BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالۋان شولاقتىڭ مۋزىكالىق مۇراسى

قر ۇلتتىق اكادەميالىق كىتاپحاناسىندا ونەر زەرتتەۋشىسى، دەرەكتانۋشى، قازاقستاننىڭ ەڭبەك سىڭىرگەن ٴارتيسى سەرىك كارىباي ۇلى وسپاننىڭ «بالۋان شولاق» اتتى كىتابىنىڭ تۇساۋكەسەرى ٴوتتى، دەپ حابارلايدى baq.kz اقپارات اگەنتتىگى.

كىتاپ انشى-كومپوزيتور، اقىن، دومبىراشى، اتبەگىلىك، قۇسبەگىلىك، بالۋاندىق، ات ويىندارى مەن سيرك ونەرىنىڭ شەبەرى، حالقىمىزدىڭ ٴداستۇرلى ونەرىنىڭ بارلىعىن بويىنا جيناقتاپ، سال-سەرىلىك ٴداستۇردى ۇستانعان دارابوز تۇلعانىڭ ومىرىنە قاتىستى تىڭ دەرەكتەردىڭ جازىلۋىمەن قۇندى ٴارى ەلىمىزدىڭ رۋحاني جاڭعىرۋىنا قوسىلاتىن ۇلەس بولاتىنى داۋسىز.

ماسەلەن، كىتاپتا اۆتور بالۋان شولاقتىڭ تۋعان جىلى، ونىڭ شولاق اتانۋى، اقىننىڭ جارىنىڭ شىن ەسىمى، بالۋان عاشىق بولىپ التى ٴان ارناعان عاليا تىلەۋبەكقىزىنىڭ تاعدىرى، 1899 جىلى جەتىسۋ وڭىرىنە سال-سەرىمەن بارىپ، وزىنە شاكىرت تاۋىپ، 15 جاسار كەنەنگە اعالىق اق باتاسىن بەرىپ، كەنەندەي ٴان بۇلاعىنىڭ كوزىن اشۋى تۋرالى قىزىقتى مالىمەتتەر كەلتىرەدى.

«ارحيۆتىك قۇجاتتاردىڭ دەرەكتەرىنە سۇيەنسەك بالۋان شولاق 1859 جىلى 19 قاڭتاردا دۇنيەگە كەلىپ 1918 جىلى جەلتوقسان ايىندا 60-قا قاراعان شاعىندا دۇنيە سالعان. بالۋان شولاق نەبارى 20 جاسىندا كارون پالۋاندى جەڭىپ، كىر كوتەرۋ باسىندە سيركتىڭ ەڭ جوعارعى كورسەتكىشى 40 پۇت سالماقتى 51 پۇت (816 كەلى) سالماققا جاڭارتىپ الەمدىك رەكورد جاساپ، وتىز ەكى جاسىندا الەمدىك دارەجەدەگى بالۋاننىڭ جامباسىن جەرگە تيگىزگەن. بۇل ەرلىگى التى الاشقا ايگىلى بولىپ بالۋان شولاق ەسىمى اڭىزعا اينالدى» - دەيدى كىتاپ اۆتورى.

قازاقستاننىڭ ەڭبەك سىڭىرگەن قايراتكەرى، كۇيشى جانعالي ٴجۇزباي جۇرگىزگەن كەشكە زيالى قاۋىم وكىلدەرى مەن اقىننىڭ ۇرپاقتارى قاتىستى. سەرىنىڭ تاريحىنا قاتىستى تىڭ دەرەكتەرگە تولى ادەمى اڭگىمە ٴوربىپ، بالۋان شولاقتىڭ اندەرى ورىندالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي