BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «شەحەرازادا» جانە «شوپەنيانا» بالەتتەرىنىڭ پرەمەراسى وتەدى

استانا، baq.kz. 30 قاراشا جانە 1 جەلتوقسان كۇندەرى «استانا وپەرا» تەاترى ساحناسىندا «كۇمىس عاسىر بالەتتەرى» توپتاماسىنان م.فوكيننىڭ حورەوگرافياسىنداعى ف.شوپەننىڭ مۋزىكاسىنا «شوپەنيانا» جانە ن.ا.ريمسكيي-كورساكوۆتىڭ مۋزىكاسىنا «شەحەرازادا» ٴبىر ٴبولىمدى بالەتتەرىنىڭ پرەمەراسى وتەدى.

سپەكتاكلدەر استانانىڭ 20 جىلدىعىن مەرەكەلەۋ اياسىندا قر مادەنيەت جانە سپورت مينيسترلىگىنىڭ قولداۋىمەن وتۋدە.

«شوپەنيانا» جانە «شەحەرازادا» بالەتتەرىن حح عاسىردىڭ اتاقتى حورەوگرافى، جاڭالىق ەنگىزۋشى م.فوكين قويعان. «شوپەنيانا» («les sylphides»، سيلفيدالار) – فرەدەريك شوپەننىڭ فورتەپيانولىق شىعارمالارى مۋزىكالىق ارقاۋ بولىپ، رومانتيكالىق تاقىرىپقا قۇرىلعان بالەت. ەلوردالىق ونەرسۇيەر قاۋىمعا «شوپەنيانانى» «استانا وپەرا» بالەت ترۋپپاسىنىڭ كوركەمدىك جەتەكشىسى التىناي اسىلمۇراتوۆا ۇسىنادى.

دەكوراسيالاردا سول زاماننىڭ پوەتيكالىق رۋحى ساقتالادى. كوستيۋمدەر ل.باكستتىڭ ەسكيزدەرى نەگىزىندە كوستيۋمدەر بويىنشا قازاقستاندىق سۋرەتشى، «يستيتۋتو مارانگوني» اكادەمياسىنىڭ (ميلان، يتاليا) تۇلەگى اراسەل دوسمۇراتوۆانىڭ وڭدەۋىمەن دايىندالدى. ول «ۇلپىلدەگەن جەڭىل كوستيۋمدەر» تىگۋ ٴۇشىن نازىك، ٴتىپتى سالماعى جوق ماتالاردى پايدالاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي