن بۇگىنگە دەيىنگى دامۋ بارىسىن كورسەتۋگە تالپىنعان وسىناۋ ونەر تۋىندىلارى وزگەشەلىگىمەن ەستە قالارى حاق. يران مەن قازاق ەلى باۋىرلاس مۇسىلمان، تاريحي مادەنيەتى رۋحاني ۇندەس، تۋىستاس ەلدەر. وسى تۇرعىدان كەلگەندە پارسىلار مادەنيەتى بىزگە دە جات دۇنيە ەمەس.

شىعىستا ارىپتەرگە، ولاردىڭ تاڭىرلىك جاراتىلىسىنا جانە قۇدىرەتىنە قۇرمەتپەن جانە سەنىممەن قاراعان. مىنە سوندىقتان دا قولجازبادا كالليگرافياعا ەرەكشە كوڭىل ٴبولىندى. كالليگرافتىڭ ونەرى قولجازبانى كوركەمدەگەن مينياتيۋراشىنىڭ ونەرىنەن جوعارى باعالاندى، تۋىندىعا سۋرەتشى قول قويماسا دا، كوشىرمەشى تۋرالى جانە جۇمىستىڭ جاسالعان ورنى مەن ۋاقىتى جايلى مالىمەت ٴاربىر مانۋسكريپتتىڭ سوڭعى نۇكتەسى بولىپ تابىلاتىن.

تەگەران مەكتەپتەرىندەگى كەسكىندەمەنىڭ ٴارتۇرلى تەحنيكاسى بويىنشا وقىتۋشىلار بەحزاد بوزورگي مەن مەحدي موۆاحەديپۋر يران كەسكىندەمەسى جانە بۇگىندە جالعاسىن تاۋىپ جەتىلىپ جاتقان زاماناۋي كالليگرامما نەگىزدەرى بويىنشا شەبەرلىك سىنىپتارى قوسىمشا وتكىزدى.

سۋرەتتەر: ابزال قاليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي