BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«baqytty bala-2018» بايقاۋىنىڭ جەڭىمپازى ديماشتىڭ الەمدىك ساپارىنا قاتىسادى

اقتوبەدەگى ونەر ورتالىعىندا قازاقستان، رەسەي، ۋكراينا، وزبەكستان جانە گرەكيا ەلدەرىنەن كەلگەن جاس مۋزىكالىق دارىندار قاتىسقان «baqytty bala-2018» تۇڭعىش حالىقارالىق ەسترادالىق ٴان بايقاۋى گالا-كونسەرتپەن اياقتالدى، دەپ حابارلايدى baq.kz اقپارات اگەنتتىگى.

جوبانىڭ باستى ماقساتى – جاڭا ەسىمدەردى تاۋىپ، ولاردىڭ العا قاراي ٴجۇرۋى ٴۇشىن جاعداي جاساۋ، قاتىسۋشىلاردىڭ ورىنداۋشىلىق شەبەرلىكتەرىن جەتىلدىرۋ، ۆوكال ونەرىنىڭ ۇزدىك داستۇرلەرىن دامىتۋ.

ٴان بايقاۋى اقتوبە وبلىسىنىڭ اكىمدىگى، «qazaqstan» رەسپۋبليكالىق تەلەارناسىنىڭ قولداۋىمەن «ديماشالي» شىعارماشىلىق ورتالىعى ۇيىمداستىردى.

باس جۇلدەنى بىردەن ەكى قاتىسۋشى يەلەندى. ولار – اقتوبەلىك نارگيز جانۇزاقوۆا مەن ورالدان كەلگەن ەرجان ماكسيم. جەڭىمپازداردىڭ ٴارقايسىسىنا 1 ميلليون تەڭگەدەن جۇلدە بەرىلدى.

نارگيز سازگەر ەرمەك ەلگەزەكوۆتىڭ «اقتوبەم» اۆتورلىق ٴانىن ورىندادى. ول - «سيقىرلى ميكروفون» (استانا قالاسى، 1 ورىن)، «تالانتتار شوقجۇلدىزى» ( شىمكەنت قالاسى، باس جۇلدە)، «سىرىم بار جۇرەگىمدە» (الماتى قالاسى، 1 ورىن) جانە باسقا دا مۋزىكالىق بايقاۋلاردىڭ جەڭىمپازى.

بۇدان باسقا، نارگيز «سلاۆيان بازارى-2015» حالىقارالىق بايقاۋىنىڭ جەڭىمپازى، «singer-2017» ٴفيناليسى، «mtv music awards» سىيلىعىنىڭ يەگەرى ديماش قۇدايبەرگەننىڭ اتاۋلى جۇلدەسىن جەڭىپ الدى. اتاپ ايتقاندا، ول ديماشتىڭ الەمدىك ساپارىنا قاتىسادى.

گالا-كونسەرتتە ونەر كورسەتكەن ديماش قۇدايبەرگەن قاتىسۋشىلاردىڭ بارلىعىنا العىسىن ٴبىلدىرىپ، تۋعان جەرىن ساعىناتىنىن ايتتى.

ەكىنشى جەڭىمپاز ەرجان ماكسيم دە كوپتەگەن ماراپاتتارىمەن ماقتانا الادى. جاس مۋزىكانت - «شىرقا داۋىسىم-2015» (الماتى) بايقاۋىنىڭ باس جۇلدە يەگەرى، «riga symphony-2016» (ريگا، لاتۆيا) بايقاۋىنىڭ ەكى التىن جانە ٴبىر كۇمىس مەدالدارىنىڭ يەگەرى، «sanremo junior-2017» (سانرەمو، يتاليا) ٴبىرىنشى سىيلىعىنىڭ لاۋرەاتى.

بايقاۋدىڭ مەرجان جەدىباي (اقتوبە)، ماريا زاتۆورنيسكايا (پاۆلودار)، يوانۋس لازوپولۋس (گرەسيا)، سانات اسۋات (اتىراۋ)، راحمان ساتيەۆ (اقتوبە)، ماريا ماحلينا (رەسەي)، نازگۇل بايمەنوۆا (اقتوبە)، روبيا ميرزايەۆا (وزبەكستان) سىندى باسقا دا لاۋرەاتتارى 500 مىڭ تەڭگە كولەمىندە اقشالاي سىيلىق الدى. بارلىق قاتىسۋشىعا ۇيىمداستىرۋشىلار مەن دەمەۋشىلەر اتىنان باعالى سىيلىقتار تابىس ەتىلدى.

وبلىس اكىمى بەردىبەك ساپاربايەۆ بايقاۋدىڭ بارلىق قاتىسۋشىسىنا العىس ايتتى. ول «baqytty bala» فەستيۆالى جىل سايىنعى وقيعاعا جانە ٴوڭىردىڭ ناعىز برەندىنە اينالاتىنىن جەتكىزدى.

"بايقاۋ العاش رەت وتكىزىلىپ تۇر، ٴبىراق سوڭعى رەت ەمەس. ٴبىز اقتوبەدە جىل سايىن ٴداستۇرلى تۇردە «باقىتتى بالا» حالىقارالىق بايقاۋى وتەتىن بولادى دەپ شەشتىك. ونىڭ اقتوبە وبلىسى برەندىنە اينالاتىنىنا سەنىمدىمىن. ٴبىز جاس تالانتتاردى قولدادىق جانە قولدايتىن بولامىز. قىمباتتى بالالار، بىزگە سىيلاعان مەرەكەلەرىڭىز ٴۇشىن راحمەت. ٴارقايسىسىڭىزعا ديماشتىڭ شىعارماشىلىق جولىن بەرسىن دەپ تىلەيمىن"، - دەدى بايقاۋ قاتىسۋشىلارىنا بەردىبەك ساپاربايەۆ.

ول سونداي-اق، وزگە ەلدەردەن كەلگەن قوناقتارعا جانە ۇيىمداستىرۋشىلاردىڭ بارلىعىنا بايقاۋدى جوعارى دەڭگەيدە وتكىزگەندەرى ٴۇشىن العىس ايتتى.

سونداي-اق، وبلىس اكىمى كورەرمەندەر اراسىندا قازاقستانعا بايقاۋدى تاماشالاۋ ٴۇشىن جاڭا زەلانديادان كەلگەن انيتا راي ۋورد ەسىمدى ايەلدىڭ وتىرعانىن اتاپ ٴوتتى. ول ٴتورتىنشى دەڭگەيلى ونكولوگيا اۋرۋىنا قاراماستان قازاقستانعا مۇگەدەكتەر ارباسىمەن جولعا شىققان.

ايتا كەتەيىك، بايقاۋدىڭ فينالدىق كونسەرتتىك باعدارلاماسىنا الەمگە تانىمال اقتوبەلىك ٴانشى ديماش قۇدايبەرگەن، ۋكراينالىق «گولوس. دiتي» 2017 ۆوكالدىق بايقاۋىنىڭ جەڭىمپازى دانەليا تولەشوۆا، «سلاۆيانسكيي بازار ۆ ۆيتەبسكە» 2015» حالىقارالىق فەستيۆالىنىڭ باس جۇلدە يەگەرى لۋيزا نۇرقۋاتوۆا، ارميان ٴانشىسى دجوردان اراكەليان، اۋە گيمناستيگى اناستاسيا ديدۋح قاتىستى.

بايقاۋدىڭ قازىلار القاسىنا قازاقستان، وزبەكستان، ۋكراينا مەن تۇركيا ەلدەرىنىڭ كاسىبي ارتىستەرى كىردى. ولاردىڭ ىشىندە قر ەڭبەك سىڭىرگەن قايراتكەرلەرى مارات ٴايتىموۆ پەن جەڭىس ىسقاقوۆا، ٴور ەڭبەك سىڭىرگەن قايراتكەرى نوديرا پەرماتوۆا، «سلاۆيان بازارى-2017» جەڭىمپازى ۆلاد سىتنيك، تۇركيادان كەلگەن اتاقتى ٴانشى ٴارى ۆوكال ۇستازى ەمرە يۋسەلەن بار.

وسى شارانىڭ بيلەتتەرىنىڭ دەنى جەتىم جانە از قامتىلعان وتباسىلاردان شىققان بالالارعا بەرىلدى.

ەسكە سالايىق، اندەر بايقاۋىنا 20 ەلدەن كەلگەن 420 جاس مۋزىكا تالانتتارى قاتىستى. قاشىقتان ىرىكتەۋ اينالىمىنان 20 بالا ٴوتتى.

حالىقارالىق ٴان بايقاۋى اقتوبە وبلىسى اكىمدىگىنىڭ قولداۋىمەن وڭىردە جاريالانعان «باقىتتى بالا» جىلى اياسىندا ٴوتتى. وڭىرلىك جوبا بالالاردى «رۋحاني جاڭعىرۋ» مەملەكەتتىك باعدارلاماسىنا سايكەس قولداۋعا جانە دامىتۋعا باعىتتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي