BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدە تۇڭعىش رەت ەگىزدەر ايتىستى

سان عاسىرلىق تاريحى بار ايتىس ونەرىندە تۇعىش رەت ەگىزدەر ايتىستى. استاناداعى №51 مەكتەپ-گيمنازياسىندا تاۋەلسىزدىكتىڭ 25 جىلدىعى قارساڭىندا وتكەن مەرەكەلىك شارادا سارىباي ەراسىل مەن بەكاسىل ايتىسىپ، ۇلتتىق ونەرىمىزدى دارىپتەدى.

العاش رەت مەكتەپ ساحناسىندا تۇساۋى كەسىلىپ، ايتىس ونەرىنە قانات قاققاعان وقۋشىلارعا ايتىسكەر اقىن بالعىنبەك يماشەۆ باتاسىن بەردى.

«مەن ايتىستى كوپ زەرتتەدىم. تاريحقا كوز جۇگىرتسەك، اكە مەن بالا، اتاسى مەن كەلىنى، اعاسى مەن ٴىنىسى، تۋىستىق قاتىناستاعى ادامداردىڭ ايتىسى بار. ال اناسىنىڭ قۇرساعىنان ەگىز بولىپ تۋىلعان جانداردىڭ ايتىسىن ٴبىرىنشى رەت كورىپ تۇرمىن. ەگەر بۇل بالالار ۇلتتىق ونەرىمىزدى قاستەرلەپ، دومبىرانى قولدارىنان تاستاماي ايتىسقا بەت بۇرسا، تاريحتاعى تۇڭعىش ايتىسقان ەگىزدەر بولىپ قالادى»، – دەدى ول. سونىمەن قاتار، بالعىنبەك يماشەۆ جاس ايتىسكەرلەرگە باتاسىن ەرىپ، ەكەۋىنەن ۇلكەن ٴۇمىت كۇتەتىنىن جەتكىزدى.

08-12-16-aitys-1

سونداي-اق، مەرەكەلىك شارادا تەاتر جانە كينو سالاسىنداعى تانىمال اكتەرلەر دوسىمحان بەيسەنبايەۆ پەن ٴادىل احمەتوۆ ۇستازدار مەن وقۋشىلارعا ونەر سالاسىنداعى جەتىستىكتەر مەن ەلىمىزدىڭ دامۋى اياسىندا ماعىنالى سوزدەر ايتىپ، كورەرمەننىڭ ساۋالدارىنا جاۋاپ بەردى.

«ەلباسىمىز نۇرسۇلتان نازاربايەۆ ايتقانداي، قازاقستاننىڭ بولاشاعى جاستاردىڭ قولىندا. سوندىقتان دا سەندەر جاقسى ازامات بولىپ قالىپتاسۋلارىڭ ٴۇشىن بىلىمگە دەن قويىڭدار. بولاشاقتىڭ كىلتى بىلىمدە. وسى باستان ٴىلىم-بىلىمدى تەرەڭ مەڭگەرسەڭدەر، قازاق ەلىنىڭ قارىشتاپ دامۋىنا سۇبەلى ۇلەس قوساتىن ازامات بولىپ شىعاسىڭدار. ٴبىلىم سەندەردىڭ ومىرلىك ازىقتارىڭ»، – دەدى ٴادىل احمەتوۆ.

شارا بارىسىندا وقۋشىلار قوناقتارعا ٴوز ونەرلەرىن كورسەتتى. مەكتەپ ديرەكتورى كۇنىمحان دۇيسەنوۆا كەلگەن قوناقتارعا ريزاشىلىعىن ٴبىلدىردى.

ەگەمەن قازاقستان


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي