BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا ٴححى «شابىت» شىعارماشىل جاستار فەستيۆالى وتەدى

فوتو: ult.kz

استانا، baq.kz. استانادا جىل سايىنعى «شابىت» حالىقارالىق شىعارماشىل جاستار فەستيۆالىنە قاتىسۋعا وتىنىمدەر قابىلداۋ باستالدى. بيىل بايقاۋدا بەس نوميناسيا بويىنشا دارىندى جاستار باسەكەگە تۇسپەك. اتاپ ايتقاندا، «كلاسسيكالىق مۋزىكا»، «حالىق مۋزىكاسى»، «ەسترادالىق ۆوكال»، «حورەوگرافيا» جانە «جۋرناليستيكا».

ۇستىمىزدەگى جىلى بايقاۋ 5-9 قاراشا ارالىعىندا بەيبىتشىلىك جانە كەلىسىم سارايىندا وتەدى. وندا 16-35 جاستاعى ۇمىتكەرلەر كۇش سىناسادى. ۇيىمداستىرۋ كوميتەتىنىڭ شەشىمىمەن «كلاسسيكالىق مۋزىكا» نوميناسياسىندا كەلەسىدەي ىشكى نوميناسيالار بولادى: «اعاش ۇرمەلى اسپاپتار»، «مىس ۇرمەلى اسپاپتار»، «سوقپالى اسپاپتار»، «كامەرالىق انسامبل»; «حالىق مۋزىكاسى» نوميناسياسىندا «قوبىز»، «پريما قوبىز»، «شەرتەر»، «باس شەرتەر»، «پريما دومبىرا»; «حورەوگوافيا» نوميناسياسىندا تەك حالىق ٴبيىن ورىنداۋشىلار عانا ونەر كورسەتەدى. ال «جۋرناليستيكا» نوميناسياسىندا ەكى باعىت قوسىلدى – «تەلەۆيدەنيە» جانە «ينتەرنەت رەسۋرستار».

ايتا كەتەيىك، «جۋرناليستيكا» «شابىت» فەستيۆالىنىڭ باعدارلاماسىندا سوڭعى رەت 6 جىل بۇرىن بولعان. بيىل استانانىڭ 20 جىلدىعىن مەرەكەلەۋگە وراي اتالعان نوميناسيا قايتا ەنگىزىلدى. بايقاۋعا مەرەيتويلىق داتاعا جانە ەلورداعا ارنالعان تەلەۆيزيالىق باعدارلامالار، دەرەكتى فيلمدەر (حرونومەتراجى 20 مينۋتتان اسپايدى) جانە ينتەرنەت رەسۋرستارداعى جاريالانىمدار قاتىسادى.

ٴار نوميناسيا بويىنشا تولىق ەرەجە ٴححى «شابىت» حالىقارالىق شىعارماشىل جاستار فەستيۆالىنىڭ www.shabyt.astana.kz سايتىندا جانە استانا قالاسى مادەنيەت جانە سپورت باسقارماسىنىڭ www.madeniet-sport-astana.kz سايتىندا جاريالانعان. بايقاۋعا قاتىساتىن ۇمىتكەرلەر ماتەريالداردى استانا قالاسىنىڭ مادەنيەت جانە سپورت باسقارماسىنا (010000، استانا ق.، بەيبىتشىلىك كوشەسى، 11 مەكەن جايى بويىنشا) تاپسىرادى. سونىمەن قاتار، بايقاۋعا قاتىسۋعا ٴوتىنىمدى www.shabyt.astana.kz سايتى ارقىلى بەرۋگە مۇمكىندىك جاسالعان. تولىق اقپاراتتى +7 (7172) 556771، +7 (7172) 557409 تەلەفوندارى بويىنشا فەستيۆالدىڭ ۇيىمداستىرۋ كوميتەتىنەن الۋعا بولادى. وتىنىمدەردى قابىلداۋ 25 قازانعا دەيىن جالعاسادى.

«شابىت» حالىقارالىق شىعارماشىل جاستار فەستيۆالى ۇستىمىزدەگى جىلى ٴ21-شى رەت وتكىزىلەدى. «شابىت» ونەر الەمىندەگى ماڭىزدى وقيعا جانە تالانتتى جاستارعا ۇلكەن ساحناعا جول اشاتىن بىرەگەي الاڭ بولىپ تابىلادى. وسى كۇنگە دەيىن فەستيۆالگە ونەردىڭ ٴتۇرلى جانرلارىندا 10 مىڭنان اسا ادام قاتىستى. ٴار جىلدارى فەستيۆال گران-پريى تانىمال ازىلكە تۇرسىنبەك قاباتوۆقا، اقىن قالقامان سارينگە، بالەت ٴارتيسى ايگەرىم بەكەتايەۆاعا، وپەرا ٴانشىسى ايگۇل نيازوۆاعا، «مەلومەن» توبىنا، اشا ماتايعا، بەلگىلى ٴانشى ٴارى كومپوزيتور قايرات باەكەنوۆكە جانە باسقا دا اتاقتى تۇلعالارعا تابىستالعان بولاتىن.

ەسكە سالايىق، وتكەن جىلى حح «شابىت» حالىقارالىق شىعارماشىل جاستار فەستيۆالىندە قازاقستان رەسپۋبليكاسى پرەزيدەنتىنىڭ كۋبوگىن سكريپكاشى جىبەك مۋسۋرگاليەۆا جەڭىپ الدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي