ازامات ساتىبالدى ع.مۇسىرەپوۆ تەاترىنا ديرەكتور بولىپ تاعايىندالدى

الماتى، baq.kz ٴتىلشىسى. تانىمال اكتەر ازامات ساتىبالدى ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنا ديرەكتور بولىپ تاعايىندالدى. بۇل تۋرالى اتالعان تەاتردىڭ ادەبيەت ٴبولىمىنىڭ مەڭگەرۋشىسى اق-زيا جايلى facebook-گى پاراقشاسىندا جازدى.

«قر مادەنيەت جانە سپورت ٴمينيسترى ارىستانبەك مۇحامەدي ۇلىنىڭ بۇيرىعىمەن: تالاناتتى تەاتر جانە كينو اكتەرى، بىلىكتى پروديۋسەر، تانىمال تەلەجۇرگىزۋشى، قازاقستاننىڭ ەڭبەك سىڭىرگەن قايراتكەرى - ازامات ساتىبالدى ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنا ديرەكتورلىق قىزمەتكە تاعايىندالدى»، - دەپ جازدى ول.

سونىمەن قاتار ول، بۇل ۇجىمدى ٴتورت جىل باسقارعان بۇرىنعى ديرەكتور، قازاقستاننىڭ ەڭبەك سىڭىرگەن قايراتكەرى ٴسابيت ٴابدىقالىقوۆ جاڭا قىزمەتتىك ورىنعا باراتىندىعىن دا ايتقان.

«ۇجىمنىڭ ٴاربىر مۇشەسىنىڭ قامىن ويلاپ، شىعارماشىلىق پەن باسقارۋدا جان-جاقتى جاناشىرلىق ۇستانىممەن ٴىس قىلا بىلگەن ٴسابيت ٴابدىمۇتالى ۇلىنا ابىرويمەن اتقارعان قىزمەتتەرىنە العىس ايتا وتىرىپ، بارعان جەرىڭىزگە باق ورناتىڭىز، جولىڭىز بولسىن!، دەيمىز. ال، جاڭا باسشىنىڭ الداعى قىزمەتىنە مول سەنىممەن، تابىس، ۇلكەن سەرپىن، تىڭ باستامالار تىلەيمىز!»، - دەپ جازدى ا.جايلى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!