BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردادا فرانسۋز سۋرەتشىسىنىڭ استاناعا ارنالعان فوتوكورمەسى اشىلدى

الەمگە تانىمال فرانسۋز فوتوسۋرەتشىسى جان-فرانسۋا روزە وتكەن جىلى قازاقستان ەلورداسىنا العاش كەلىپ، «گيپەر استانا» دەپ اتالاتىن ەكسپوزيسيا ازىرلەگەن. ونىڭ جۇمىستارىندا باس شاھاردىڭ كورىكتى عيماراتتارى ادەتتەن تىس قىزىقتى راكۋرستاردا بەينەلەنگەن. سۋرەتتەردە ادامدار جوق، تەك قۇپياعا تولى man in black قانا. استانانى مۇنداي بەينەدە ٴالى ەشكىم كورمەگەن بولار، دەپ حابارلايدى استانا قالاسى اكىمىنىڭ رەسمي سايتى.

قارا كيىم كيگەن ادام فوتوگرافتىڭ التەر ەگوسى، ونىڭ ٴوزى ٴار سۋرەتىندە سىرتتان باقىلاۋشى رولىندە. جان-فرانسۋا تۋىندىلارىن گرافيكالىق باعدارلامالاردى پايدالانا وتىرىپ جاسايدى.

سۋرەتشى استانانى فوتوعا ٴتۇسىرۋ جۇمىستارىن وتكەن جىلدىڭ مامىر ايىنان بەرى جۇرگىزگەن، ناتيجەسىندە ەلورداداعى 40-قا جۋىق عيمارات ونىڭ وبەكتيۆىنە ىلىگىپتى. كورمەگە 30 جۇمىس ۇسىنىلدى.

«بارلىعى بەيبىتشىلىك پەن كەلىسىم سارايىنان باستالادى. عيمارات اينانىڭ ارعى جاعىنداعى الەمگە ۇقسايدى، وسى جەردە نورمان فوستەردىڭ كومانداسىنا دا ورىن تابىلىپتى، ونىڭ ٴوزى جانە باسقا ساۋلەتشىلەر بار. سۋرەتشىنىڭ تۋىندىلارىنان جانۋارلاردى ٴجيى بايقاۋعا بولادى، ادامداردى سيرەك كورەمىز. تەك قۇرىلىسى ٴجۇرىپ جاتقان ەكسپو قالاشىعىندا عانا ادامدار بار. ول كليماتى قاتال ەلوردادا ەڭبەك ەتىپ جاتقان قۇرىلىسشىلارعا قۇرمەت بىلدىرگىسى كەلگەندەي»، دەيدى «گيپەر استانا» كورمەسىنىڭ كۋراتورى دينا بايتاسوۆا.

ٴبىر فوتوسۋرەتتى دايىنداۋعا بىرنەشە كۇن ۋاقىت كەتكەن. اۆتور عيماراتتىڭ ٴار بولىگىن جەكە-جەكە ٴتۇسىرىپ، كەيىن ٴبىر سۋرەتكە بىرىكتىرەدى. ول قۇرىلىستىڭ سۋداعى كورىنىسىن ٴجيى پايدالانادى، ال كەيدە نىساندى قۇپيا ورنەككە اينالدىرىپ، مۋلتيپليكاسيالايدى.

«بۇگىنگى فوتوگرافيا بەلگىلى جوسپارلى، پەرسپەكتيۆانى كورسەتەدى، ال جان-فرانسۋا روزە سۋرەتشى رەتىندە ٴوزىنىڭ كورگەنىن جەتكىزەدى. فوتوونەر جالعىز راكۋرس جاساۋعا مۇمكىندىك بەرەدى، سوندىقتان ول ٴوزىنىڭ كورگەنىن ٴبىر سۋرەتكە توپتاستىرىپ، ادام كوزىنىڭ مۇمكىندىگىن كەڭەيتەدى، قيالعا جەتەلەيدى، شىندىقتى اسىرەلەيدى، قالانىڭ سيۋررەاليستىك بەينەسىن جاسايدى»، دەيدى دينا بايتاسوۆا.

پوستمودەرنيست سۋرەتشى ۆەرسال، ىستامبۇل، بارسەلونا، برازيليا، باكۋ جانە تاعى باسقا قالالاردى ٴوز شىعارماشىلىعىنا ارقاۋ قىلعان. ال جان-فرانسۋا روزەنىڭ استاناسىمەن بەيبىتشىلىك جانە كەلىسىم سارايىندا 12 اقپانعا دەيىن تانىسۋعا مۇمكىندىك بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي