BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ەل ٴىشى – ونەر كەنىشى»

استانا. 31 قازان. baq.kz – استانادا «ەل ٴىشى – ونەر كەنىشى» دەگەن ايدارمەن وتكەن رەسپۋبليكالىق تەلەۆيزيالىق حالىق شىعارماشىلىعى بايقاۋى ٴوز مارەسىنە جەتتى. شاراعا ەلىمىزدىڭ بارلىق ايماقتارىنان جانە استانا مەن الماتى قالالارىنان شىعارماشىلىق ۇجىمدار قاتىسىپ، جيىلعان قاۋىمعا ونەرلەرىن كورسەتكەن بولاتىن. 

ايتا كەتەيىك، شارانىڭ ىرىكتەۋ كەزەڭدەرى الدىن الا بارلىق وڭىرلەردە وتكىزىلگەن ەدى. ٴوز وبلىستارىندا جەڭىمپاز اتانىپ كەلگەن ونەرپازداردىڭ بۇل قورىتىندى گالا-كونسەرتى. مۇنداعى باستى ماقسات – جاڭا دارىنداردى انىقتاپ، ولاردىڭ شىعارماشىلىق قابىلەتىن دامىتۋ. سونىمەن قاتار، ۇلتتىق مادەنيەتتى جانداندىرۋ، ساقتاۋ جانە دامىتۋ بولىپ تابىلادى.
جيىندا ٴسوز العان ەلىمىزدىڭ مادەنيەت جانە اقپارات ٴمينيسترى دارحان مىڭباي «بۇل تۇپتەپ كەلگەندە قازاق ونەرىن، قازاق مادەنيەتىن قولداۋ بولىپ تابىلادى. بۇگىنگى استاناداعى قورىتىندى كەشكە 63-كە جۋىق ازامات كەلدى. بۇنىڭ بارلىعىنا جاردەم بەرگەن وبلىستىق مادەنيەت باسقارمالارىنىڭ باستىقتارىنا جانە وبلىس اكىمدىكتەرىنە راحمەتىمدى ايتامىن» دەپ ويىن بىلدىرگەن ەدى.
كەش سوڭىندا شاراعا كەلگەن كورەرمەندەر ەڭ ۇزدىك ونەر ۇجىمدارىن تاڭدادى. وسىلايشا، كورەرمەندەر كوزايىمى، ياعني ەڭ ۇزدىك توپ رەتىندە باتىس قازاقستان وبلىسى تانىلدى. ال، ەكىنشى ورىندى وڭتۇستىك قازاقستان وبلىسى ەنشىلەسە، ۇزدىك ۇشتىكتى شىعىسقازاقستاندىقتار قورىتىندىلادى.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي