BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا تايۆان سۋرەتشىلەرىنىڭ كورمەسى اشىلدى

فوتو: Нұржас Жақсыбай

قر ۇلتتىق مۋزەيىندە ماسكەۋدەگى تايبەيسكو-ماسكەۋ ەكونوميكالىق جانە مادەني ىنتىماقتاستىق جونىندەگى كوميسسيا وكىلدىگىنىڭ قولداۋىمەن «شىعىس كۇنتىزبەسى» اتتى تايۆان سۋرەتشىلەرىنىڭ گرافيكالىق جۇمىستارىنىڭ كورمەسى اشىلدى، دجەپ حابارلايدى baq.kz اقپارات اگەنتتىگى.

تايۆان سۋرەتشىلەرىنىڭ گرافيكالىق جۇمىستارى بۇعان دەيىن رەسەيدىڭ مۇراجايلارى ارقىلى 2017 جىلدىڭ سوڭىندا نوۆوسيبيرسكىدە، يركۋتسك كوركەمسۋرەت مۇراجايىندا، سودان كەيىن تومسك كوركەمسۋرەت مۇراجايىندا كورمەگە ۇسىنىلعان. بۇل كورمەگە 12 سيمۆولدان تۇراتىن تايۆان سۋرەتشىلەرىنىڭ 83 گرافيكالىق جۇمىستارى ۇسىنىلىپ وتىر.

تايۆان ۇلتتىق بەينەلەۋ ونەرى مۇراجايىندا جىل سايىن جىل باسى بەينەلەنگەن سۋرەتتەر اراسىندا بايقاۋ ۇيىمداستىرىلادى. شىعىس كۇنتىزبەسىندە 12 تاڭبا بار: ەگەۋقۇيرىق، بۇقا، جولبارىس، قويان، ايداھار، جىلان، جىلقى، ەشكى، مايمىل، تاۋىق، يت، شوشقا. 12 جىلدىق التەرناتيۆتى جانۋارلار بەلگىلەرى مەن 5 ٴتۇرلى ٴتۇستى ەلەمەنت (جەر، مەتالل، سۋ، اعاش، ٴورت) الپىس جىلدىق سيكلدى قۇرايدى. سوڭعى سيكل 1960 جىلعى 28 قاڭتاردا باستالعان.

بۇل بايقاۋ 30 جىلدان بەرى وتكىزىلىپ كەلەدى. اتالعان بايقاۋعا كسيلوگرافيا، ليتوگرافيا، شەلكوگرافيا گرافيكالارىن باسىپ شىعارۋ ٴۇشىن باسپا گرافيكاسىنىڭ ٴارتۇرلى ادىستەمەلەرى بويىنشا جۇمىس ىستەيتىن شەبەرلەر شاقىرىلادى. جۇمىس زاماناۋي سيفرلىق تەحنولوگيالاردى قولدانۋ ارقىلى جۇزەگە اسىرىلادى. بايقاۋعا قاتىسۋشىلاردىڭ جاسى بويىنشا ەشقانداي شەكتەۋلەر قويىلمايدى. بۇل شارا جاڭا جىل قارساڭىندا كۇنتىزبەگە ساي وتكىزىلىپ، جۇمىستار ۇلتتىق مۋزەيدە ۇيىمداستىرىلعان كورمەدە كورسەتىلەدى.

سوڭعى ٴ33-شى كونكۋرس 2018 جىلى يتتەر جىلىنا ارنالدى. يت جىلى شىعىس كۇنتىزبەسىندە ەڭ قولايلى جىل بولىپ سانالادى. ال 2019 جىلى 60-جىلدىق سيكل شوشقا بەلگىسىمەن قورىتىندىلانادى. «شىعىس كۇنتىزبەسى» كورمەسى اياقتالاتىن كەزدە بىرنەشە تايۆان شىعارماشىلىق تۋىندىلارىن ۇلتتىق مۋزەيدىڭ قورىنا تابىستالماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي