BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا بالاۋىزدان جاسالعان مۇسىندەر كورمەسى اشىلدى (فوتو)

فوتو: Ержан Жаубай

ەلوردا تۇرعىندارى مەن قوناقتارى ٴۇشىن، رەسەيدىڭ مادەني وشاعىنىڭ ٴبىرى سانالاتىن سانكت-پەتەربۋرگ قالاسىنان كەلگەن بالاۋىز مۇسىندەرىن قالا كۇنى مەن تاۋەلسىزدىكتىڭ 25 جىلدىعىنا ارنالعان ەكەن – دەپ جازادى baq.kz ٴتىلشىسى.

ەستەرىڭىزدە بولسا، بالا كەزدەرىڭىزدە تالايىڭىز، اسىرەسە ەلەكتر جارىعى جەتە قويماعان ورتالىقتان الىس اۋىلداردا وسكە قاراسيراقتار بىلەتىن بولارسىزدار. كەشكى تاماق ٴىشىپ بولعانشا جارىق بولسىن دەپ جاعىپ قوياتىن وندىق شامنىڭ ەرىپ اققان قالدىق مايىنان ٴتۇرلى پىشىندەگى ٴوز قيالىمىزدان قۇراستىرىپ العان بىردەڭەنى جاساۋشى ەدىك قوي. اسىرەسە جازعى ىستىقتا وز-وزىنەن جۇمسارىپ، ەرىپ تۇرعان بالاۋىز يكەمگە تەز كەلەتىن. ەرمەكسازعا (پلاستيلين) قول جەتپەگەن بالالاردىڭ كوبى شامنىڭ مايىمەن ٴمۇسىن جاساۋعا اۋەس ەدى.

سويتسەك بۇل مادەنيەت الەمىندە اجەپتاۋىر اتاعى بار ونەردىڭ ٴبىر ٴتۇرى ەكەن. بۇعان دەيىن دە قازاقستاندىق شەبەرلەر بالاۋىزبەن ٴمۇسىن جاساپ، ەل نازارىنا ۇسىنىپ كەلگەن بولاتىن. ال، بۇگىننەن باستاپ استانا تورىندە دە ٴدال وسىنداي بالاۋىزدان جاسالعان مۇسىندەر كورمەسى وتە باستادى.

كورمەگە سانكت-پەتەربۋرگ قالاسىنىڭ بالاۋىز ٴمۇسىن شەبەرلەرىنىڭ قولىنان تۋىنداعان ٴداستۇرلى 40-قا جۋىق بالاۋىز مۇسىندەر قويىلدى.

ايگىلى اكتەرلەر، تاريحي تۇلعالار جانە يمپەراتورلار مەن ساياساتكەرلەر ورنالاسقان كورمەدە ەرتەگى كەيىپكەرلەرى مەن مۋلتفيلم كەيىپكەرلەرى دە ورىن الىپتى. سونىمەن قاتار ەجەلگى گرەسيانىڭ اتى اڭىزعا اينالعان مينوتاۆر سفينكس ٴمۇسىنى دە كورمەنىڭ كوركىن قىزدىرعان. ال اتاقتى سپورتشىلار فۋتبول كورولى پەلە مەن بوكستان الەمدىك دەڭگەيدەگى شەبەر مايك تايسوننىڭ اينىتپاي سالىنعان بەينەلەرى كەلۋشىلەردى تامساندىرارى انىق. كورەرمەندەردىڭ قىزىعۋشىلىعىن وياتاتىن تاعى ٴبىر ەرەكشە مۇسىندەر – قازىرگى تاڭدا الەمدىك دەڭگەيدەگى كينوجۇلدىزداردىڭ بەينەسى بولماق. انجەلينا جولي، برەد پيد قاتارلى مايتالمانداردىڭ شىنايىلىعى تامساندىرادى. ال اسىرەسە جاستاردىڭ ٴسۇيىپ كورەتىن «ناسيونالنايا وحوتا ي رىبالكا»، «زۆەزدنىە ۆوينى» ٴفيلمىنىڭ اكتەرلەرى مەن فانتاستيكالىق فيلمدەردەن «اۆاتار»، «پيراتى كاريبسكوگو موريا»، «ۆلاستەلين كولەس»، «گارري پوتتەر» قاتارلى ايگىلى كينوتۋىندىلاردىڭ باس كەيىپكەرلەرىنىڭ بەينەسى كورەرمەن نازارىن وزىنە باۋرايتىنى انىق.

«بارلىق كورمەگە قويىلعان مۇسىندەر - وتكەن عاسىرلاردا عۇمىر كەشكەن نەمەسە قازىرگى تاڭدا اتى اڭىزعا اينالعان ساياسي تۇلعالار، سۇيىكتى كەيىپكەرلەرىمىز، كينو الەمىندە وزىندىك قولتاڭباسى بار ايگىلى ونەر جۇلدىزدارى. بۇنى ۇيىمداستىرۋداعى باستى ماقساتىمىز حالىققا وسىنداي ونەر بارىن ناسيحاتتاۋ. ٴارى تاۋەلسىزدىكتىڭ 25 جىلدىعىنا تارتۋ. قالا كۇنى مەرەكەسىنە وراي ەلوردا تۇرعىندارىنا قۋانىش سىيلاۋ. الداعى ۋاقىتتا بۇل كورمە ەلىمىزدىڭ باسقا قالالارىندا دا جالعاسىن تاباتىن بولادى – دەيدى كورمەنىڭ ۇيىمداستىرىلۋىن جاۋاپتانعان بەيبىتشىلىك جانە كەلىسىم سارايى باس ديرەكتورىنىڭ ورىنباسارى ايدارحان ادىلبايەۆ.

بەيبىتشىلىك جانە كەلىسىم سارايىندا اشىلعان كورمەنىڭ تاعى ٴبىر ەرەكشەلىگى مۇندا قازاقتان شىققان العاشقى بالاۋىزبەن ٴمۇسىن جاساۋشىلاردىڭ ٴبىرى ايدوس ەسماعامبەتوۆتىڭ دە ەڭبەكتەرى قويىلعان. ايدوستىڭ قولىنان شىققان قر پرەزيدەنتى نۇرسۇلتان ٴابىش ۇلىنىڭ، ابىلاي حاننىڭ، اقش پرەزيدەنتى باراك وبامانىڭ مۇسىندەرى ٴاربىر دەتالىنىڭ، ٴاربىر قيمىلىنىڭ، ميميكاسىنىڭ ناقتىلىعىمەن تاڭعالدىرارى ٴسوزسىز.

13 شىلدەدەن 21 تامىز ارالىعىندا ٴبىر ايدان استام كوپشىلىك نازارىنا ۇسىنىلاتىن كورمەنى تاماشالاۋعا قالا حالقى الدەن-اق اسىعا باستاپتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي