BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا ۇزدىك فوتوسۋرەتتەر كورمەسى اشىلدى

فوتو: Нұржас Жақсыбай

استانا، baq.kz ٴتىلشىسى. بۇگىن ەلوردادا "world press photo - 2018" ۇزدىك فوتوسۋرەتتەر كورمەسى اشىلدى. كورمەگە əلەم فوتوجۋرناليستەرىنىڭ ۇزدىك تۋىندىلارى قويىلعان.

شارانىڭ اشىلۋ سالتاناتىندا world press photo وكىلى، كورمە تالىمگەرى دجەرزي برينكوف وتكەن جىلداعى ەڭ ماڭىزدى وقيعالاردى بەينەلەگەن ۇزدىك جۇمىستاردى تانىستىردى.

"كورمە 10 جەلتوقسانداعى حالىقارالىق ادام قۇقىعى كۇنىنە وراي اشىلىپ وتىر. بيىلعى بايقاۋعا 125 ەلدەن 4،5 مىڭ فوتوگرافتىڭ 73 مىڭعا جۋىق سۋرەتى كەلدى. بيىل جەڭىمپازدار مەن جۇلدەگەرلەر قاتارىنا 42 ادام كىردى. "جىلدىڭ فوتوسۋرەتى-2018" باس اتالىمىندا ۆەنەسۋەلالىق فوتوگراف رونالدو شەميدتىڭ تۋىندىسى جەڭىسكە جەتتى. ونىڭ فوتوسۋرەتىندە 2017 جىلدىڭ 3 مامىرىندا كاراكاستاعى ۇكىمەتكە قارسى بۇقارالىق شەرۋگە قاتىسىپ، ورتكە ورانىپ، جۇگىرىپ بارا جاتقان 28 جاستاعى حوسە ۆيكتور سالازار بالسا بەينەلەنگەن. سالازار موتوسيكلدىڭ جانارماي باگىنىڭ جارىلىسىنان ورتكە ورانعان. ول قاتتى كۇيىك الىپ، امان قالدى"، - دەدى دجەرزي برينكوف.

ونىڭ ايتۋىنشا، جىل سايىن كورمەنى ورتاشا ەسەپپەن 45 ەلدىڭ 100 قالاسىندا ەكى ميلليونعا جۋىق ادام تاماشالايدى.

كورمە ۇيىمداستىرۋشىلارى – نيدەرلاند كورولدىگىنىڭ قازاقستانداعى ەلشىلىگى، "سوروس-قازاقستان" قورى جانە "ەركىندىك قاناتى" قوعامدىق قورى.

نيدەرلاند كورولدىگىنىڭ قازاقستانداعى ەلشىسى ديرك يان كوپ مىرزانىڭ ايتۋىنشا، نيدەرلاند ەلشىلىگى world press photo كورمەسىن قازاقستاندا وسىمەن ٴۇشىنشى رەت ۇيىمداستىرىپ وتىر. بيىل كورمە قازاقستاننىڭ 4 قالاسى - استانا، قاراعاندى، الماتى جانە شىمكەنتتە ٴوتىپ جاتىر.

كورمە ٴاربىر قالادا ەكى اپتاعا سوزىلادى. استاناداعى كورمەنى م.نارىكبايەۆ اتىنداعى "كازگيۋۋ" ۋنيۆەرسيتەتىندە تاماشالاۋعا بولادى.

"world press photo" قورى 1995 جىلدان باستاپ نيدەرلاند كورولدىگى حانزاداسىنىڭ قامقورلىعىمەن جۇمىس جاساپ كەلە جاتىر. قور -تاۋەلسىز فوتوجۋرناليستيكاعا جانە بۇكىل الەمدە ەركىن اقپارات بولىسۋگە ارنالعان بىرەگەي الاڭ. كاسىبي فوتوگرافتار مەن باق فوتورەداكتورلارىنان تۇراتىن تاۋەلسىز حالىقارالىق قازىلار القاسى جىل سايىن جەر ٴجۇزىنىڭ تۇكپىر-تۇكپىرىندە جۇمىس جاسايتىن فوتوجۋرناليستەر، اگەنتتىكتەر، گازەت پەن جۋرنال ۇمىتكەرلەرىنىڭ جۇمىستارىن باعالايدى. بايقاۋ ناتيجەلەرى جاريالانعان سوڭ امستەردامدا ەكى اي بويى world press photo - 2018 جەڭىمپازدارىنىڭ جۇمىستارى كورسەتىلەدى. ودان كەيىن سۋرەتتەر بۇكىل الەمدى ارالايدى"، - دەدى ديرك يان كوپ.

فوتو: نۇرجاس جاقسىباي

ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي