BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردادا الەۋمەتتىك تاقىرىپتاعى سۋرەت بايقاۋى وتەدى

بايقاۋ ادامداردىڭ شىعارماشىلىعىن دامىتۋعا، سونداي-اق، قوعام نازارىن الەۋمەتتىك ماڭىزدى پروبلەمالىق ماسەلەلەرگە اۋدارۋعا، حالىقتىڭ ٴومىر ٴسۇرۋ ساپاسىن ارتتىرۋعا باعىتتالعان.

بۇل تۋرالى استانا قالاسى اكىمدىگىنىڭ رەسمي سايتى حابارلادى.

سۋرەتتەردى قازاننىڭ ٴ1-ى مەن ٴ21-ى ارالىعىندا تاپسىرۋعا بولادى. استانالىقتار ۇلتتىق مادەنيەتتى قولداۋ; ٴپاتريوتيزمدى ناسيحاتتاۋ; حالىقتىڭ ٴومىر ٴسۇرۋ دەڭگەيى; دەنساۋلىق ساقتاۋ جانە ٴبىلىم سالاسىنداعى جاعداي; ۇلتارالىق جانە كونفەسسيونالدى شىدامدىلىق; ناشاقورلىقتىڭ، ويىنقۇمارلىقتىڭ، تەمەكى شەگۋ مەن ماسكۇنەمدىكتىڭ جانە ٴجيتس-تىڭ الدىن الۋ; قورشاعان ورتانى قورعاۋ جانە ت.ب. تاقىرىپتارداعى ٴوز ەڭبەكتەرىن ۇسىنا الادى.

سونىمەن قاتار، كونكۋرسقا قازاقستان رەسپۋبليكاسى تاۋەلسىزدىگىنىڭ 25 جىلدىعىنا جانە «ەكسپو-2017» حالىقارالىق مامانداندىرىلعان كورمەسىن وتكىزۋگە ارنالعان سۋرەتتەر دە قابىلدانادى. شىعارماشىلىق بايقاۋعا ەلوردادا تۇراتىن، وقىپ جۇرگەن نەمەسە جۇمىس ىستەيتىن ازاماتتار قاتىسا الادى. كونكۋرستا جەكەلەگەن اۆتورلار دا، ۇجىمدار دا باعىن سىنايدى. ول ٴۇشىن ۇيىمداستىرۋشىلار ۇسىنعان ٴبىر نەمەسە بىرنەشە تاقىرىپ بويىنشا ەسكيز دايىنداۋ كەرەك. ٴار تۋىندىمەن بىرگە بەلگىلەنگەن ۇلگىدەگى ٴوتىنىم تىركەلۋى ٴتيىس.

وتىنىمدەردى استانا قالاسىنىڭ اكىمدىگىنە 15 قازانعا دەيىن تاپسىرۋعا بولادى. جۇمىستار ا3 فورماتىندا نەمەسە گرافيكالىق نۇسقادا ورىندالۋى كەرەك. ايتا كەتەيىك، كونكۋرسقا قاتىسۋ تەگىن. كونكۋرستىڭ قورىتىندىسى 1 قاراشادا شىعارىلادى جانە استانا اكىمدىگىنىڭ رەسمي سايتىندا جارىق كورەدى.

جەڭىمپازدارعا ديپلومدار مەن باعالى سىيلىقتار تابىستالادى، ۇزدىك تۋىندىلار اتالعان تاقىرىپتار بويىنشا جارناما كونسترۋكسيالارىن جاساۋ كەزىندە پايدالانىلادى.

انىقتاما تەلەفوندارى: +7 (717 2) 55 67 14، 8 (700) 555 22 58.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي