BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باري اليباسوۆ وسكەمەندە تۇلەكتەردىڭ مەكتەپ ٴبىتىرۋ كەشىنە قاتىسادى

تانىمال شوۋمەن باري اليباسوۆ 25 مامىردا وتەتىن وسكەمەن مەكتەپ تۇلەكتەرىنىڭ ٴبىتىرۋ كەشىنە قاتىسادى. الايدا ول شىعىس قازاقستانعا وسى ماقساتپەن عانا كەلمەيدى. اليباسوۆ سونداي-اق ٴوزى ٴتۋىپ-وسىپ، بالالىق كەزەڭى مەن جاستىق شاعىن وتكىزگەن شار قالاسىندا دا بولادى.

بيىل باري اليباسوۆ 65 جاسقا تولادى، ال ول وقىعان شار مەكتەبىنە – 80 جىل. 1tv.kz تىلشىسىنە وسكەمەن اكىمىنىڭ ٴباسپاسوز حاتشىسى مالىمدەگەندەي، ٴوزىنىڭ ساپارى جايلى باري كاريم ۇلى 21 مامىردا تەلەفون ارقىلى حابارلاعان. «ٴوزىمنىڭ جەرلەستەرىممەن بولاتىن كەزدەسۋدى تاعاتسىزدانا كۇتۋدەمىن. مەكتەپتىڭ مەرەيتويىنا ماسكەۋ، پيتەر، تومسك جانە رەسەي مەن قازاقستاننىڭ باسقا دا قالالارىنان سىنىپتاستارىم كەلەدى. وسكەمەندە 24 مامىردا بولامىز. كەلەسى كۇنى تاڭەرتەڭ «نا-نا» توبىمەن بىرگە شارعا جول تارتامىز، سول كۇنى قايتادان كەرى ورالىپ، «ۆوستوك» ستاديونىندا وتەتىن ٴبىتىرۋ كەشىندە ونەر كورسەتەمىز. بىلايشا ايتقاندا، ٴبارى دە كەرەمەت بولادى»، - دەدى اليباسوۆ.

سونىمەن قاتار شوۋمەنمەن بىرگە رەسەيلىك بەلگىلى ارنالار – «نتۆ» جانە ٴبىرىنشى ارنانىڭ ەكى ٴتۇسىرۋ توبى كەلمەك، ولار باري اليباسوۆتىڭ مەرەيتويىنا وراي ارنايى باعدارلاما ازىرلەيدى.

وسكەمەن اكىمى ٴباسپاسوز قىزمەتىنىڭ حابارلاۋىنشا، قالا اكىمدىگى مەكتەپ تۇلەكتەرىنىڭ ٴبىتىرۋ كەشىنە رەسەيلىك «ين-يان» مەن «ينفينيتي» توپتارىن دا شاقىرعان كورىنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي