BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«استانا وپەرا» يتاليالىقتارعا جاڭا جىلدىق ەرتەگى سىيلادى

فوتو: «Астана Опера» театры

استانا، baq.kz. «استانا وپەرا» تەاترى يتالياعا گاسترولدىك ساپارىن كارلو فەليچە تەاترى ساحناسىندا پ.ي.چايكوۆسكييدىڭ «ششەلكۋنچيك» بالەتىمەن اشتى.

«ششەلكۋنچيك» سپەكتاكلىنىڭ 6 قويىلىمىنا دا بيلەتتەر گاسترول باستالعانعا دەيىن ساتىلىپ كەتتى. عاجاپ كورىنىستى بالەت سان ٴتۇرلى اۋديتورياعا ارنالعان. زالدا بالەت ونەرىنىڭ ناعىز باعالاۋشىلارى دا، تاماشا تەاتر الەمىنە جاڭا قادام باسقان جاس كورەرمەندەر دە بولدى. يتاليالىقتار دۋالانعان حانزادا تۋرالى بالەتتى زور سۇيىسپەنشىلىكپەن قابىل الدى.

«كورەرمەندەر اۋقىمدى دەكوراسيالارعا، شەبەرلىكپەن جاسالعان بۋتافوريا مەن ساحنانىڭ ەڭ قۇندى جابدىعى – كورەرمەندەردىڭ كوز الدىندا ٴوسىپ شىققان الىپ شىرشا اعاشىنا ٴوز باعاسىن بەردى، ونىڭ جانىندا بالەرينالار تاڭعاجايىپ ەرتەگىدەگى جاس بالالار سياقتى كورىندى، - دەلىنگەن تەاتردىڭ حابارلاماسىندا.

وسى كەشتە ٴماريدىڭ پارتياسىن قازاقستاننىڭ ەڭبەك سىڭىرگەن قايراتكەرى ايگەرىم بەكەتايەۆا كەرەمەت ورىنداپ شىقتى. ششەلكۋنچيك-حانزادانىڭ ٴرولىن قازاقستاننىڭ ەڭبەك سىڭىرگەن قايراتكەرى باقتيار ادامجان شەبەرلىكپەن سومدادى. ششەلكۋنچيك-قۋىرشاق – انەل ەسقاليەۆا، تىشقان پاتشاسى – جانىبەك يمانقۇلوۆ، دروسسەلمەيەر – يلدار شاكيرزيانوۆ، فريس، ٴماريدىڭ ٴىنىسى – انەل ەسقاليەۆا، شتالباۋم – راحمەتوللا ناۋانوۆ، شتالباۋمنىڭ ايەلى – اسەل كەنجەبەكوۆا ت.ب. ٴوز بەينەلەرىن تاماشا ورىندادى.

قازاقستاندىق تەاتردىڭ اينىماس يتاليالىق كورەرمەنى بار، ولار «استانا وپەرا» بالەت ترۋپپاسىن اسىعا كۇتىپ، ٴاردايىم جوعارى شەبەرلىگىن، ارتىستىك ونەرىن، كلاسسيكالىق ٴبيدىڭ سان قىرلى دا قيىن تەحنيكاسىن ەسكەرەدى.

«جەكەلەگەن نومىرلەر ەرەكشە ىقىلاس تۋعىزدى: ٴۇنسىز قىس تابيعاتىنىڭ قيال-عاجايىپ بەينەسىن جاسايتىن قار بۇرشىگى ٴبيى، كومەديالىق قىتاي ٴبيى ٴشاي جانە ٴۇندى ٴبيى كوفە. بۇل – تاماشا مۋزىكاسى مەن قىزىقتى حورەوگرافياسى بار كەرەمەت بالەت. جالپى العاندا، روجدەستۆو قارساڭىندا تاڭعاجايىپ كورىنىستەر ەڭ قۋانىشتى اسەر قالدىردى»، - دەدى سپەكتاكلدى تاماشالاۋعا كەلگەن كورەرمەن نيكولەتتا بالبو.

يتاليادا ترۋپپا «ششەلكۋنچيك» بالەتىنىڭ تاعى 5 سپەكتاكلىن (ديريجەرلەرى – قازاقستاننىڭ ەڭبەك سىڭىرگەن قايراتكەرى ابزال مۇحيتدينوۆ جانە ارمان ورازعاليەۆ) ۇسىنادى. «استانا وپەرا» تەاترى كەلەسى گاسترولدىك كەستە بويىنشا يسپانيا ەلىنە جول تارتادى، مۇندا ارتىستەر سوفيا پاتشايىمنىڭ ونەر سارايى ساحناسىندا (ۆالەنسيا) 29 جەلتوقسان جانە 5 قاڭتار ارالىعىندا پ.چايكوۆسكييدىڭ «اققۋ كولى» بالەتىمەن ونەر كورسەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي