BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"دالانىڭ كۇيشى ديناسى" دراماسىنىڭ پرەمەراسى

 استانا. مامىر ٴ15-ى. baq.kz - كۇيشى دينا نۇرپەيىسوۆا تۋرالى جازىلعان فاريزا وڭعارسىنوۆانىڭ پەساسى ساحنالانباق. قويۋشى رەجيسسەرى نۇرلان جۇمانيازوۆ بولعان بۇل قويىلىمنىڭ پرەمەراسى ماۋسىمنىڭ 10-ى كۇنى ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا وتەدى.

  شىعارما – حالىق كومپوزيتورى دينا نۇرپەيىسوۆانىڭ ٴومىرى مەن ونەرىنە ارنالعان. ونەردىڭ بابىن تاپقان اتاقتى كۇيشىلەر، ۇلى كۇيشى قۇرمانعازى مەن ٴجاسوسپىرىم دينا اراسىنداعى العاشقى تانىستىق، شىعارماشىلىق دوستىقتارى تۋرالى جازىلعان پەسادا كۇي قۇدىرەتى، ونەر تۋىندىسىنىڭ ومىرگە كەلۋ ٴساتى، ونەر ادامىنىڭ جان – دۇنيەسى، كۇي تۋدىرۋداعى كۇيزەلىس پەن شىعارما شىققانداعى شابىت پەن باقىتتىڭ بۋىرقانا استاسقان اسقاق سەزىمدەر سۋرەتتەلەدى.

   قۇرمانعازىداي اعاسىنىڭ ارتىنان ەرىپ، ونەر قۋالاۋدىڭ ديناداي قازاق قىزىنا قيىن سوقسا دا، كۇي قۇدىرەتى قولداپ، قاسيەتتى قارا دومبىرامەن ٴومىرىن ورنەكتەۋى مەن ونەگەلى عۇمىرىن كورەرمەنگە جەتكىزۋ قويىلىمنىڭ باستى ماقساتى.

   «دالانىڭ كۇيشى ديناسى» سپەكتاكلىندە قۇرمانعازى بەينەسىن – قر ەڭبەك سىڭىرگەن قايراتكەرى، اكتەر مەيرام قايسانوۆ، دينانى – اينۇر جەتپىسبايەۆا سومدايدى.

 

سۋرەت: kazakhistory.ru


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي