BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا حالىقارالىق كوشە ٴبيى فەستيۆالى مارەسىنە جەتتى

فوتو: Weproject.kz

استانا قالاسى اكىمدىگىنىڭ قولداۋىمەن ۇيىمداستىرىلعان international street dance session in astana حالىقارالىق كوشە ٴبيى فەستيۆالى بۇگىن ەلوردانىڭ باس الاڭىندا ٴوز مارەسىنە جەتەدى. isds – 2010 جىلدان بەرى 10 مىڭعا تارتا كورەرمەننىڭ باسىن قوساتىن ەلورداداعى جارقىن شارالاردىڭ ٴبىرى، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ ٴباسپاسوز قىزمەتىنە سىلتەمە جاساپ.

فەستيۆال اۆتورى – اتاقتى وتاندىق جانە شەتەلدىك بيشىلەرمەن جۇمىس ىستەيتىن قازاقستاندىق حورەوگراف نۇرسۇلتان تاشەنوۆ. جىل سايىن تاجىريبەمەن الماسۋ، بي مادەنيەتىن ناسيحاتتاۋ ماقساتىندا isds فەستيۆالىنە قازاقستان مەن جاقىن شەت ەلدەردىڭ مىڭعا جۋىق ٴبيشىسى قاتىسادى. بيشىلەردىڭ ونەرىن مايكل دجەكسون، بەيونسە، اشەر، دجاستين تيمبەرلەيك، دجاستين بيبەر سياقتى جۇلدىزدارمەن ىنتىماقتاستىقتا جۇمىس ىستەگەن، شەتەلدىك فيلمدەر مەن كليپتەرگە تۇسكەن الەمدىك بيشى-حورەوگرافتار باعالايدى. فەستيۆال 5 كۇنگە سوزىلادى. ول 2-3 شىلدەدە mega silk way سوسو-دا وتەتىن ىرىكتەۋ كەزەڭىنەن، 4-5 شىلدەدە نازاربايەۆ ۋنيۆەرسيتەتىنىڭ سپورت ورتالىعىندا ۇزدىك شەتەلدىك بيشىلەر وتكىزەتىن شەبەرلىك سىنىپتارى مەن استانا قالاسىنىڭ باس الاڭىندا وتەتىن گراند-فينالدان تۇرادى.

بيىل فەستيۆال فينالى 5-6 شىلدەدە ساعات 18:00-دە قالالىق الاڭدا وتەدى. جارىس جەڭىمپازدارى ٴارتۇرلى ساناتتا 28 اتالىم بويىنشا انىقتالادى. جۇلدە قورى 3 ملن تەڭگەنى قۇرايدى. hip-hop show pro اتالىمىندا جەڭىسكە جەتكەن بيشىلەر باستى سىيلىق 1 ملن تەڭگەنى ەنشىلەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي