BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ديماش قۇدايبەرگەن قىتايدىڭ «مەن ٴانشىمىن» بايقاۋىندا باق سىنايدى

قىتاي ەلىنىڭ ەڭ بەدەلدى ورتالىق hunan tv تەلەارناسى 2 ملرد xالىققا جاڭا قازاق ٴانشىسىن تانىستىردى، دەپ حابارلايدى «ٴتىلشى». بۇل تۋرالى جاس ٴانشى ديماش قۇدايبەرگەننىڭ دوسى الپامىس شاريموۆ الەۋمەتتىك جەلىدە جازىپتى.

«i am singer» («مەن ٴانشىمىن») دەپ اتالاتىن بايقاۋدىڭ بيىل ٴ5-شى ماۋسىمى. قىتايدىڭ، ٴتىپتى، الىس-جاقىن شەت ەلدىڭ «سەن تۇر، مەن اتايىن» انشىلەرى، تانىمال جۇلدىزدارى، كۇللى الەم، ستاديون مەن ارەنالاردى جيناپ جۇرگەن 6 انشىسىنە قارسى ٴبىزدىڭ ديماش @kudaibergenov.dimash باعىن سىناپ، بايگەگە تۇسەدى. بۇل جاس انشىلەردىڭ جارىسى ەمەس، ديماشقا قارسى «قىتايدىڭ روزا رىمبايەۆاسى، اللا پۋگاچەۆالارى (سىزدەرگە تۇسىنىكتى بولۋ ٴۇشىن جازعانىم)» قارسى شىقپاق. ٴبىزدىڭ بالا ەڭ جاسى. بۇل بۇرىنعى بايقاۋلاردان مۇلدەم بولەك. اقتىق سىنعا دەيىن جەتۋ ٴۇشىن، سىزدەرگە بەيمالىم، ۇلكەن ەڭبەك، ۇلكەن دايىندىق بولدى»، — دەپ جازادى ول.

الپامىس شاريموۆتىڭ پايىمىنشا، بۇل سايىس 2 ملرد xالىققا ديماشتى، ديماش ارقىلى قازاقتى تانىتاتىن ۇلكەن مۇمكىندىك.

«ستيل، يميدج، باعىت-باعدار ٴبارى جاڭادان! 2017 جىلدان باستاپ ديماش جاڭا قادامعا، الەمگە قازاق اتىن تانىتۋ باسپالداعىنا قادام باستى. بۇگىن ٴبىز قىتايدىڭ شوۋ بيزنەسى شوعىرلانعان، كليمات جاعىنان ەڭ وڭتايلى چانشا قالاسىندامىز! ەرتەڭ بايقاۋدىڭ ٴبىرىنشى كۇنى! اۋەلى، ٴبىر اللا، ودان سوڭ جەرلەستەرىمىزدىڭ قولداۋىن كۇتەمىز! ديماش ٴۇشىن اربىرەۋىڭىزدىڭ ايتقان تىلەكتەرىڭىز بەن نيەتتەرىڭىز وتە ماڭىزدى! سوندىقتان، بايگەگە شاپقان ۇلدارىڭىز ٴۇشىن تاقىمدارىڭىزدى قىسىپ، دۇعا-تىلەكتەرىڭىزدى وقىپ، باتالارىڭىزدى بەرىپ وتىرساڭىزدار، سودان اسقان شابىت بار ما؟! قازاق، قولدا قازاق بالاسىن!»، — دەپ جازادى ديماشتىڭ ونەردەگى دوسى الپامىس شاريموۆ.

ٴوز كەزەگىندە، «تىلشىگە» جاس ٴانشىنىڭ اناسى سۆەتلانا ايتبايەۆا اقتوبەگە قىتايدان ٴتۇسىرۋ توبى كەلىپ، ديماش جايلى فيلم تۇسىرەتىنىن جەتكىزدى.

«بايقاۋعا ٴبىراز ۋاقىت بۇرىن ٴوتىنىش جولداندى. شارا باستالمايىنشا ول تۋرالى ەشقايدا حابارلاماۋىمىز كەرەك بولدى. شارت سونداي. بايقاۋ ٴادىل ٴوتۋ ٴۇشىن ديماشتىڭ قاسىندا ونىڭ ٴجۇرىس-تۇرىسى، ىشەتىن تاماعىنا دەيىن قاداعالاپ وتىرادى. قوبالجيمىز، ارينە! ەندى وسى ايدىڭ ورتاسىندا قىتاي تەلەۆيدەنيەسىنىڭ وكىلدەرى كەلىپ، بالامىزدىڭ وقىعان وقۋى، ورتاسى جايلى فيلم تۇسىرمەك»، — دەدى «تىلشىگە» سۆەتلانا ايتبايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي