BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردادا فرانسۋز ستيلىندەگى بالەت ساحنالاندى

فوتو: Бауыржан Жуасбаев

«استانا وپەرا» وپەرا جانە بالەت تەاترىندا فرانسۋز كومپوزيتورى موريس جارردىڭ «پاريج قۇداي اناسىنىڭ سوبورى» قويىلىمى كورەرمەندەر نازارىنا ۇسىنىلدى، دەپ حابارلايدى baq.kz تiلشiسi.

«استانا وپەرا» تەاترىنىڭ بالەتتىك ترۋپپاسى بۇل اتى اڭىزعا اينالعان سپەكتاكلدى تەاتردا 18 قاڭتاردا دا ساحنالاماق. سونداي-اق، 1 جانە 2 اقپاندا سانكت-پەتەربور قالاسىنداعى ماريينسكيي تەاترىنىڭ جاڭا ساحناسىندا ورىنداۋدى جوسپارلاپ وتىر.

«بالەتتىك ترۋپپامىز ماريينسكيي تەاترىنىڭ ساحناسىندا گالا بالەتپەن ونەر كورسەتكەن، ەندى ٴبىز اۋقىمدى دا كۇردەلى سپەكتاكلدى الىپ بارماقپىز، بۇل جاۋاپكەرشىلىك جۇكتەيدى. ارينە، ساپار الدىندا شامالى تولقۋ دا بار. الدىمەن ٴوز ساحنامىزدا بيلەيتىندىكتەن، بويىمىزعا جاعىمدى كۇش-قۋات جيناپ الساق دەيمىز جانە قازاقستاندىق كورەرمەن ٴبىزدى جىلى لەبىزبەن شىعارىپ سالعانىن كۇتەمىز. سپەكتاكلدىڭ تۇساۋكەسەرى ۇلكەن جەتىستىككە يە بولدى، دەگەنمەن، بالەت تىنباي جۇمىس جۇرگىزۋدىڭ ارقاسىندا ٴپىسىپ جەتىلەدى. ساحناعا شىققان سايىن ٴبىز ىزدەنەمىز جانە جاڭا كوزبەن قارايمىز، ٴرولدى تەرەڭىرەك سەزىنۋ ٴۇشىن، بۇرىنعىدان دا جاقسارتۋ ٴۇشىن قىزىقتى يدەيالاردى ۇسىنامىز. مەنىڭ پارتيام ەسمەرالداعا كەلسەك، كەيىپكەرىمنىڭ ەموسياسىن جەتكىزۋ ٴۇشىن ۇنەمى جۇمىس ىستەيمىن»، - دەدى «استانا وپەرا» تەاترىنىڭ جەتەكشى سوليسi، قازاقستاننىڭ ەڭبەك سىڭىرگەن قايراتكەرى ٴمادينا باسپايەۆا.

پەتەربورلىق كورەرمەندەر «پاريج قۇداي اناسىنىڭ سوبورىن» رولان پەتيدىڭ قويىلىمىندا تاماشالايدى. سپەكتاكلدە ونەر كورسەتەتىن ەكى قۇرامنىڭ ارتىستەرى: كۆازيمودو پارتياسى – قازاقستاننىڭ ەڭبەك سىڭىرگەن قايراتكەرى رۇستەم سەيىتبەكوۆ جانە بىرنەشە حالىقارالىق بايقاۋلاردىڭ گران-پري يەگەرى باقتيار ادامجان، ەسمەرالدانىڭ رولىندە - قازاقستاننىڭ ەڭبەك سىڭىرگەن قايراتكەرلەرى ٴمادينا باسپايەۆا جانە ايگەرىم بەكەتايەۆا، فەب – حالىقارالىق بايقاۋلاردىڭ لاۋرەاتتارى ارمان ورازوۆ پەن ولجاس تارلانوۆ، كلود فروللو - حالىقارالىق بايقاۋلاردىڭ لاۋرەاتتارى سەرىك ناقىسپەكوۆ، عازيز رىسقۇلوۆ.

ۇيىمداستىرۋشىلاردىڭ ايتۋىنشا، اتالعان گاسترول «ەكسپو-2017» باعدارلاماسىنىڭ اياسىندا جۇزەگە اسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي