BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«استانا» تەاتر فەستيۆالى: 13 مەملەكەتتەن كەلگەن الەمدىك تەاتر ۇجىمدارى ونەر كورسەتەدى

17 ماۋسىمدا ٴىى دۇنيەجۇزىلىك «استانا» تەاتر فەستيۆالى اشىلادى، دەپ حابارلايدى baq.kz اقپارات اگەنتتىگى.

مادەني جوبا ەلوردامىزدىڭ 20 جىلدىعى مەن «رۋحاني جاڭعىرۋ» باعدارلاماسىن جۇزەگە اسىرۋعا ارنالىپ وتىر.

ەكى اپتاعا سوزىلاتىن تەاتر مەرەكەسىنىڭ قارساڭىندا 13 مەملەكەتتەن كەلگەن الەمدىك تەاتر ۇجىمدارى ونەر كورسەتەدى. ولار: «piccolo di milano» تەاترى (يتاليا)، «1927» تەاترى ( ۇلىبريتانيا)، «meno fortas» (ليتۆا)، «warszawa» (پولشا)، «nakamura gekijo» (جاپونيا)، تاۋەلسىز ينتەرناسيونالدى «11» تەاترى (گەرمانيا)، ش.رۋستاۆەلي اتىنداعى گرۋزيا مەملەكەتتىك اكادەميالىق تەاترى (گرۋزيا)، بەيجىڭ حالىقتىق كوركەم تەاترى (قىتاي)، وزبەك ۇلتتىق اكادەميالىق دراما تەاترى (وزبەكستان)، لەنسوۆەت اتىنداعى سانكت-پەتەربۋرگ اكادەميالىق تەاترى، ماسكەۋ گۋبەرنيالىق تەاترى (رەسەي)، ش.تەرميچيكوۆ اتىنداعى شۋ وبلىستىق تەاترى، ت.ابدۋمومۋنوۆ اتىنداعى اكادەميالىق دراما تەاترى (قىرعىزستان).

وتاندىق تەاترلاردان م.اۋەزوۆ اتىنداعى قازاق مەملەكەتتىك اكادەميالىق دراما تەاترى، ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى، ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى، «astana musical» قاتىسادى. بارلىعى– 18 سپەكتاكل. اتالعان ٴىس شارانىڭ باستى قوناعى - وسكار سىيلىعىنىڭ يەگەرى دۇنيەجۇزىنە بەلگىلى كينو جانە تەاتر اكتريساسى جيۋلەت بينوش.

فەستيۆالعا ٴاسانالى ٴاشىموۆ (قازاقستان)، يوناس ۆايتكۋس (ليتۆا)، داۆيد اساتياني (فرانسيا)، بەاتريس پيكون-ۆاللەن (فرانسيا)، داۆيد پاپاۆا ( ۇلىبريتانيا) سىندى ەۋروپا مەن ازيانىڭ بەلگىلى تەاتر قايراتكەرلەرى، تەاترتانۋشىلار، تەاتر سىنشىلارى قاتىسادى.

ٴىى دۇنيەجۇزىلىك «استانا» تەاتر فەستيۆالىنە «piccolo teatro di milano» تەاترى 70 جىل بويى قويىپ كەلە جاتقان «ەكى مىرزاعا ٴبىر قىزمەتشى» سپەكتاكلى 50 مەملەكەتتە، يتاليانىڭ 171 مەكەمەسىندە 2500 رەت قويىلىپ، گيننەس رەكوردتار كىتابىنا ەنگەن. كومەديا جانرىنداعى سپەكتاكلدىڭ باستى كەيىپكەرى – ايلاقور ٴارى شاتپاق مىنەزدى، ٴوزىنىڭ فانتازياسى بويىنشا ٴۇش جۇپتىڭ وتاۋ قۇرۋىن ويلاستىراتىن جان.

تەاتر ۇجىمدارىنىڭ باسقا قويىلىمدارى «قازاقستان» ورتالىق كونسەرت زالىندا، حولل ەنەرگيا، بەيبىتشىلىك جانە كەلىسىم سارايىندا، ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا جانە م.گوركيي اتىنداعى مەملەكەتتىك اكادەميالىق ورىس دراما تەاترىندا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي