BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«baqytty bala» حالىقارالىق فەستيۆالىندە ديماش قۇدايبەرگەن ارنايى جۇلدە بەرەدى

ديماش قۇدايبەرگەننىڭ جانە باسقا دا جۇلدىزداردىڭ قاتىسۋىمەن ۆوكالدىق كونكۋرستىڭ فينالى اقتوبەدە 1-2 ماۋسىمدا وتەدى. 2020 مەن 2021 جىلدارى ونى استانا مەن الماتى قالاسىندا وتكىزۋ جوسپارلانىپ وتىر، دەپ حابارلايدى baq.kz اقپارات اگەنتتىگى.

اقتوبە وبلىسىنىڭ وڭىرلىك كوممۋنيكاسيالار قىزمەتىندە 1-2 ماۋسىمعا بەلگىلەنگەن «baqytty bala» بالالار ۆوكالدىق فەستيۆال-كونكۋرسىنىڭ الداعى فينالى بويىنشا ٴباسپاسوز ٴماسليحاتى ٴوتتى. باق وكىلدەرىنىڭ سۇراقتارىنا اقتوبە قالاسى اكىمىنىڭ ورىنباسارى كۇلپارشىن ايدارحانوۆا، «ديماشالي» شىعارماشىلىق ورتالىعىنىڭ باسشىسى قانات ايتبايەۆ، «baqytty bala» فەستيۆالىنىڭ رەجيسسەر-سسەناريسى، ۋكراينا، گرەسيا، تۇركيا، قازاقستانداعى حالىقارالىق كولەمدى جوبالاردىڭ اۆتورى اننا وبويانسكايا جاۋاپ بەردى. باسقوسۋعا «اقتوبە قالاسى مادەنيەت جانە تىلدەردى دامىتۋ ٴبولىمى» مم باسشىسى التىناي يۋنيسوۆا جانە «ديماشالي» شىعارماشىلىق ورتالىعىنىڭ وكىلى، بۇكىل الەمگە ايگىلى ٴارتىس ديماش قۇدايبەرگەننىڭ اناسى سۆەتلانا ايتبايەۆا قۇرمەتتى قوناقتار رەتىندە قاتىستى.

«baqytty bala-2018» ەسترادالىق ٴان كونكۋرسى ەكەندىگىن، وعان 10-نان 15 جاس شاماسىنا دەيىنگى جاس مۋزىكالىق دارىندى بالالار قاتىسقانىن ەستەرىڭىزگە سالامىز. اقتوبە وبلىسىنىڭ اكىمدىگى، «qazaqstan» ۇلتتىق ارناسىنىڭ قولداۋىمەن «ديماشالي» شىعارماشىلىق ورتالىعى فەستيۆالدىڭ ۇيىمداستىرۋشىلارى بولدى.

كونكۋرس قاتىسۋشىلارى انا تىلىندە كەز كەلگەن ٴبىر ٴاندى (سونىڭ ىشىندە ٴوزى شىعارعان ٴبىر ٴاندى) جانە قالاۋى بويىنشا الەمدىك ٴحيتتى جەكە ورىنداۋى كەرەك. بالالار شىعارماشىلىعىنىڭ اۋقىمدى جوباسى قاشىقتىقتان ىرىكتەۋ كەزەڭىن جانە بالالار ەسترادالىق اندەرىنىڭ فينالدىق كونكۋرسىن قوسا العاندا، بىرنەشە كەزەڭدە وتەدى. ۇيىمداستىرۋشىلار اتاپ وتكەندەي، «baqytty bala» جوباسى ٴوزىن تانىتقىسى كەلگەن دارىندى بالالارعا مۇمكىندىك بەرۋگە ارنالعان. قازاقستان، رەسەي، ۋكراينا، وزبەكستان جانە گرەسيانى قوسا العاندا، ٴارتۇرلى ەلدەن كەلگەن 20 بالا ونىڭ قاتىسۋشىلارىنا اينالدى – وسى ەلدەردەن كەلگەن ۇمىتكەرلەر 420 ٴوتىنىشتىڭ اراسىنان قاشىقتىقتان ىرىكتەۋدەن ٴوتتى.

«ٴبىز جىل سايىن «baqytty bala» فەستيۆالىن وتكىزۋدى جوسپارلاپ وتىرمىز جانە اتالعان جوبانى اقتوبە وبلىسىنىڭ كوپشىلىك مويىنداعان برەندىنە اينالدىرۋ – نەگىزگى ماقساتىمىز. «baqytty bala» كونكۋرسىن 2020 جىلى استانادا، ال 2021 جىلى الماتىدا وتكىزۋ جوسپارىمىزدا بار»، - دەدى اقتوبە قالاسى اكىمىنىڭ ورىنباسارى كۇلپارشىن ايدارحانوۆا.

«ديماشالي» شىعارماشىلىق ورتالىعىنىڭ باسشىسى قانات ايتبايەۆ وسى كونكۋرسقا قاتىساتىن بالالاردىڭ تاعى دا الەمدىك ساحنانىڭ جۇلدىزدارىنا اينالۋعا ۇلكەن مۇمكىندىكتەرى بار دەپ اتاپ كورسەتتى.

«ٴقازىردىڭ وزىندە ٴبىزدىڭ كونكۋرسانتتارمەن بولۋى مۇمكىن ىنتىماقتاستىق تۋرالى پروديۋسەرلىك ورتالىقتاردان ۇسىنىستار ٴتۇسىپ جاتىر»، - دەپ ٴبولىستى سپيكەر.

بىرنەشە جەڭىمپاز ارنايى شاقىرىلعان ەسترادا مەن سپورت جۇلدىزدارىنىڭ قاتىسۋىمەن 2 ماۋسىمدا وتەتىن سالتاناتتى ماراپاتتاۋ ٴراسىمى بارىسىندا جاريالاناتىن بولادى. فينالعا قاتىسۋشىلار باس جۇلدەگە تاعايىندالعان 2 000 000 تەڭگە ٴۇشىن سايىسقا تۇسەتىن بولادى. نەگىزگى جەڭىمپازدان باسقا، ٴبىرىنشى ورىننىڭ يەگەرىن 1 500 000 تەڭگە مولشەرىندە، ەكىنشى مەن ٴۇشىنشى ورىنداردىڭ ەكى يەگەرىن – سايكەسىنشە 750 000 تەڭگە جانە 500 000 تەڭگە مولشەرىندە اقشالاي جۇلدە كۇتىپ تۇر. سونداي-اق فەستيۆالعا قاتىسۋشىلاردىڭ بىرەۋى بۇكىل الەمگە ايگىلى ٴانشى، «سلاۆيان بازارى 2015»، «singer - 2017» حالىقارالىق كونكۋرستارىنىڭ جەڭىمپازى، «mtv music awards» سىيلىقاقىسىنىڭ يەگەرى ديماش قۇدايبەرگەننىڭ اتاۋلى جۇلدەسىمەن ماراپاتتالادى.

ٴانشىنىڭ اناسى سۆەتلانا ايتبايەۆا قازاقستانعا كونكۋرستىڭ فينالىنا كەلۋ ماقساتىمەن فينليانديا، جاڭا زەلانديا، اقش، گەرمانيا، مالايزيا، جاپونيا، پولشا، فرانسيا، رەسەي، يندونەزيا، ۋكراينا جانە قىتايدى قوسا العاندا، الەمنىڭ ٴارتۇرلى ەلدەرىنەن ديماشتىڭ جانكۇيەرلەرى كەلەتىنىن اڭگىمە بارىسىندا ايتتى. ديماشتان باسقا، ٴىس-شاراعا ۋكراينانىڭ «گولوس. دiتي» 2017 ۆوكالدىق كونكۋرسىنىڭ جەڭىمپازى دانەليا تولەشوۆا، «ۆيتەبسكىدەگى سلاۆيان بازارى-2015» حالىقارالىق فەستيۆالىنىڭ باس جۇلدەگەرى لۋيزا نۇرقۋاتوۆا، «سلاۆيان بازارى-2017» كونكۋرسىنىڭ جەڭىمپازى ۆلاد سىتنيك، ارميان ٴانشىسى دجوردان اراكەليان، ۋكراينالىق اۋە گيمناستى اناستاسيا ديدۋح قاتىسادى.

كونكۋرستىڭ فينالى اقتوبە ونەر ورتالىعىنىڭ «ونەر ورتالىعى» كونسەرتتىك زالىندا وتەدى. «اقتوبە قالاسى مادەنيەت جانە تىلدەردى دامىتۋ ٴبولىمى» مم باسشىسى التىناي يۋنيسوۆا اتاپ وتكەندەي، ورتالىقتىڭ كونسەرتتىك زالى 1200 ادامعا ارنالعان، بۇل رەتتە سولاردىڭ ىشىندە 600-گە جۋىعىن ۇيىمداستىرۋشىلار بالالار ٴۇيى مەن حالىقتىڭ وسال توپتارىنىڭ بالالارىنا بەردى.

«بالالاردىڭ بارلىق كونكۋرس بويى وقيعاعا تولى باعدارلاماسى بولدى. ٴبىز قاتىسۋشىلاردى تاماشا ۇلگىلى تالاپتارى بار دەمالىس ايماعىنا ورنالاستىردىق. ولار ٴبىرىنشى كەلگەن كۇنى «دوستىق كەشىنە» قاتىستى، وندا ٴبارى بىر-بىرىمەن تانىسىپ، بىرگە كەشكى اس ٴىشتى جانە ۇيىمداستىرۋشىلاردان برەندتەلگەن كادەسىيلار الدى. الدا قالا بويىنشا ويىن-ساۋىق ەكسكۋرسياسى، ودان سوڭ ۆوكال بويىنشا ديماش قۇدايبەرگەننىڭ ۇستازى مارات ٴايتىموۆتىڭ شەبەرلىك كلاستارى، سونداي-اق وزبەكستاننىڭ حالىق ٴارتىسى – نوديرا پەرماتوۆانىڭ ۆوكال بويىنشا ساباقتارى وتكىزىلەتىن بولادى. بالالاردىڭ ٴجۇزى باقىتقا تولى، ويتكەنى ولار ٴۇشىن اقتوبە قالاسىنا كەلۋگە بارلىق قولايلى جاعدايلار جاسالعان. اقتوبە قالاسى ولاردىڭ جادىندا وسى باقىتتىڭ ىزگى ىقىلاستى، قوناقجاي بۇرىشى رەتىندە ۇزاق ساقتالاتىنىنا سەنىمىم مول»، - دەيدى كونكۋرستىڭ رەجيسسەر-سسەناريسى اننا وبويانسكايا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي