BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانانىڭ العاشقى كومەديا تەاترى اشىلدى

استانانىڭ 20 جىلدىعىنا وراي ٴبىرىنشى كومەديا تەاترى ٴوز جۇمىسىن باستادى. ەلىمىزدەگى وسىنداي جالعىز مەكەمە ەلوردا اكىمدىگىنىڭ قولداۋىمەن قىزمەت ەتەدى، دەپ حابارلايدى baq.kz اقپارات اگەنتتىگى.

تەاتر رەپەرتۋارىندا بارشا الەمگە تانىمال كومەديالىق سپەكتاكلدەر بولادى. كورەرمەندەر ولاردى قازاق تىلىندە تاماشالايدى. كومەديا تەاترىنىڭ كوركەمدىك جەتەكشىسى بەلگىلى ازىلكەش تۇرسىنبەك قاباتوۆ. تەاتر ەكسپو كورمەسى اۋماعىندا «ەنەرگيا حوللىندا» ورنالاسادى جانە nomad city hall دەپ اتالادى.

ەلوردالىق كومەديا تەاترىنىڭ تۇساۋكەسەرى بۇگىن جاڭا تەاتر عيماراتىندا ٴباسپاسوز ماسليحاتى بارىسىندا ٴوتتى. وعان استانا قالاسى مادەنيەت جانە سپورت باسقارماسىنىڭ باسشىسى بولات ماجاعۇلوۆ جانە استانالىق كومەديا تەاترىنىڭ ديرەكتورى تۇرسىنبەك قاباتوۆ قاتىستى.

"استانادا كومەديا تەاترىنىڭ اشىلۋىنىڭ قالامىزدىڭ مادەني دامۋىنا وڭ ىقپالىن تيگىزەرى ٴسوزسىز. ونىڭ قاناتىنىڭ استىنا بۇكىل قازاقستاننان تالانتتى جاستار جينالادى. تەاتر جاس ازىلكەشتەرگە ٴوزىن-وزى تانىتۋعا جانە ٴوز ونەرىن پاش ەتۋگە مۇمكىندىك بەرەتىن بىرەگەي الاڭعا اينالماق"، - دەدى ەلوردالىق مادەنيەت جانە سپورت باسقارماسىنىڭ باسشىسى بولات ماجاعۇلوۆ.

تەاتر بازاسىندا بارشا قازاقستاندىقتار ۇناتاتىن «ٴازىل الەمى»، «نازار اۋدار»، «كتا» ويىندارى باعدارلامالارى مەن ازىلكەشتەردىڭ اۆتورلىق ونەر كورسەتۋلەرىنەن باسقا، مەكتەپتەر، كوللەدجدەر جوو-لار اراسىندا تۋرنيرلەر وتكىزىلەدى.

"ەلىمىزدە دارىندى جاستار كوپ. ٴازىل-قالجىڭ ونەرى قازاققا جات ەمەس. بۇرىن ٴازىل-سىقاق كەشتەرىن وتكىزۋ ٴۇشىن زالداردى جالدايتىنبىز. ال ەندى ٴوز عيماراتىمىز بار. مۇنىڭ ٴبىزدىڭ شىعارماشىلىعىمىزعا وڭ اسەر ەتىپ، جاقىن ارادا كورەرمەندەرىمىزدى تەاتر ارتيستەرىنىڭ ورىنداۋىنداعى الەمگە تانىمال قويىلىمدارىمىزبەن جانە پرەمەرالارمەن قۋانتامىز دەپ ويلايمىن"، - دەدى كومەديا تەاترىنىڭ ديرەكتورى تۇرسىنبەك قاباتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي