BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باتىرحان شۇكەنوۆتىڭ تۋعان جەرىندە انشىگە ارنالعان ەسكەرتكىش ورناتىلدى

فوتو: newtimes.kz

ٴانشىنىڭ تۋعان جەرى – قىزىلوردا قالاسىندا ەسكەرتكىشتىڭ اشىلۋ سالتاناتى ٴوتتى. وعان باتىرحان شۇكەنوۆتىڭ تۋىستارى، دوستارى مەن جەرلەستەرى قاتىستى، دەپ حابارلايدى baq.kz اقپارات اگەنتتىگى newtimes.kz سايتىنا سىلتەمە جاساپ.

ەسكەرتكىش قالاداعى ساياباقتاردىڭ بىرىنە ورناتىلدى.

مۇسىندە باتىرحان شۇكەنوۆتىڭ «وتان انا» انىنە تۇسىرىلگەن بەينەبايانىنداعى وبرازى بەينەلەنگەن. ول قولىنا ساكسافون اسپابىن ۇستاپ تۇر. ەسكەرتكىشتىڭ جالپى ۇزىندىعى – 3،6 مەتر، ٴمۇسىننىڭ ۇزىندىعى – 2،2 مەتر، تۇعىردىڭ بيىكتىگى – 1،6 مەتر، ال ٴمۇسىن قولادان قۇيىلعان.

ٴانشىنىڭ اناسى ديليارا شۇكەنوۆا وبلىس باسشىلىعى مەن ۇيىمداستىرۋشىلارعا العىس ايتتى.

«باتىرحاننىڭ ەسكەرتكىشىن ورنالاستىرۋعا اتسالىسقانداردىڭ بارىنە العىس ايتام. مەن ۇلىما ەسكەرتكىش ورناتىلاتىنىن جانە ساياباق ونىڭ اتىمەن اتالاتىنىن ەستىگەندە قۋاندىم»، - دەيدى ول.

ەسكەرتكىش اۆتورى – ٴمۇسىنشى مۇران مانسۇروۆ. ونىڭ جوباسى 2017 جىلى بايقاۋعا قاتىسۋشى 8 جوبانىڭ ەڭ ۇزدىگى بولدى. ەسكەرتكىش قىزىلوردا وبلىسى اكىمىنىڭ تاپسىرىسىمەن سالىنعان.

ەسكە سالا كەتسەك، مۇرات مانسۇروۆ – «قازاق ەلى»، «ماڭگىلىك ەل»، «كەرەي مەن جانىبەك» ەسكەرتكىشتەرىنىڭ اۆتورى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي