BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بىشكەكتە قازاقستاندىق سۋرەتشى قۇتتىبەك جاقىپتىڭ جەكە كورمەسى وتەدى

بىشكەكتەگى گاپار ايتيەۆ اتىنداعى قىرعىز ۇلتتىق سۋرەت ونەر مۋزەيىندە قازاقستاندىق سۋرەتشى قۇتتىبەك جاقىپتىڭ كورمەسى وتەدى. اتالعان كورمە ش. ايتىماتوۆتىڭ 90 جىلدىعىنا ارنالىپ وتىر، دەپ حابارلايدى baq.kz اقپارات اگەنتتىگىنىڭ ٴتىلشىسى.

قر سۋرەتشىلەر وداعىنىڭ جاۋاپتى حاتشىسى ٴارى ونەرتانۋ عىلىمدارىنىڭ كانديداتى جامبىل ناتبايەۆ بيىل قازاقستان سۋرەتشىلەر وداعىنا 85 جىل تولاتىندىعىن جانە مەرەيتوي قارساڭىندا كوپتەگەن ىستەر قولعا الىنىپ وتىرعاندىعىن جەتكىزدى.

«بيىل ايگىلى جازۋشى شىڭعىس ايتماتوۆتىڭ 90 جىلدىعى قازاقستان سۋرەتشىلەر وداعىنىڭ 85 جىلدىعىمەن تۇسپا-تۇس كەلىپ وتىر. ونىڭ ۇستىنە كورشى باۋىرلارىمىزبەن مادەني بايلانىستى نىعايتۋ ماقساتىندا بىشكەكتە ۇلكەن كورمە وتكىزگەلى وتىرمىز. قۇتتىبەك جاقىپ سۋرەتشىلەر وداعىنىڭ مۇشەسى ٴارى ەلىمىزگە تانىمال سۋرەتشى. ونىڭ «اتامەكەن» اتتى گابيلەنىن 2015 جىلى ەلباسى تۇركيا پرەزيدەنتى رەجەپ تاييپ ەردوعانعا سىيلاعان بولاتىن»، -دەيدى ول.

ج. ناتبايەۆتىڭ ايتۋىنشا، سۋرەتشىنىڭ « ۇلى دالا اۋەنى» اتتى كورمەسى 7 تامىز كۇنى باستالادى. سۋرەتشىنى قولداۋعا شىمكەنتتەن ى.التىنسارين اتىنداعى وبلىستىق كىتاپحانا كەلىپ، وزدەرىنىڭ سوڭعى شىققان كىتاپتارىنىڭ كورمەسىن ۇيىمداستىرماق. سونىمەن قاتار وسى قالانىڭ فيلورمونيا انشىلەرى دە قولداۋ رەتىندە ٴوز ونەرلەرىن پاش ەتپەك.

جاقىپ كۇتتىبەكتىڭ ەڭبەكتەرى ماسكەۋ قالاسىنداعى شىعىس مەملەكەتتىك مۋزەيىندە، تۇركىمەنستان بەينەلەۋ ونەرى مۋزەيىندە، قازاقستان رەسپۋبليكاسى تۇڭعىش پرەزيدەنتى مۋزەيىندە، تۇركيا مەملەكەتتىك ونەر جانە ٴمۇسىن مۋزەيىندە، قازاقستان رەسپۋبليكاسى ۇلتىق مۋزەيىندە ساقتاۋلى. سونىمەن قاتار قازاقستان رەسپۋبليكاسى تاۋەلسىزدىك سارايى جانە قازاقستان رەسپۋبليكاسى مادەنيەت جانە سپورت مينيسترلىگىنىڭ كوركەمسۋرەت كورمەلەر ديرەكسياسىندا، اتىراۋ وبلىستىق تاريحي ولكەتانۋ مۋزەيىندە،تمد جانە شەتەل گالەرەيالارىنىڭ مەنشىگىندە دە ورىن العان.

سۋرەتشى ارال قالاسىنداعى «ارال» كينوتەاترىنىڭ حاس بەتىندەگى «ارال ەلى» مونۋمەنتالدى موزايكالىق شىعارماسىنىڭ اۆتورى. سونداي-اق، وڭتۇستىك قازاقستان وبلىسى، لەنگەر قالاسىنداعى جولاۋشىلاردى تاسىمالداۋ مەكەمەسىندە «اۆتوموبيليست» مونۋمەنتالدى قولتاڭبالى بەزەندىرۋ جۇمىسىن ورىنداعان. شىمكەنت قالاسىنداعى «قاپال باتىر» ەسكەرتكىشىنىڭ اۆتورلىق جوبالاۋ توبىنىڭ مۇشەسى.

قۇتتىبەك تىنىبەك ۇلى جاقىپ 1961 جىلى 1 قازاندا وڭتۇستىك قازاقستان وبلىسى تولە بي اۋدانىنىڭ اققۇم اۋىلىندا كەنشى وتباسىندا دۇنيەگە كەلگەن. 1987 جىلدان باستاپ كسرو سۋرەتشىلەر وداعىنىڭ مۇشەسى.

قازاقستاننىڭ قولدانبالى ونەرىنە سىڭىرگەن ەڭبەگى ٴۇشىن «قازاقستان رەسپۋبليكاسى مادەنيەت قايراتكەرى» ٴتوس بەلگىسىمەن، «وڭتۇستىك قازاقستان وبلىسىنا سىڭىرگەن ەڭبەگى ٴۇشىن» مەدالىمەن، قازاقستان رەسپۋبليكاسى پرەزيدەنتى جارلىعىمەن «ەرەن ەڭبەگى ٴۇشىن» مەدالىمەن، قازاقستان رەسپۋبليكاسى سۋرەتشىلەر وداعىنىڭ «ۇزدىك شىعارماشىلىعى ٴۇشىن» مەدالىمەن، ەۆرازيا ديزاينەرلەر وداعىنىڭ «ديزاينىنىڭ وركەندەۋىنە ەڭبەك سىڭگىرگەنى ٴۇشىن» مەدالىمەن ماراپاتتالعان.

بۇعان دەيىن ەلىمىزدە سۋرەتشىنىڭ «جاڭعىرىق»، «عاسىرلار ٴۇنى»، «دالا اڭىزى» اتتى جەكە شىعارماشىلىق كورمەلەرى وتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي