BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا كوڭىلدى تاپقىرلار الاڭىنىڭ ۇزدىك كومانداسى انىقتالدى

استانا، baq.kz. استانادا باستى ٴازىل سايىسى «كوڭىلدى تاپقىرلار الاڭى» جوباسىنىڭ اقتىق كەزەڭى ٴوتتى.

قورىتىندى جارىستا كتا جاستار كومانداسانىڭ 5 قۇراماسى سىنعا ٴتۇستى – «تەك قانا قىزدار» (الماتى) ، «جەرۇيىق» (اتىراۋ)، «ارمان قالا» (جەتىساي)، «ساعىز» (اتىراۋ وبلىسى) جانە «قارماقشى» (قىزىلوردا وبلىسى).

كتا فينالىن تاماشالاۋ ٴۇشىن ەلوردامىزدىڭ ۇلكەن زالدارىنىڭ ٴبىرى – «بارىس ارەنا» مۇز ايدىنى سارايىنا 9000 كورەرمەن جينالدى. جارىسقا قاتىسۋشىلار ٴۇش بايقاۋدا شەبەرلىك بايقاستى – سالەمدەسۋ، ستەم جانە ٴبىر ٴان بايقاۋى.

كتا ويىنىنىڭ باس جۇلدەسىن – كۋبوك پەن ٴبىر جارىم ميلليون تەڭگەنى اتىراۋ وبلىسىنىڭ «ساعىز» كومانداسى ولجالادى. سونىمەن قاتار، كوماندا كاپيتانى ەرنار ساكۋپوۆ بيىلعى ماۋسىمنىڭ ۇزدىك ويىنشىسى اتاندى. اتىراۋلىق «جەرۇيىق» كومانداسى ەكىنشى ورىنعا تابان تىرەسە، «تەك قانا قىزدار» (الماتى) كومانداسى ۇزدىك ۇشتىكتى تۇيىقتادى.

اقتىق جارىستىڭ ٴادىل قازىلار القاسىنىڭ مۇشەلەرى قر ٴبىلىم جانە عىلىم ۆيسە-مينيسترى ەلميرا سۋحانبەرديەۆا، «مۋزارت» توبىنىڭ ٴسوليستى كەنجەبەك ٴجانابىلوۆ، وليمپيادا چەمپيونى، تانىمال قازاقستاندىق بىلعارى قولعاپ شەبەرى دانيار ەلەۋسىنوۆ جانە قر ەڭبەك سىڭىرگەن مادەنيەت قايراتكەرى سايلاۋ كاميەۆ ازىلكەشتەرگە لايىقتى باعالارىن بەردى. استانا قالاسى مادەنيەت جانە سپورت باسقارماسىنىڭ باسشىسى بولات ماجاعۇلوۆ قازىلار القاسىنا ٴتوراعالىق ەتتى.

ۇزدىك ازىلكەش كوماندانى انىقتاۋ ٴۇشىن جىل بويى ىرىكتەۋ جۇرگىزدىك. قاڭتار ايىندا، جاڭا ماۋسىمدى ەندى عانا باستاعان كەزدە بارشا قازاقستاننان كتا-عا قاتىسۋعا 54 كوماندا ٴوتىنىم بەرگەن بولاتىن. فينالعا ونىڭ بەسەۋى عانا ٴوتتى. ٴار كەزەڭدە جەڭىمپازداردى انىقتاۋ قيىن بولدى، دەگەنمەن، جۇزدەن جۇيرىك، مىڭنان تۇلپار سۋىرىلىپ شىقتى. مەملەكەت باسشىسى نۇرسۇلتان نازاربايەۆ كەلەر جىلدى جاستار جىلى دەپ جاريالادى. ال كتا بولسا، قازاقستاندىق جاستارعا ٴوز تالانتىن بارشاعا پاش ەتۋگە مۇمكىنىك بەرەتىن بىردەن ٴبىر الاڭ، - دەپ اتاپ ٴوتتى بولات ماجاعۇلوۆ.

بەس ساعاتقا جۋىق سوزىلعان جارىسى كورەرمەندەرىن ەش جالىقتىرعان ەمەس. سەبەبى كتا-نىڭ وتكەن ماۋسىمدارىنىڭ جەڭىمپازدارى «ارال-اس» جانە «نازار اۋدار» كوماندالارى ٴازىل-سىقاق كەشىن ودان سايىن قىزىقتىرا ٴتۇستى. قازاقستاندىق كتا-نىڭ تەڭدەسسىز جۇرگىزۋشىسى، ەلىمىزدىڭ تانىمال ازىلكەشى تۇرسىنبەك قاباتوۆ تا قوناقتاردى كۇلدىرىپ، كوڭىلدەرىن كوتەردى.

كتا «كوڭىلدى تاپقىرلار الاڭى» - بۇل قازاقستاندىق ويىن-ساۋىق دۋمانىنىڭ جاڭا فورماتى، ومىردەن الىنعان ٴازىل. اتالمىش جوبا ٴۇش جىلدان بەرى استانا اكىمدىگىنىڭ قولداۋىمەن جۇزەگە اسىرىلىپ كەلەدى. جاڭا، ٴتورتىنشى ماۋسىم كەلەر جىلدىڭ قاڭتار ايىندا كتا كوماندالارىنىڭ فەستيۆالىنەن باستاۋ الادى. كتا-نىڭ وڭىرلىك ليگالارىنىڭ جەڭىمپازدارى اۆتوماتتى تۇردە ماۋسىمعا قاتىسۋعا جولداما الادى، باسقا ۇجىمدار بايقاۋدىڭ ۇيىمداستىرۋ كوميتەتىنە ٴوتىنىم بەرە الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي