BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا مەديسينا سالاسىنا ارنالعان فوتوكورمە وتەدى

استانا، baq.kz. پرەزيدەنتتىڭ 2018 جىلعى 5 قازانداعى جولداۋىن ىسكە اسىرۋ ماقساتىندا استانادا «مىقتى دارىگەر» مەديسينالىق سۋرەت كورمەسى وتەدى.

№2 كوپبەيىندى قالالىق اۋرۋحانا ۇيىمداستىرىپ وتىرعان بۇل ٴىس-شارا قازاقستان رەسپۋبليكاسىنىڭ ۇلتتىق مۇراجايى عيماراتىنىڭ الاڭىندا وتەتىن بولادى. بۇل ٴىس-شارا قازاقستان رەسپۋبليكاسى تۇڭعىش پرەزيدەنتىنىڭ كۇنىنە وراي ۇيىمداستىرىلىپ وتىر.

ٴىس-شارانى سالتاناتتى تۇردە استانا قالاسى اكىمىنىڭ ورىنباسارى ەرمەك امانشايەۆ اشادى جانە مەرەكەلىك ٴىس-شاراعا استانا قالاسىنىڭ قوعامدىق دەنساۋلىق ساقتاۋ باسقارماسى باسشىسى قامالجان نادىروۆ، سونداي-اق قر پارلامەنتى ٴماجىلىسىنىڭ دەپۋتاتى زاۋرەش امانجولوۆا قاتىسادى.

مەديسيناعا ارنالعان «مىقتى دارىگەر» سۋرەت كورمەسى ٴىس-شاراسى اياسىندا فوتوگراف مارات اميروۆتىڭ جۇمىسى ۇسىنىلاتىن بولادى، وندا زاماناۋي دارىگەرلەردىڭ وپەراسياداعى، كونسۋلتاسياداعى جانە مامانداردىڭ مەديسينالىق قابىلداۋلارىنداعى وبرازدارى ٴار قىرىنان كورسەتىلەدى.

بۇل ٴىس-شاراعا استانا قالاسىنىڭ بارلىق مەديسينالىق ۇيىمدارىنان ارىپتەستەرىمىز قاتىسادى.

بۇدان باسقا، سۋرەت كورمەسىنىڭ باعدارلاماسىندا №2 كوپبەيىندى قالالىق اۋرۋحاناسىنىڭ ەرەكشەلىگى تۋرالى بەينە روليكتىڭ تۋساۋ كەسەرىن كورسەتۋ جوسپارلانعان جانە قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى، قر تۇڭعىش پرەزيدەنتىنىڭ پرەميا قورىنىڭ لاۋرەاتتارىنىڭ، «سەرپەر» جاستار پرەمياسىنىڭ جانە «استانا ميۋزيكل» تەاترى ارتيستەرىنىڭ مۋزىكالىق كونسەرتتىك نومەرلەرىمەن سۇيەمەلدەنەدى.

ەستەرىڭىزگە سالا كەتەيىك، كورمە وسىمەن ەكىنشى رەت ۇيىمداستىرىلىپ وتىر. العاش رەت 5 قاراشا كۇنى وتكەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي