BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيبىگۇل تولەگەنوۆانىڭ ix حالىقارالىق ۆوكاليستەر كونكۋرسىنىڭ جەڭىمپازى انىقتالدى

استانا قالاسىندا ەكسپو-2017 كورمەسىنىڭ مادەني باعدارلاما اياسىندا وتكەن بيبىگۇل تولەگەنوۆانىڭ ix حالىقارالىق ۆوكاليستەر كونكۋرسى اياقتالدى، دەپ حابارلايدى baq.kz اقپارات اگەنتتىگى.

بيىل كلاسسيكالىق ٴان سايىسىنا 36 ونەرپاز قاتىسىپ، باقتارىن سىنادى. ال ولاردىڭ اراسىنان موڭعوليادان كەلگەن باتجارگال بايارسايحان ۇزدىك شىعىپ، گران-پريدى يەلەندى.

ىرىكتەۋ جانە اقتىق كەزەڭ قىركۇيەكتىڭ ٴ5-ى مەن 10-ى ارالىعىندا قازاقستان رەسپۋبليكاسى قارۋلى كۇشتەرىنىڭ ۇلتتىق اسكەري-پاتريوتتىق ورتالىعىندا وتكەن بولاتىن. ال 10 قىركۇيەك كۇنى «قازاقستان» ورتالىق كونسەرت زالىندا جەڭىمپازداردى ماراپاتتاۋ سالتاناتى مەن گالا-كونسەرت بولدى.

«بۇعان دەيىن باسقا ٴان دودالارىنا قاتىسقانمىن. ال، بيبىگۇل تولەگەنوۆا ۆوكاليستەرىنىڭ كونكۋرسى ەرەكشە ٴوتتى. قازىلار القاسى تالاپشىل، ٴادىل ٴارى جاناشىر. موڭعوليادا بيبىگۇل تولەگەنوۆانى حالىق جاقسى بىلەدى. كونكۋرس ۇيىمداستىرۋشىلارىنا العىسىمدى ايتامىن. ەلىمە بارعان سوڭ جاستارعا وسى بايقاۋعا قاتىسۋعا كەڭەس بەرەتىن بولامىن»، - دەيدى كونكۋرس جەڭىمپازى باتجارگال بايارسايحان.

كونكۋرستىڭ جابىلۋ شاراسىندا بيبىگۇل تولەگەنوۆا جەڭىمپازداردى قۇتتىقتاپ، ولاردىڭ ونەرى مەن ومىرىنە اق جول تىلەدى. تالانتتى ەڭبەكپەن، ىزدەنىسپەن ۇشتاستىرۋعا شاقىردى. بيىل كونكۋرستىڭ قازىلار القاسىنىڭ مۇشەلىگىندە وسى كونكۋرستىڭ ٴار جىلدارداعى جەڭىمپازدارى اتانعان وپەرا انشىلەرى وتىردى.

«جاستارمەن جۇمىس ىستەگەن وتە قىزىق. بيىل ارمەنيا، بولگاريا، رەسەي، وزبەكستان، موڭعوليا، قازاقستان قالالارىنان ونەرپازدار قاتىستى. 42 قاتىسۋشى ٴوتىنىش جىبەرىپ، سونىڭ 36-سى كەلدى. 14 ادام اقتىق سىنعا شىعىپ، وركەستردىڭ سۇيەمەلدەۋىمەن ونەر كورسەتتى. جاستاردىڭ ونەرگە دەگەن قىزىعۋشىلىعى، ۇمتىلىسى ەرەكشە»، - دەيدى كونكۋرس ۇيلەستىرۋشىسى قارلىعاش ابدىكاريموۆا.

بايقاۋدا تومەندەگى جۇلدەگەرلەر جەڭىمپاز اتاندى:

iii ورىن
ابدۋلمانوۆا الفيا، قازاقستان
ٴابىلدين قۇدايبەرگەن، قازاقستان
باقىتجان سۇلتان، قازاقستان

ii ورىن
ايسينا ديانا، رەسەي
شپەكپايەۆا ەلميرا، قازاقستان
قاناتبەك ايبەك، قازاقستان

i ورىن

باجبەۋك - مەليكيان سارگيس، ارمەنيا
راسىلحان شىڭعىس، قازاقستان
پيازوۆ اقىلبەك، وزبەكستان

گران - پري
باتجارگال بايارسايحان، مونعوليا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي