BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

burabay summer fest حالىقارالىق فەستيۆالى گالا-كونسەرتپەن اياقتالدى

فوتو: Нұржас Жақсыбай

«قازاقستان» ورتالىق كونسەرت زالىندا burabay summer fest ٴجاسوسپىرىم تالانتتاردىڭ حالىقارالىق فەستيۆالىنىڭ اياقتالۋىنا ارنالعان گالا-كونسەرت ٴوتتى، دەپ حابارلايدى baq.kz ٴتىلشىسى.

استانا قالاسىنىڭ 20 جىلدىعىنا ارنالعان فەستيۆالدى قر مادەنيەت جانە سپورت مينيسترلىگى ۇيىمداستىردى.

10 جاستان 16 جاسقا دەيىنگى بيشىلەر، انشىلەر، مۋزىكانتتار، جانە ولەڭدى مانەرلەپ وقۋشىلار فەستيۆالدىڭ ىرىكتەۋ كەزەڭىندە ٴوز ونەرلەرىن كورسەتتى. جالپى فەستيۆالگە ەلىمىزدىڭ بارلىق وڭىرىنەن جانە رەسەي، ازەربايجان، وزبەكستان، قىرعىزستان، بەلارۋسسيا، مالايزيا، تايلاند جانە تۇركيا ەلدەرىنەن كەلگەن 400-گە جۋىق جاس تالانت قاتىستى.

وسى ورايدا ازەربايجان رەسپۋبليكاسى مادەنيەت مينيسترلىگىنىڭ باس كەڭەسشىسى بۋگار باحاشەۆ شارانىڭ جوعارى دەڭگەيدە ۇيىمداستىرىلعانىن اتاپ ٴوتتى.

«اتالعان فەستيۆالگە ٴبىز 3 جاس ٴارتىسىمىزدى الىپ كەلدىك. ولار 3 نوميناسيا بويىنشا باقتارىن سىنايدى. نارگيزا لەۆا ەسىمدى ٴانشىمىز بۇگىنگى كونسەرتتە «تۇرىك مارشىن» ورىندايدى. ول بايقاۋدىڭ ىرىكتەۋ كەزەڭىنەن سۇرىنبەي ٴوتتى. فەستيۆال وتە جوعارى دەڭگەيدە ۇيىمداستىرىلدى. سوندىقتان قورىتىندى كونسەرت ٴبىزدىڭ كوڭىلىمىزدەن شىعادى دەگەن ۇمىتتەمىن»، - دەدى ول.

گالا-كونسەرتتە كورەرمەندەر burabay summer fest قاتىسۋشىلارى دايىنداعان «يسكرا تالانتا» ميۋزيكلىن تاماشالادى.

ميۋزيكلدىڭ نەگىزگى يدەياسى – زاماناۋي شىعارماشىلىق جاستاردىڭ سان الۋىن قىرىن كورسەتۋ.

سونداي-اق بايقاۋدىڭ قورىتىندى كەزەڭىندەگى قاتىسۋشىلاردىڭ ونەرىن باعالاۋ ٴۇشىن ارنايى كوميسسيا قۇرىلدى. ونىڭ قۇرامىنا قر ەڭبەك سىڭىرگەن ارتىستەرى قايرات كاكىموۆ پەن يگور بلاگودارنىي، تۇرار الىپبايەۆ، ٴانشى باۋىرجان يسايەۆ، قر ەڭبەك سىڭىرگەن قايراتكەرى راۋشان مۇساحوجايەۆا، قر تۇڭعىش پرەزيدەنتى قورى سىيلىعىنىڭ لاۋرەاتى انۋار سادىقوۆ، اكتەر ٴادىل احمەتوۆ بار.

ايتا كەتەيىك، 17 ماۋسىمدا بۋراباي دەمالىس ايماعىنداعى «بالداۋرەن» وقۋ-ساۋىقتىرۋ ورتالىعىندا فەستيۆالدىڭ سالتاناتتى اشىلۋ ٴراسىمى ٴوتتى. مۇندا قاتىسۋشىلار ەكى اپتالىق دايىندىق باعدارلاماسىنان ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي