دينا حامزينا ماكەدونيادا ونەر كورسەتەدى - ونەر|30 مامىر 2016، 11:33
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دينا حامزينا ماكەدونيادا ونەر كورسەتەدى

استانا 30 مaمىر. baq.kz – ەرتەڭ ماكەدونيا وپەرا جانە بالەت تەاترىنىڭ (سكوپە) ساحناسىندا وپەرالىق فەستيۆال اياسىندا دج. ۆەرديدىڭ «ايدا» سپەكتاكلى قويىلادى. امنەريستىڭ رولىندە «استانا وپەرا» تەاترىنىڭ وپەرا ترۋپپاسىنىڭ جەتەكشى ٴسوليستى، قازاقستاننىڭ ەڭبەك سىڭىرگەن قايراتكەرى، تەڭدەسى جوق مەسسو-سوپرانو يەگەرى دينا حامزينا ونەر كورسەتەدى.

ٴانشى ماكەدونيالىق ترۋپپامەن دايىندىق جۇرگىزۋ ٴۇشىن سكوپەگە 27 مامىردا كەلگەن بولاتىن. ايتا كەتۋ كەرەك، باس پارتيالاردى ۆەسنا گينوۆسكا-يلكوۆا (aيدا)، دينا حامزينا (امنەريس; قازاقستان)، رۋبەنس پەليسساري (رادامەس; يتاليا)، يگور دۋرلوۆسكي (رامفيس)، كوتەسۋ كازۋحيرو (فاراون; جاپونيا)، ماريان يوۆانوۆسكي (اموناسرو)، بالەت سوليستتەرى جانە ت.ب. ورىندايدى. ديريجەرى - يۆو ليپانوۆيچ (حورۆاتيا)، قويۋشى رەجيسسەرى دەيان پروشەۆ، سسەنوگرافى زوران كوستوۆسكي، كوستيۋمدەر بويىنشا سۋرەتشىسى ەلەنا دونچەۆا، حورەوگرافى سنەجانا فيليپوۆسكا.
- بۇل فەستيۆالعا ٴار ٴتۇرلى ەلدەردىڭ وپەرا شەبەرلەرى كەلدى، مۇندا قازاقستاندى، "استانا وپەرا" تەاترىن تانىتۋ مەن ٴۇشىن ۇلكەن مارتەبە. ارىپتەستەرىممەن تاجىريبە الماساتىنىما، ٴبىلىم جيناقتايتىنىما قۋانىشتىمىن. وسىنداي فەستيۆالدار ارتىستەرمەن تىكەلەي تانىسىپ-ارالاسۋعا مۇمكىندىك بەرەدى، سەبەبى ونەردىڭ جالپى دامۋى بارىسىنداعى قارىم-قاتىناستار وتە قاجەت. مەن اكۋستيكاسىنىڭ مىقتىلىعىمەن اتى شىققان ماكەدونيا تەاترى ساحناسىندا العاش رەت ونەر كورسەتەمىن. دج. ۆەرديدىڭ "ايداسى" - مەنىڭ سۇيىكتى وپەرالارىمنىڭ ٴبىرى، مۇندا اسكەرلەرى مىسىرلىقتارمەن شايقاساتىن ەفيوپيا پاتشاسىنىڭ قىزى، كۇڭ ايدا مەن مىسىرلىق اسكەر قولباسشىسى رادامەستىڭ باقىتسىز ماحابباتى باياندالادى. مەن امنەريس پارتياسىن ٴتۇرلى شەتەلدىك ساحنالاردا ورىنداپ ٴجۇرمىن، سونىمەن قاتار ونى وتاندىق تەاترىمنىڭ ساحناسىندا شىرقاپ ٴجۇرمىن، - دەيدى قازاقستاننىڭ ەڭبەك سىڭىرگەن قايراتكەرى دينا حامزينا.


فرانسۋز سىنشىسى برۋنو ۆيلەن operamagazine جۋرنالىنداعى (nov.، 102 بەت) ماقالاسىندا دينا حامزينانىڭ شەبەرلىگى تۋرالى بىلاي دەدى: «امنەريس رولىندەگى جارقىراعان ٴانشى ٴوزىنىڭ دارىندى اكتريسا ەكەنىن دە كورسەتە ٴبىلدى».
ماكەدونيا وپەرا جانە بالەت تەاترى مەن «استانا وپەرا» تەاترى تىعىز ىنتىماقتاستىقتا جۇمىس جاساي باستاعانىن ايتا كەتۋ كەرەك. ماكەدونيا تەاترىنىڭ ساحناسىندا قازاقستاندىق ٴانشىنىڭ ونەر كورسەتۋى – بىرلەسە جاسالعان جۇمىستىڭ ناتيجەسى.
ماكەدونيا وپەرا جانە بالەت تەاترى 1927 جىلى سالىنعان. 1963 جىلعى جەر سىلكىنۋ ناتيجەسىندە عيماراتى قاتتى زاقىمدانىپ، سوڭىنان بۇزىلىپ تاستالدى. 1980 جىلى سول جەردە جاڭا تەاتر سالىنعانشا، ترۋپپا 17 جىل بويى تەاتر ورتالىعىندا جۇمىس جاساعان.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي